Jeremia 13:10 - ÎVUKU RÎA ÛVORO MWARO

¹⁰ Andû aya aganu nîmaregete kûmbathîkîra. Nî aremi na nî aûmû ngoro. Matungatagîra na makagooca ngai ng'eni. Kwoguo matuîkîte ta thuruvarî îno ndembûkangu na îtangîtûmîrwa, nî ya mana.

Jeremia 13:10 ပူးပေါင်းရင်းမြစ်များ

Thaburi 78:8

Matigekara ûrîa methe mao meekariî; andû aûmû ngoro na mataarî athîki, rûciaro rûtaarî na wîtîkio mûkinyanîru, na rûtaarî rwîvokeku mbere ya Ngai.

Mûvunjia 11:9

We mwanake kenagîra wîthî waku. Ngoro yaku nî îkenagîre wîthî waku. Îkaga ûrîa ngoro yaku îrenda. Nwatî ririkana atî Ngai nîagaagûtuîra nîûndû wa maûndû marîa monthe wîkaga.

Isaia 3:24

Vandû va kûgîa na mûnungo mwaro, makaanungaga woru; vandû va kwîyova mîcivi, makeyova mîkanda; vandû va kwîthîrwa na njuîrî nthaka, makethîrwa na ivara; vandû va kwîthîrwa na nguo mbaro, mageekîra matangari; vandû va ûthaka makethîrwa na gîconoko!

Jeremia 11:10

Nîmacokererete mevia marîa meekagwa nî methe mao, arîa maregire kûmbathîkîra; na nîmagoocete ngai ciîngî. Andû a Isiraeli na Juda nîmaunîte kîrîkanîro kîrîa narûthire na methe mao.

Jeremia 11:18

Ngai-Mûnene nîwamenyithirie nanie ngîmenya; Ngai-Mûnene nîwamenyithirie mîvango yao mîcûku.

Jeremia 13:7

Kwoguo nînathiîre rûnjîrî rwa Farati, ngîmîcaria na ngîmîona îrî wa varîa namîthithîte. Nayo thuruvarî îo yarî ndembûkangu na ndîngîatûmîrirwe rîngî.

Jeremia 16:12

Mue nîmwîkîte naaî wana gûkîra methe menyu. Muonthe mûrûmagîrîra merirîria macûku, na ngoro cienyu nî nyûmû na mûtimbathîkagîra.

Jeremia 16:4

nîmakaûragwa nî mîrimû mîcûku na gûtirî mûndû ûkamacakaîra kana amathika, mîîrî yao îgaatuîka ta irûndo cia mai gûkû nthî. Makaûragîrwa mbaararî na maûragwe nî yûra. Ciimba ciao ikaarîwa nî iconi na nyamû cia kîthaka.

Jeremia 20:4

Nîûndû Ngai-Mûnene arauga atîrî, ‘Ta roria nîngatûma ûtuîke kiumo Kîam guoya kûrî we mwene na kûrî arata aku onthe. O nîmakaûragîrwa mbaararî nî nthû ciao ûkîonaga. Nîngavecana vûrûri wonthe wa Juda kûrî mûthamaki wa Babuloni. Nake nîakamoca amavire Babuloni marî mîgwate na nîakamaûraga.

Jeremia 22:21

Ngai-Mûnene aamwarîrie rîrîa mweganîrîte, nwatî mue mûkiuga atîrî: “Tîtûthikîrîria.” Mûtwîre mwîkaga ûguo kuuma mûrî ethî, mûtirî mwathîkîra mûgambo wakwa.

Jeremia 23:17

Vîndî cionthe meraga andû arîa mareganîte na kiugo Kîam Ngai-Mûnene atî, ‘Maûndû maku monthe nî maro tî macûka.’ Nake mûndû ûrîa wîthagîrwa arî na ngoro nyûmû maugaga atîrî, ‘Ndûkagîa na ûndû mûcûku.’

Jeremia 3:17

Vîndî îo îtûûra rîa Jerusalemu rîgetwa, ‘Gîtî Kîam ûthamaki Kîam Ngai-Mûnene,’ na mavûrûri monthe nîmakaagomana na mangooce. Matigatongorua rîngî nî maûndû macûku ma ngoro ciao.

Jeremia 35:15

Nînîmûtûmîrîte arathi ndungata ciakwa, na nîo arathi mavinda kwa mavinda nîguo meere wa ûmwe wa cienyu atigane na waganu wake, arûnge mîthiîre yake na atige kûgooca ngai cia mîvuanano nîguo mûtûûre na thayû vûrûrirî ûrîa namûveere mue wana methe menyu, nwatî mûtianthikîrîria kana mûmbîgua.

Jeremia 44:16

“Tue tîtûthikîrîria ndûmîrîri îo watûva kuuma kûrî Ngai-Mûnene.

Jeremia 44:5

Nwatî gûtirî mûndû wambîguire kana akînthikîrîria nîguo matigane na waganu na kûvîvîria ngai ng'eni ûbani.

Jeremia 5:23

Nwatî andû aya nî aremi na marî ngoro nyûmû, nîmagarûrûkîte na makandiganîria.

Jeremia 7:13

Mue nîmwîkîte maûndû mama monthe, na mavinda meengî na namwarîrie na mûkîrega kûmbîgua, na namwîta mûkîrega kûmbîtîka.

Jeremia 7:6

Tigani kûvinyîrîria ageni, ciana cia ngoriai na aka a ndigwa, kana mûrage mûndû mûthingu gûkû vûrûrirî ûyû, wana mûtige gûtungatîra ngai ciîngî nîûndû kûu nîgwîcûkangagia.

Jeremia 8:5

Nî ndûî kîgiragia andû aya magarûrûka, rîrîa mavîtia mararega kûgarûrûka nîkî? Marûmagîrîra ngai cia mivuanano, makarega kûnjokerera.

Jeremia 9:13

Ngai-Mûnene nîwacokirie atîrî, “Maûndû mama mekîkîte nîûndû andû akwa nîmatiganîrîtie watho ûrîa namaveere na makîrega kwathîkîra mûgambo wakwa kana meka ûrîa namathire.

Jeremia 9:14

Nwatî nîmaûmîtie ciongo na makarûmîrîra wendi wa ngoro ciao na makagooca mîvuanano ya Baali wata ûrîa maathomithirue nî methe mao.

Jeremia 9:6

Mavinyagîrîria andû na makamaveenia, na makarega kûmenya. Ûguo nîguo nie Ngai-Mûnene nîrauga.

Ndari 14:11

Ngai-Mûnene nîwaûririe Musa atîrî, “Andû aya nîmatûûra mareganîte nanie nginya rî? Nîmatûûra maregete kûnîîvoka nginya-rî, na nîguo nanaringa ciama nyîngî makîonaga?

Ciîko 7:51

Nake Stefano nîwathiîre na mbere na kwaria akiuga atîrî: “Na kaî mue andû aya mûrî aûmû ngoro-î! Atî mue mûtirenda gwîtîkia Ngai wana kana kûthikîrîria ndûmîrîri yake! Atî vîndî cionthe mue nîkwa mûregaga kûthikîrîria Roho Mûtheru. Mue mûreka wata ûrîa methe menyu ma tene meekire.

Ahib 12:25

Kwoguo îîmenyerereni na mûtikarege kwîgua mûndû ûrîa ûkwaria. Andû arîa maaregire kwîgua ûrîa wavecanaga ndûmîrîri kuuma kûrî Ngai matiavonoka. Wa natue tûtingîvonoka ethîrwa nwa tûrege kwîgua ûrîa waragia kuuma îgûrû!