Jeremia 12:6 - ÎVUKU RÎA ÛVORO MWARO

⁶ Nîûndû wana aa mûrwanyûkwe na andû a mûciî wenyu, nîmagwîkîte maûndû macûku, maragûtetia matagwîtigîra. Ndûkametîkie wanarî vanini, wana ethîrwa nîmarakwarîria ciugo mbaro mûno.”

Jeremia 12:6 ပူးပေါင်းရင်းမြစ်များ

Ayubu 6:15

Arata akwa mamvenetie ta karûnjî, wata kamûvuro karîa kavûcaga mbura yakîa.

Thaburi 12:2

Wa mûndû nîaveenagia ûrîa wîngî, maveenanagia makînyûrûranagia.

Thaburi 12:3

Ngai-Mûnene ûrokiria mîromo îo înyûrûranagia, na ûkirie andû acio metîîaga,

Thaburi 69:8

Nduîkîte ta mûgeni kûrî andû etû, andû a mûciî wakwa matiramenya.

Nthi 23:8

Ûgaatavîka irio irîa ûrarîte, na ciugo ciaku cia kûmûgathîrîria igaatuîka cia mana.

Nthi 26:25

Rîrîa mvinga îkwaria waro, ndûkamîtîkie, nîûndû îthagîrwa îcûrîtwe nî ûvinga ngororî yayo.

Isaia 31:4

Ngai-Mûnene aambîrire atîrî, “Wata ûrîa mûnyambû kana kaana ka mûnyambû ûraramaga ûnyitîte nyamû, wana gîkundi Kîam arîthi kîngîtwa kîthiî gîkaûtharîkîre, ndûngîmakua nî înegene rîao, kana wîgua guoya nî mîgambo yao.” Ûguo nîguo Ngai-Mûnene mwene vinya wonthe akaanyûrûrûka kûrûa arî kîrîmarî gîa Zayuni na nîrî karîmarî ga kîo.

Jeremia 11:19

Nwatî nie nekariî ta ng'ondu mvoreri îvirîtwe kîthînjîrorî, ndiamenya atî marûthîte mîvango îo mîcûku îgûrû rîakwa, maaugaga atîrî, “Tigani tûcûkangie mûtî vamwe na maciaro ma guo, tigani tûmûrage nîguo ariganîre viû.”

Jeremia 11:21

Kwoguo, ûvoro wîgiî andû a Anathothi arîa marenda kûmbûraga Ngai-Mûnene arauga atîrî, “Ndûkarathe ûvoro ûkîgwetaga rîîtwa rîa Ngai-Mûnene, na weka guo nîtûgûkûraga.”

Jeremia 20:10

Mbîgucaga andû engî makîaria na kîvwe, makiugaga atî: “Guoya ûrî kûndû kuonthe!” Engî marauga: “Nîtûmûthitange! Nîtûmûthitange!” Wana arata akwa onthe arîa mambicî waro metererete kwona ngîgwa. Marauga atî: “Nwa kûvoteke aveenue, tûcoke tûmûvoote na twîrîvîrîrie.”

Jeremia 9:2

Narî kethîrwa nîrî na vandû va kûraara werûrî, ndige andû akwa vo na nthiî kûraca nao. Nîûndû nî itharia, nî gîkundi Kîam acukanîrîri.

Jeremia 9:3

Makonjaga nîmî ciao ta ûta, magîte na vinya nîûndû tî evokeku. Vûrûri ûgîte na vinya nîûndû wa maveeni nwatî tî wîvokeku, na matimbicî nie Ngai-Mûnene.

Jeremia 9:4

Mûndû wa wonthe nî emenyerere kûrî arîa mariganîtie nake, na ndakaige mwîvoko kûrî mûrwang'ina, nîûndû andû onthe ao nî a maveeni, na mûndû wa wonthe athiîcaga agîcambagia arata ake.

Jeremia 9:5

Wa mûndû aveenagia mûrata wake, na gûtirî mûndû waragia ûûma, mamenyeretie tûrîmî twao kwaria maveeni, mekaga mevia makaremwa nî kwîrira.

Mathaayo 10:21

“Andû nîmakaanenganîra aa mûrwang'ina nîguo maûragwe, namo methe nîmageka wata ûguo kûrî ciana ciao. Ciana nîigaaûkîrîra aciari acio, na imaûragithie.

Maariko 12:12

Nao anene a Ayahudi nîmaageririe kûmûnyita nîûndû nîmaamenyire atî nî ûvoro wao Jesû aaragia na ngerekano îo. Nwatî nîmeetigîre kîrîndî na kwaguo makîmûtiga na makîîthiîra.

Johana 7:5

(Wana nginya arîa maaciaranîrîtue nake matiamwîtîkia.)

Ciîko 16:22

Kîrîndî wa nakîo nîkîatharîkîre Paûlo na Sailasi. Nao acirithania acio nîmaatembûrangire nguo irîa Paûlo na Sailasi meekîrîte mîîrîrî yao na makîathana marivwe na ivoko.

Ciîko 18:12

Na vîndî îrîa Galio aatwirwe mwarîrîria wa Akaia, Ayahudi marî vamwe nîmaanyitire Paûlo, makîmûvira Kîammarî,