Jeremia 10:8 - ÎVUKU RÎA ÛVORO MWARO

⁸ Onthe nî irimû na nîaritu; kîrîra Kîam mîvuanano nî Kîam mana!

Jeremia 10:8 ပူးပေါင်းရင်းမြစ်များ

Thaburi 115:8

Andû arîa mairûthaga mekariî ta cio, na arîa onthe maciîvokaga mekariî ta cio.

Thaburi 135:18

Arîa onthe mairûthaga na maciîtîkîtie, magaatuîka ta cio!

Isaia 41:29

Taroria, ngai icio ciao cionthe nî cia maveeni, mawîra mao monthe nîma mana, mîvuanano yao ya kûrarûrwa ndîrî vinya na nî ya mana.”

Isaia 44:18

Andû acio matiîcî ûndû, wana kana mecirie. Nîavinge metho mao, nîguo matikavote kwona, na makavingwa meciria mao, nîguo matikavote gûtaûkîrwa.

Isaia 44:19

Gûtirî mûndû ûririkanaga, kana agîa ûûgî, wana kana akamenya maûndû na auge atîrî, “Nînavîvirie gîcunjî kîmwe Kîam mûtî ûyû na mwaki, na nînarugire mîgate na makara ma guo, na ngîokia nyama na ngîmîrîa. Nîngîvota atîa kûthondeka matigari ma mûtî ûcio kîndû gîa kûgoocwa kîrî mûgiro, na ndurîrie gîcunjî kîu Kîam mûtî maru nîkîgooce?”

Jeremia 10:14

Mûndû nî kîrimû na ndarî ûmenyo; arîa onthe marûthaga mîvuanano ya thaavu nîmaconorithagua nîyo; nîûndû mîvuanano îo nî ya maveeni na ndîrî mwoyo.

Jeremia 2:27

Acio nîo meraga mûtî atî: “We nîwe vava,” na makeera îthiga atî: “We nîwe wanjiarire,” nîûndû nîmandiganîrîtie. Nwatî mavinda ma thîna maugaga atîrî, “Ûkîra na ûtûvonokie!”

Jeremia 3:9

Ndoonaga ûmaraa ûrî ûndû mûnene, kwoguo nîwatûmire vûrûri ûgîe na mûgiro na agîka wîvia wa ûtharia na njîra ya kûgooca mathiga na mîtî.

Jeremia 4:22

Ngai-Mûnene arauga atîrî, “Andû akwa nî irimû matimbicî, o nî ciana nditu itarî na ûmenyo. Methagîrwa na wara wa gwîka maûndû macûku, nwatî matiîcî gwîka maûndû maro.”

Jeremia 5:4

Nanie nînacokire ngiuga atîrî, “Aya nî andû athîni na matirî ûûgî! Nîûndû matiîcî maûndû marîa Ngai-Mûnene endaga, na matiîcî watho wa Ngai wao.

Hosea 4:12

Andû akwa mavoyaga ûtaaro kuuma mûtîrî, kamûtî kao ka ûragûri nîko kamavecaga ûguûrio, Wendi wao wa ûtharia nîûmavîtithîtie, nîmavûrîte ûmaraa na njîra ya gûtungatîra ngai ciîngî, nîmandiganîrîtie nie Ngai wao.

Jona 2:8

Arîa magoocaga mîvuanano îtarî kîene, nîmaatiganagîria wîvokeku wao kûrî we.

Habakuku 2:18

Mûvuanano ûrî umithio ûrîkû? Kinthî kîu tî kîndû mûndû arûthîte, nî kîndû gîa gûtambia maveeni tu. Mûturi etîkîtie kîndû kîu erûthîrîte ke mwene, mûvuanano ûtangîvota kwaria.

Zakaria 10:2

Andû matuîragia maûndû kûrî ngai cia mana, na aragûri makoona cioneki cia maveeni; iroto ciao ciîthagîrwa irî cia maveeni, na kûmanîrîria kwao nîkwa mana. Kwoguo andû maûrûraga ta ng'ondu; mavinyagîrîrua nîûndû matirî na mûrîthi.