Jeremia 12:1 - ÎVUKU RÎA ÛVORO MWARO

¹ We Ngai-Mûnene wî mûthingu, wana ethîrwa nînîrakûretera mateta makwa, kûnarî ûguo nwa mende kwîyarîrîria mbere yaku. Nîndûî gîtûmaga andû arîa aganu mathatûkwa? Nîndûî gîtûmaga andû matarî evokeku mathiî na mbere?

Jeremia 12:1 ပူးပေါင်းရင်းမြစ်များ

Kîam 18:25

Nama ndûngîka ûguo. Ndûngîcûkangia andû arîa athingu vamwe na arîa matarî athingu. Ûngîka ûguo, andû arîa aro makaaverithagua vamwe na arîa acûku. We ndûngîka ûguo. Mûndû ûrîa ûtucagîra nthî yonthe ciira nwanginya eke guo na kîvooto.”

Ezira 9:15

Ngai-Mûnene, Ngai wa Isiraeli, we ûrî mwîvokeku, nîûndû nîwîtîkîrîte tûtûûre mwoyo nginya ûmûnthî. Na rîu ava nîtûkumbûra mavîtia metû, nîûndû gûtirî mûndû mwagîrîru gatagatîrî getû wa kûrûngama mbere yaku.”

Nehemia 9:33

Ûtûverithîtie na njîra îrîa yagîrîrîte, we ûrî mwîvokeku na tue twîkîte maûndû ma waganu.

Ayubu 12:6

Mîciî ya aûragani îrî na thayû, na arîa marakaragia Ngai matûûraga marî agitîre, vinya wao umaga kûrî ngai ciao.

Ayubu 13:3

Nwatî nwa mende kwaria na Mwene Vinya wonthe. Nwa mende gûcira na Ngai.

Ayubu 24:12

Na kûu matûûrarî kûrî na mûcayo wa arîa marakua, na arîa agurarie nîmarakaa makîenda ûtethio, nwatî Ngai ndathikagîrîria mavoya mao.

Ayubu 24:23

Atûmaga arîa aganu mone marî agitîre, nwatî ekaraga aroretie mîthiîre yao.

Ayubu 8:17

Mîri yake îîrigicanagîria mathigarî, îkenyitîrîra na vinya mathigarî.

Thaburi 116:5

Ngai-Mûnene nî mûtugi na nî mûthingu; Ngai wetû arî ntha.

Thaburi 119:137

We Ngai-Mûnene, wî mûthingu, na matuîro maku ma ciira nî ma ma.

Thaburi 119:75

Nîmbicî atî we Ngai-Mûnene, ûtucaga ciira ûrîa kwagîrîrîte, na wamverithirie nîûndû ûrî mwîvokeku.

Thaburi 145:17

Ngai-Mûnene nî mûthingu maûndûrî monthe, na arî ntha maûndûrî monthe marîa ekaga.

Thaburi 37:1

Mûtikamakue nî andû arîa aganu; mûtikeguîre wîru arîa mekaga naaî.

Thaburi 37:35

Vîndî îmwe nînoonire mûndû mwaganu na ûtarî ntha; etûgîrîtie gûkîra andû onthe ta mûtarakwe wa Lebanoni.

Thaburi 51:4

We wenga nîwe mbîtîrîtie, na nîmbîkîte maûndû marîa wonaga marî macûku. Kwoguo ûnduîrîrîte na kîvooto; nîûnduîrîrîte ûrîa kwagîrîrîte.

Thaburi 51:6

We wendaga ûûma kuuma ngororî; kwoguo mva ûûgî wa ngoro.

Thaburi 92:7

atî andû arîa aganu nwa makûre ta nyaki, andû arîa mekaga maûndû macûku magîe na maûndû maro; nwatî mûthiiarî onthe nîmakaathirua viû.

Nthi 1:32

Nîûndû irimû ikucaga ciarega kûthikîrîria ûtaaro, na andû arîa aritu mathiragua nî ûrimû wao.

Mûvunjia 8:14

Kûrî ûndû wa mana wîkîkaga gûkû nthî. Andû arîa athingu nîmekagwa maûndû marîa magîrîrwe gwîkwa andû arîa aganu, nao andû arîa aganu mageekwa maûndû marîa magîrîrwe gwîkwa andû arîa athingu. Ûcio wanaguo nî ûndû wa mana.

Isaia 41:21

Ngai-Mûnene mûthamaki wa Jakovu arauga atîrî, “Mue ngai cia mavûrûri reteni ciira wenyu, ûkani mûvecane ivooto cienyu!

Isaia 48:8

Ndwanamegua, na ndwanamenya ûvoro wamo, ndwanegua maûndû mau na matû maku kuuma tene. Nîûndû nînaicî atî we warî mwaganu mûno, na atî kuuma gûciarwa gwaku we wetagwa mûregi.

Jeremia 11:20

Nwatî we Ngai-Mûnene mwene vinya wonthe, ûrîa ûtucanagîra na kîvooto, we ûthimaga ngoro na meciria ma andû, tiga mone ûkîndîvîrîria kûrî andû aya, nîûndû nîwe tu ûngîtua cira wakwa.

Jeremia 12:6

Nîûndû wana aa mûrwanyûkwe na andû a mûciî wenyu, nîmagwîkîte maûndû macûku, maragûtetia matagwîtigîra. Ndûkametîkie wanarî vanini, wana ethîrwa nîmarakwarîria ciugo mbaro mûno.”

Jeremia 3:20

Nama, wata ûrîa mûndûmûka ûtarî mwîvokeku atigaga mûthuuri wake, ûguo nwa guo mwîthîrîtwe mûtarî evokeku kûrî nie mue andû a Isiraeli. Ûguo nîguo Ngai-Mûnene arauga.”

Jeremia 3:7

Nie neciririe atî, ‘Vuva wa Isiraeli gwîka maûndû mau monthe, nîakûnjokerera;’ nwatî nîwaregire kûnjokerera, na Juda mwarwang'ina ûrîa mûthani nîwonire ûndû ûcio.

Jeremia 32:16

Vuva wa kûnengera Baruku mûvîcî wa Neria maarûa cia kûgûra mûgûnda nînavoire ngiuga atîrî,

Jeremia 5:11

Nîûndû andû a Isiraeli na andû a Juda, methîrîtwe matarî evokeku kûrî nie wanarî vanini. Ûguo nîguo Ngai-Mûnene arauga.”

Jeremia 9:2

Narî kethîrwa nîrî na vandû va kûraara werûrî, ndige andû akwa vo na nthiî kûraca nao. Nîûndû nî itharia, nî gîkundi Kîam acukanîrîri.

Maca 1:18

“Nwatî Ngai-Mûnene arî na kîvooto nîûndû nîndegete kwathîkîra kiugo gîake, nwatî tanthikîrîriani mue andû onthe, taroriani ûrîa nîrathînîka, erîtu na anake akwa nîatave.

Ezek 18:25

“Kûnarî ûguo mugaga atîrî, ‘Njîra cia Ngai-Mûnene tî cia ma.’ Thikîrîriani rîu, mue andû a Isiraeli, anga njîra ciakwa tîcio cia ma? Anga njîra cienyu tîcio itarî cia ma?

Danieli 9:14

Kwoguo we Ngai-Mûnene, Ngai wetû, nîwevarîrie gûtûverithia na ûgîka guo, nîûndû vîndî cionthe wîkaga ûrîa kwagîrîrîte, nwatî tue tûkarega gûkwathîkîra.’

Danieli 9:7

We, Mwathani, wîthagîrwa ûrî mûthingu vîndî cionthe. Nwatî tue, tûtûûraga tûrî na gîconoko, wana andû onthe arîa matûûraga Judea na Jerusalemu, na andû onthe a Isiraeli arîa marî mavûrûrirî marîa marî vakuvî na marî kûraca, nîûndû matiarî evokeku kûrî we.

Hosea 6:7

Nwatî rîrîa maakinyire Adamu nîmaagararire kîrîkanîro gîakwa marî kûu nîmaatigire kûnîîvoka.

Habakuku 1:4

Kwoguo watho ndûrî na vata, na kîvooto gîtirûmagîrîrwa. Andû arîa acûku mathiûrûrûkîrîtie andû arîa aro, kwoguo kîvooto gîtirûmagîrîrwa.

Zefania 3:5

Nwatî Ngai-Mûnene ûrîa ûrî îtûûrarî rîu nî mwîvokeku, ekaga maûndû marîa magîrîru nwatî tî marîa macûku. Onanagia kîvooto wa kîraûko kûrî andû ake. Kûnarî ûguo, arîa aganu mathiîcaga na mbere gwîka naaî matarî na nthoni.

Malaki 2:17

Nîmûnogetie Ngai-Mûnene na ndeto itarî na mûkinyo. Nwatî mûragia atîrî, “Tûmûnogetie atîa?” Mûmûnogetie na njîra ya kuga atî, “Ngai-Mûnene nîakenagua nî arîa mekaga maûndû macûku, na nîamendete.” Kana mûkaûria atîrî, “Ngai ûrîa wîkaga maûndû na njîra ya kîvooto arî kû?”

Malaki 3:15

Kuuma rîu tûkaugaga atî andû arîa etîi nîo arathime na andû arîa mekaga maûndû macûku, wana mageria Ngai-Mûnene mativerithagua, nwakwa mathiîcaga na mbere na kûgîa na mûtûûrîre mwaro.’”

Gûco 32:4

“Ke nî ta îthiga, wîra wake nî mûkinyanîru, maûndû make monthe nî ma kîvooto. Ngai nî mwîvokeku na wa ûma; ekaga maûndû marîa magîrîrîte na ma kîvooto.