Jeremia 13:11 - ÎVUKU RÎA ÛVORO MWARO

¹¹ Wata ûrîa thuruvarî îganagîra mûndû kîûnûrî, nîguo nendete andû onthe a Juda na Isiraeli megucage meganîrîte menyitithanîtie nanie. Nekire ûguo nîguo matuîke andû akwa, matûmage rîîtwa rîakwa rîkumue na rîvewe riiri, nwatî nîmaaregire kûnthikîrîria, nie Ngai-Mûnene.”

Jeremia 13:11 ပူးပေါင်းရင်းမြစ်များ

Thaburi 135:4

Ngai-Mûnene nîathuurîte Jakovu atuîke wake, nîathuurîte andû a Isiraeli matuîke ake kîûmbe.

Thaburi 147:20

Ndaaneka ûndû ta ûcio vûrûrirî wîngî; na matiîcî mawatho make. Kumiani Ngai-Mûnene!

Thaburi 81:11

“Nwatî andû akwa matianthikîrîria; Isiraeli matiambathîkîra.

Isaia 43:21

Acio nî andû arîa naûmbire marî akwa nie mwene, nîguo managîrîre ngumo yakwa!

Isaia 62:12

Andû acio nîo mageetagwa, “Andû arîa atheru, arîa mavonoketue nî Ngai-Mûnene.” Nawe Jerusalemu ûgeetagwa, “Îtûûra rîrîa Ngai endete,” nwatî tî “Îtûûra rîrîa rîtiganîrie.”

Jeremia 13:1

Ngai-Mûnene nîwambîrire atîrî, “Thiî ûgûre thuruvarî ya gîtambaa Kîam goro na wîkîre, nwatî ndûkamîrinde manjîrî.”

Jeremia 13:10

Andû aya aganu nîmaregete kûmbathîkîra. Nî aremi na nî aûmû ngoro. Matungatagîra na makagooca ngai ng'eni. Kwoguo matuîkîte ta thuruvarî îno ndembûkangu na îtangîtûmîrwa, nî ya mana.

Jeremia 13:12

Ngai-Mûnene, Ngai wa Isiraeli nîwambîrire atîrî, “Jeremia, îra andû a Isiraeli atî nyûngû cionthe nîigeecûrua na ndivei. Nao nîmagacokia atî, ‘Kinthî tûtiîcî atî nwa nginya inya cionthe ciîcûrue na ndivei?’

Jeremia 19:15

“Ngai-Mûnene mwene vinya wonthe, Ngai wa Isiraeli arauga atî, ‘Nîngûretera îtûûrarî rîîrî, na matûûrarî monthe maûndû monthe macûku marîa naugire nîngeka kuo, nîûndû nîmaûmîtie ciongo na makarega kwîgua ciugo ciakwa.’ ”

Jeremia 32:20

Nîwaringire ciama na ûgîka maûndû manene Misiri, na nîûthiîte na mbere kûmeka Isiraeli nginya ûmûnthî na ûndû ûcio ûgatûma ûmenyakane.

Jeremia 33:9

Îtûûra rîîrî nîrîgatûma ngîe na gîkeno, ngumo na mbere ya mavûrûri monthe ma nthî marîa makegua ûvoro wîgiî maûndû monthe maro marîa nîmekaga. Mavûrûri nîmagetigîra na mainaine nîûndû wa maûndû maro na wagîrîru ûrîa ndeterete îtûûra rîîrî.”

Jeremia 6:17

Nînathuurire andû a kûmûrangîra na ngîmera atîrî, ‘Thikagîrîriani mîgambo ya tûrumbeta.’ Nwatî nîmambîrire atîrî, ‘Tîtûthikîrîria.’

Jeremia 7:13

Mue nîmwîkîte maûndû mama monthe, na mavinda meengî na namwarîrie na mûkîrega kûmbîgua, na namwîta mûkîrega kûmbîtîka.

Jeremia 7:23

Nwatî namaveere watho ngîmeera, ‘Athîkagîrani mûgambo wakwa, nîngûtuîka Ngai wenyu na mûtuîke andû akwa, na mûrûmagîrîre maûndû marîa ngûmwatha, nîguo maûndû menyu mavue.’

Jeremia 7:24

Nwatî matiambathîkîra kana manthikîrîria. Vandû va ûguo, marûmîrîre meciria na ûremi wa ngoro ciao, na magîcoka na vuva vandû va kûthiî na mbere.

Jeremia 7:26

Nwatî mûtianthikîrîria kana mûmbîgua, nwatî nîmwaûmirie ciongo, na mûgîtuîka aregi gûkîra methe menyu.

Amosi 3:1

Mue andû a Isiraeli, tathikîrîriani ndûmîrîri îrîa Ngai-Mûnene arîtie îmwîgiî mue arîa onthe aarutire vûrûri wa Misiri.

Luka 10:11

‘Wana nginya rûkûngû rwa îtûûra rîenyu rûrîa rûraûmbîrîrîte magûrûrî metû, nîtwerivariva ruo nîguo rûmûcokerere. Nwatî ririkanani atî, Ûthamaki wa Ngai ûrî vakuvî mûno namue!’

Gûco 26:18

Nake Ngai-Mûnene nîwauga ûmûnthî, atî mue mûrî andû ake kîûmbe wata ûrîa aamwîrîîre na nîmwagîrîrwe nî kûvingagia maathani make monthe.

Gûco 26:19

Nake nîakaamûtua rûrîrî rûnene gûkîra ndûrîrî cionthe irîa aaûmbire. Nao andû arîa engî onthe nîmakaamûvecaga gîtîîo na nî mûkethîrwa mûrî andû a Ngai-Mûnene, Ngai wenyu kîûmbe.”

Gûco 4:7

“Nî vûrûri ûrîkû wana ethîrwa ûrî mûnene atîa wîthagîrwa ûrî na ngai îrî vakuvî naguo ta ûrîa Ngai-Mûnene, Ngai wetû ethagîrwa arî vakuvî natue rîrîa rîonthe twamwîta?

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.