Jeremia 11:19 - ÎVUKU RÎA ÛVORO MWARO

¹⁹ Nwatî nie nekariî ta ng'ondu mvoreri îvirîtwe kîthînjîrorî, ndiamenya atî marûthîte mîvango îo mîcûku îgûrû rîakwa, maaugaga atîrî, “Tigani tûcûkangie mûtî vamwe na maciaro ma guo, tigani tûmûrage nîguo ariganîre viû.”

Jeremia 11:19 ပူးပေါင်းရင်းမြစ်များ

Ayubu 28:13

Gûtirî mûndû wîcî thogora wa ûûgî, na ndûngîoneka nthî kûrî andû arîa marî mwoyo.

Thaburi 109:13

Njiarwa ciake cionthe irokua; rîîtwa rîake rîroriganîra rûciarorî rwa kaîrî.

Thaburi 112:6

Mûndû ûrîa mûthingu ndakaavootwa; agaatûûra aririkanagwa tene na tene.

Thaburi 116:9

Ndûûranagia na Ngai-Mûnene, vûrûrirî wa arîa marî mwoyo.

Thaburi 142:5

We Ngai-Mûnene nîwe ngayagîra, mbugaga atîrî, “We nîwe mûgitîri wakwa, nîwe îgai rîakwa vûrûrirî wa arîa marî mwoyo.

Thaburi 27:13

Nîmbîtîkîtie, atî nîngoona wega wa Ngai-Mûnene nîrî mwoyo.

Thaburi 31:13

Nînîregua nthû nyîngî ikîvevanîrîra, thîna ûrî na mîena yonthe, maravanga ûrîa makûntharîkîra, maravanga ûrîa makûmbûraga.

Thaburi 35:15

Nwatî rîrîa naarî thînarî, onthe nîmaakenete na nîmaanthiûrûrûkîrie nîguo manyûrûrie, andû ageni nîmaandivire na.

Thaburi 52:5

Kwoguo Ngai nîatûûra agûcûkangagia tene na tene; nîakûnyita na akûrute gwaku mûciî; nîagaakûruta nthî ya arîa marî mwoyo.

Thaburi 83:4

Marauga atîrî, “Ûkani tûcûkangie vûrûri wao, rîîtwa rîa Isiraeli rîriganîre tene na tene.”

Nthi 10:7

Andû nîmakenaga makîririkana mûndû ûrîa ûkuîte arî mûthingu, nwatî mûndû ûrîa mûcûku akua nîariganagîra.

Nthi 24:15

Ndûgakavîre andû arîa athingu ta ûrîa andû arîa aganu mekaga, ndûkathiî kûmacuuna indo kwao mîciî.

Nthi 7:22

Wa rîmwe mwanake ûcio nîwarûmîrîre mûndûmûka ûcio, ta ndegwa îthiîte kûthînjwa, kana ta ngûrûngû înyitîtwe nî mûtego,

Isaia 32:7

Mîthiîre ya mûndû ûrîa mûthunu nî mîcûku; avangaga maûndû ma waganu nîguo acûkangie athîni na ciugo ciake cia maveeni, wana rîrîa athîni maretia kîrîa kîmagîrîrîte.

Isaia 38:11

Naaugire ndikona Ngai-Mûnene vûrûrirî wa arîa matûûraga mwoyo; na ndikona mûndû wanarî ûrîkû gatagatîrî ka arîa matûûraga nthî.

Jeremia 1:19

Nîmakaarûa nawe nwatî matigakûvoota, nîûndû ngethagîrwa nîrî vamwe nawe nîguo ngûvonokagie. Ûguo nîguo Ngai-Mûnene arauga.”

Jeremia 18:18

Nao andû nîmaacokire makiuga atîrî, “Ûkani tûvange ûrîa tûkûraga Jeremia. Tûtigatura athînjîri-Ngai a gûtûthomithia kana andû aûgî a gûtûtaara na arathi a kwanîrîra ndûmîrîri ya Ngai-Mûnene. Ûkani tûmûthitange na ciugo ciake ke mwene na tûtikathikîrîrie ûrîa arauga.”

Jeremia 20:10

Mbîgucaga andû engî makîaria na kîvwe, makiugaga atî: “Guoya ûrî kûndû kuonthe!” Engî marauga: “Nîtûmûthitange! Nîtûmûthitange!” Wana arata akwa onthe arîa mambicî waro metererete kwona ngîgwa. Marauga atî: “Nwa kûvoteke aveenue, tûcoke tûmûvoote na twîrîvîrîrie.”

Jeremia 26:8

Na rîrîa Jeremia arîkirie kwaria maûndû monthe marîa Ngai-Mûnene aamwathîte eere andû onthe, athînjîri-Ngai, arathi, na andû onthe nîmaamûnyitire na makiuga atîrî, “Nîûgûkua!

Maca 3:60

We nîwonete ûrîa nthû ciakwa imenete, nîwonete mîvango yao mîcûku îgûrû rîakwa.

Ezek 32:24

“Elamu arî kuo na andû ake mathiûrûrûkîrîtie mbîrîra yake. Onthe nî akuû na maaûragirwe marî mbaararî na makîthiî kwa arîa akuû matarî aruu. Acio nîmaamakagia andû arîa marî mwoyo na nîmaconorithîtue marî vamwe na andû arîa mathiîte gwa akuû.

Danieli 9:26

Îvinda rîu rîathira mûtongoria ûrîa mwamûre nî Ngai nîakaaûragwa na njîra îtarî ya kîvooto. Îtûûra rîu na hekarû nîigaacûkangua nî athigari a mbaara a mûtongoria ûrî vinya mûno. Mûthiia wa îtûûra rîu ûgaakinya ta mwîcûro wa manjî. Ngai nîarutîte watho akauga, îtûûra rîu rîthirue viû.

Hosea 9:8

Mûrathi nî mûrangîri wa Efiraimu, andû a Ngai wakwa, Nwatî wa kûrîa kuonthe akathiî ethagîrîria aigîrîtwe mûtego ta wa gîconi, wana nîmûmene nyombarî ya Ngai wake.

Ndari 1:14

Eliasafu mûvîcî wa Deueli wa kuuma mûvîrîgarî wa Gadi;