Jeremia 13:21 - ÎVUKU RÎA ÛVORO MWARO

²¹ Ûkaauga atîa îgûrû rîgiî andû arîa weciragia nî arata aku, arîa we mwene wathomithirie rîrîa magaakûvoota na makwathe? Kinthî ndûgecûrwa nî ûrûrû ta wa mûndûmûka akîgîa na mwana?

Jeremia 13:21 ပူးပေါင်းရင်းမြစ်များ

2Atha 16:7

Kwoguo Ahazi nîwatûmire anjaama kûrî Tigilathi Pilesa mûthamaki wa Asîria makamwîre atîrî, “Nie nîrî ndungata yaku, ûka ûmvonokie kuuma kûrî mûthamaki wa Sîria na kuuma kûrî mûthamaki wa Isiraeli arîa marantharîkîra.”

Isaia 10:3

Mûgeeka atîa mûthenya ûrîa Ngai akaamûverithia, rîrîa akaamûretere rûkûngi rûnene kuuma vûrûri wa kûraca? Mûkaathiî kûvoya ûtethio kûrî û? Mûgaatiga ûtonga wenyu kû?

Isaia 13:8

Nîmakegua guoya na ruuo, megue ruuo ta rwa mûndûmûka akîgîa mwana. Makaaroranagia wa mûndû amakîtue nî ûrîa wîngî, namo mothiû mao makethîrwa mecûrîtwe nî nthoni.

Isaia 21:3

Maûndû marîa noonire na ngîgua nîmaatûmire mbîgua ûrûrû mûno, nîrî mwîcûre nî ûrûrû mwîngî, ûrûrû ta wa mûndûmûka agîciara. Nînîratuurwa mûno nginya ngaremwa nî kwîgua, nîrî mûmaku mûno nginya ngaremwa nî kwona.

Jeremia 2:25

Isiraeli ndûkanogie magûrû maku, kana ûng'aria mîmero yaku. Nwatî ugaga atî: ‘Gûtirî na kîîrîgîrîro, nîûndû nînendire ngai ng'eni, icio nîcio ngagoocaga.’ ”

Jeremia 22:23

Mue muonthe mûtûûraga Lebanoni, mue arîa mwîkaraga nyombarî itumîtwe na mîtarakwe, nîmûkaarîra rîrîa mûkaagwatwa nî ruuo, ta rwa mûndûmûka agîciara!

Jeremia 30:6

Rîu ta îyûrieni na mwîcirie: mûndûmûrûme nwa aciare mwana? Nîndûî kîratûma mone wa mûndûmûrûme, aigîrîrîte njara îvu ta mûndûmûka arî na ûrûrû wa gûciara? Nîndûî gîtûmîte mothiû ma andû onthe mathite?

Jeremia 38:22

Kîonekirî kîu, nînonire aka arîa maatigirwe mûciî kwa mûthamaki wa Juda makîvirwa kûrî anene a mûthamaki wa Babuloni. Nao maathiîte makiugaga atî, ‘Arata aku arîa wetîkîtie mûno nîmakûveenetie na nîmakûvootete, nîûndû magûrû maku nîmavorokeru ndakarî, nîmareganîte nawe magagûtiganîria.’

Jeremia 4:30

We Jerusalemu kaî wî na thîna-î! Wîkagîra nguo îno ndune nîkî? Wîgemagia ûthiû na ûgekîra mathaga ma thaabu nîkî? Kwîgemia gwaku nîkwa mana. Arîa makwendete nîmarakûnyarara, na magacaria ûrîa mangîkûûraga.

Jeremia 4:31

Nie nîneguire kîrîro ta Kîam mûndûmûka arî na ûrûrû wa gûciara, mûcao ta wa mûndûmûka agîkivîra mwana wa îrikithathi, Kîamrî kîrîro gîa Zayuni akîvevûka agîcaragia mîvevû, agîtambûrûkagia njara akiugaga atîrî, ‘Kaî nîrî na thîna-î! Nîmaûkîte kûmbûraga!’ ”

Jeremia 48:41

Matûûra na kûndû kûrîa kûgitîre nîgûgaatavwa. Mûthenya ûcio athigari a mbaara a Moabu, nîmakegua guoya ta mûndûmûka akîgîa na mwana.

Jeremia 5:31

arathi methîrîtwe makîruta ûrathi wa maveeni, na athînjîri-Ngai makathana wa ûrîa makwenda. Andû akwa makona ûndû ûcio ûrî mwagîrîru. Nwatî maûndû mama makinya mûthiia mûgeka atîa?”

Jeremia 6:24

Andû a Jerusalemu marauga atîrî, “Nîtwîguîte ûvoro wao, njara cietû ikathira vinya; nîtûgîte na ûrûrû ta rwa mûndûmûka agîciara.

Ezek 28:9

Nîûkaauga atî we wî ngai rîrîa ûkethîrwa ûrî mbere ya andû arîa magaûka gûkûraga? Wakinya njararî cia arîa magaaûka gûkûthiria nîûkaamenya atî we wî mûndû tu, nwatî ndûrî ngai.

Mathaayo 24:8

Maûndû mama monthe nîta Kîammbîrîria Kîam ûrûrû ûrîa mûndûmûka egucaga akîgîa na mwana.

1Ath 5:3

Rîrîa andû makeethîrwa makiugaga, “Tûrî na thayû na tûrî agitîre,” nîmagaacûkangua wa rîmwe wata ûrûrû ûrîa ûkaga kûrî mûndûmûka agîciara. Andû matikaavota kûra.