Jeremia 11:15 - ÎVUKU RÎA ÛVORO MWARO

¹⁵ Endwa akwa arîa mendete nîmagîrîrwe nî kwîthîrwa marî nyombarî yakwa wa magîkaga waganu? Mîvîtwa na matega menyu ma kûvîvua, nwa magirie mûkinyîrwa nî mûthiro? Kwoguo vi maûndû mau nwa matûme mûkene?

Jeremia 11:15 ပူးပေါင်းရင်းမြစ်များ

Thaburi 50:16

Nwatî Ngai arera andû arîa aganu atîrî, “Mûgwetaga maathani makwa nîkî? Waragia ûvoro wa kîrîkanîro gîakwa nîkî?

Thaburi 60:5

Tûvonokie na vinya waku na ûtûthikîrîrie, ûtûvonokie tue andû aku arîa wendete.

Nthi 10:23

Kîrimû gîkenaga rîrîa gîkûvîtia, nwatî mûndû ûrî na ûmenyo akenaga agîka maûndû na ûûgî.

Nthi 15:8

Ngai-Mûnene nîakenagua nî mavoya ma andû arîa athingu, nwatî nîathûrîte magongoona marîa arutagîrwa nî andû arîa aganu.

Nthi 2:14

nîmakenaga rîrîa magwîka maûndû marîa macûku, na magakenagîrîra maûndû ma waganu marîa mavîtithagia andû,

Nthi 21:27

Ngai-Mûnene nîathûrîte îgongoona rîa mûndû mwaganu, na makîria rîrutîtwe na ngoro îtarî ntheru.

Nthi 26:18

Mûndû ûrîa ûveenagia mûndû ûrîa wîngî akînamwîra atî nîkwa akûthakaga,

Nthi 28:9

Mûndû ûrîa ûregaga kwathîkîra watho, Ngai ndakenagua nî mavoya make.

Isaia 50:1

Ngai-Mûnene arauga atîrî, “Maarûa îrîa yonanagia atî nîndete nyûkwe-î, îrî kû? Kana nî mûndû ûrîkû wa arîa nîrî na thirî wao nakwenderie? Ririkanani mevia menyu nîmo maatûmire mwendue, na waganu wenyu nîguo watûmire nyûkwe atewe.

Jeremia 12:7

Ngai-Mûnene arauga atîrî, “Nîndiganîrîtie andû akwa a Isiraeli, nîndeete andû akwa kîûmbe, nîndekereretie mwenda wakwa njararî cia nthû ciake.

Jeremia 13:27

Nîmonete ûgîka maûndû marîa menete, ûtharia na gûcumîkîra aka ene na ûmaraa mwîngî, kûu tûrîmarî na mîgûndarî. Mue andû a Jerusalemu kaî mwî na thîna-î! Nîmwîkara mûtatheretue nginya rî?”

Jeremia 15:1

Ngai-Mûnene nîwacokire akîmbîra atîrî, “Wana Musa na Samueli mangîrûngama mbere yakwa, nie ndingîguîra andû aya ntha. Meere mathiî maume mbere yakwa.

Jeremia 2:2

“Thiî wanîrîre andû onthe a Jerusalemu makîgucaga ûmeere Ngai-Mûnene arauga atî, “Nînîraririkana ûrîa warî mwîvokeku vîndî îrîa warî mwîthî, na ûrîa wamendete rîrîa warî mûviki, wana ûrîa warûmanagîrîra nanie werûrî, vûrûrirî ûrîa ûtaanavandwa kîndû.

Jeremia 23:11

Ngai-Mûnene arauga atîrî, “Arathi na athînjîri-Ngai matirî na ûngai, nîrîmwonu magîka maûndû ma waganu nyombarî yakwa.

Jeremia 3:14

Ngai-Mûnene arauga atîrî, “Njokererani, mue ciana ciakwa mûtarî evokeku; nîûndû nînie mwathi wenyu; nîngamwoca ûmwe kuuma îtûûrarî rîmwe, na andû aîrî kuuma wa mûciî; na nîmûvire Zayuni.

Jeremia 3:8

Juda nîwonire atî naveere Isiraeli maarûa ya kûmûta nîûndû ndaarî mwîvokeku na nîwekîte mevia meengî ma ûtharia. Kûnarî ûguo, Juda mwarwang'ina ûrîa mûthaani ndetigîra, nwatî wanake nîwathiîre kûvûûra ûmaraa.

Hosea 3:1

Ngai-Mûnene nîwambîrire atîrî, “Thiî rîngî, mûkendane na mûndûmûka ûrîa ûrî na ûrata na mûndûmûrûme wîngî na matharagia nake. Mwende wata ûrîa nie mendete andû a Isiraeli, wana ethîrwa nîmagarûrûkîte makambîrîria gûtungatîra ngai ciîngî na kûirutîra tûmîgate twa thavibu irîa nyûmithie.”

Mathaayo 22:11

“Rîrîa mûthamaki aatonyire kûrîa kwarîcagîrwa nîguo one ageni, nîwonire mûndû ûmwe ûteekîrîte nguo ya ûviki. Nake nîwamwîrire atîrî,

Luka 8:28

Na rîrîa mûndû ûcio oonire Jesû, nîwakaire, akîîgwîthia nthî mbere yake na akîanîrîra atîrî, “Jesû Mûriû wa Ngai ûrîa ûrî Îgûrû Mûno, ûrenda atîa nanie? Nie nakûthaitha ndûkamverithie!”

Aroma 11:28

Ayahudi nîmaregete Ûvoro Mwaro. Kwoguo o nî nthû cia Ngai nîûndû wenyu mue andû a Ndûrîrî. Nwatî nîûndû Ayahudi nîathuure nî Ngai nî arata ake nîûndû wa methe mao ma tene.

1Akor 13:6

Wendani ndûkenagîra maûndû marîa macûku, nwatî nîûkenagîra ûvoro wa ma.

Tito 1:15

Indo cionthe nî ntheru kûrî andû arîa atheru. Nwatî kûrî andû arîa aganu na matetîkîtie gûtirî kîndû kîtheru nîûndû meciria mao na thamiri ciao nî ino nthûkangie.

Jakuvu 4:16

Nwatî rîu, mue mûrî etîi na egathi, na mwîgatho ta ûcio wonthe nî mûcûku.