Jeremia 12:5 - ÎVUKU RÎA ÛVORO MWARO

⁵ Ngai-Mûnene arauga atîrî, “Ethîrwa nîûcindanîte na arîa mathiîcaga na magûrû na ûkanoga, nwa ûvote gûcindana na mbarathi? Na ethîrwa we ûgûcaga kûrîa gûtarî na kîndû gîa gûkûvînga, ûgeka atîa mûtitûrî wa Jorodani?

Jeremia 12:5 ပူးပေါင်းရင်းမြစ်များ

1Maû 12:15

Mwerirî wa mbere wa mwaka, rîrîa rûnjî rwa Jorodani rwîcûraga andû aya nîmaaringire rûnjî na makîngata andû arîa maatûûraga ciandarî na andû acio makînyaganîria mîenarî ya îrathîro na îthûîro rîa rûnjî rwa Jorodani.

Thaburi 42:7

Mathîna manthiûrûrûkîrîtie ta mwîcûro wa manjî, maragamba ta ndurumo cia manjî manyûrûrûkîte mathiîte Jorodani, nîraikanua nî makûmbî ma manjî na ndivû ciamo.

Nthi 24:10

Ûngîkua ngoro vîndî ya thîna, na ma ndûrî na vinya.

Nthi 3:11

Mwana wakwa, ndûkanyarare îvera rîa Ngai-Mûnene kana ûnoge rîrîa agûkûrûnga,

Jeremia 11:21

Kwoguo, ûvoro wîgiî andû a Anathothi arîa marenda kûmbûraga Ngai-Mûnene arauga atîrî, “Ndûkarathe ûvoro ûkîgwetaga rîîtwa rîa Ngai-Mûnene, na weka guo nîtûgûkûraga.”

Jeremia 26:8

Na rîrîa Jeremia arîkirie kwaria maûndû monthe marîa Ngai-Mûnene aamwathîte eere andû onthe, athînjîri-Ngai, arathi, na andû onthe nîmaamûnyitire na makiuga atîrî, “Nîûgûkua!

Jeremia 36:26

Mûthamaki nîwathire mûvîcî Jerahimeeli, Seraia mûvîcî wa Azirieli na Shelemia mûvîcî wa Abideli manyite Baruku mwandîki, na mûrathi Jeremia, nwatî Ngai-Mûnene nîwamathithire.

Jeremia 49:19

Taroria, wata ûrîa mûnyambû umagîra mûtitûrî wa rûnjî rwa Njorodani, na ûgatonya ndîthiarî mbaro ya ng'ondu, nwataguo ngengata andû a Edomu wa rîmwe kuuma vûrûrirî wao. Nîngaiga mûtongoria wa ûrîa ngathuura kuo. Nîûndû, nû ûngîringithanua nanie? Nû ûngînjirithia? Nî mûrîthi ûrîkû ûngîregana nanie?

Jeremia 50:44

“Taroria, nîngaûka wa rîmwe ndûme andû a Babuloni maume îtûûrarî rîao wa rîmwe ta mûnyambû umîrîte kîthakarî Kîam Jorodani na ûkathiî ndîthiarî ya ng'ondu. Na nîngathuura mûtongoria wakuo wa ûrîa ngenda. Nû ûngîgananua na nie? Nû wî na ûndû angînjukîra? Nî mûtongoria ûrîkû ûngîregana nanie?

Josh 3:15

Rîrîa makinyo ma athînjîri-Ngai acio maakuuîte îthandûkû rîa kîrîkanîro maakinyire manjî rûtererî rwa rûnjî rwa Jorodani, (vîndî ya maketha, rûnjî rwa Jorodani nîrwecûraga na rûkauna),

1Pet 4:12

Arata akwa ende, tigani kûmaka nîûndû wa ûrûrû wa mathîna marîa mûracemania namo mûkîgerua. Tigani gwîciria atî maûndû mau marekîka kûrî mue nî mageni.