Jeremia 10:6 - ÎVUKU RÎA ÛVORO MWARO

⁶ We Ngai-Mûnene gûtirî wîngî wîkariî tawe, we wî mûnene na rîîtwa rîaku rîrî vinya mwîngî.

Jeremia 10:6 ပူးပေါင်းရင်းမြစ်များ

2Sam 7:22

Kaî wî mûnene we Ngai-Mûnene, Ngai-î! Gatagatîrî ka arîa onthe twaneegua gûtirî wîngî wîkariî tawe.

1Maû 16:25

Ngai-Mûnene nî mûnene na nîwagîrîrwe nî gûkumua mûno, nîwagîrîrwe nî kûvewa gîtîîo gûkîra ngai cionthe.

Nehemia 4:14

Nînaroririe ngîona atî andû maarî amaku mûno. Kwoguo nînameerire wa vamwe na atongoria na anene ao atîrî, “Mûtikamakue nî nthû cietû. Ririkanani ûrîa Mwathani arî mûnene na arî vinya na mûrûîrîre andû enyu, ciana cienyu, aka enyu, na mîciî yenyu.”

Nehemia 9:32

“Kwoguo, Ngai wetû ûrî Ngai mûnene na wî vinya! Wî Ngai wa kûmakania na nîûvingagia kîrîkanîro gîaku na wendo ûtathiraga. Mathîna marîa maûkîte kûrî tue na kûrî athamaki etû, kûrî anene etû na athînjîri-Ngai etû, arathi etû na kûrî methe metû, na andû onthe etû kuuma vîndî ya athamaki a Asîria, nginya ûmûnthî ndûkariganîrwe nîmo!

Thaburi 145:3

Ngai-Mûnene nî mûnene na nîwagîrîrwe nî gûkumua mûno, ûnene wake ndûngîmenyeka nî mûndû.

Thaburi 147:5

Ngai-Mûnene nî mûnene na nîecûrîtwe nî ûvoti, ûûgî wake ndûngîthimîka.

Thaburi 35:10

Nîngera Ngai-Mûnene na ngoro yakwa yonthe atîrî, “Gûtirî wîngî tawe we Ngai-Mûnene. Nîûvonokagia arîa matarî vinya kuuma kûrî arîa marî vinya, athîni na avatari kuuma kûrî arîa mavinyanagîrîria.”

Thaburi 48:1

Ngai-Mûnene nî mûnene na nîwagîrîrwe nî gûkumua mûno, îtûûrarî rîa Ngai wetû, kîrîmarî gîake kîtheru.

Thaburi 96:4

Ngai-Mûnene, nî mûnene na nîwagîrîrwe nî gûkumua mûno; nîagîrîrwe nî gwîtigîrwa gûkîra ngai cionthe.

Ntha 15:11

Ngai-Mûnene, nî ngai îrîkû gatagatî ka ngai îkariî tawe? Nî ûrîkû wîkariî tawe, we ûrî ûthingu wa magegania? Nî ûrîkû ûngîringa ciama na ciîko cia vinya ta ciaku?

Ntha 8:10

Mûthamaki nîwacokirie atîrî, “Ûkaamvoera rûyû.” Musa nîwacokire akiuga atîrî, “Nîngeka ûrîa waûria na nîûkaamenya atî gûtirî Ngai wîngî tiga Ngai-Mûnene, Ngai wetû.

Ntha 9:14

Vîndî îno ngaakûverithia, ndûme îvera kûrî anene aku na kûrî andû aku. Nawe nîûkaamenya atî gûtirî wîngî wîkariî tanie nthî yonthe.

Isaia 12:6

Ugîrîriani na mwine mûkenete, mue arîa mûtûûraga Zayuni! nîûndû Ûrîa Mûtheru wa Isiraeli nî mûnene, na atûûraga gatagatîrî kenyu.”

Isaia 40:18

Kwoguo mûngîringithania Ngai na ndûî, kana nîndûî mûngîmûvuanania nakîo?

Isaia 40:25

Ûrîa Mûtheru araûria atîrî, “Nîûrîkû mûngîningithania nake, kûrî na wîngî wîkariî tanie?”

Isaia 46:5

“Mûngîningithania na û nîguo tûvuanane nake? Mûngîmbîganania na û nîguo twîganane nake?

Isaia 46:9

Ririkanani maûndû marîa meekirwe tene; nîûndû Nie nînie Ngai na gûtirî wîngî, nie nînie Ngai na gûtirî wîngî tanie.

Jeremia 10:16

Ngai wa Jakovu ndavana ta cio, nîûndû nîke waûmbire indo cionthe, na nîathuurîte Isiraeli matuîke andû ake, Ngai-Mûnene mwene vinya wonthe nîrîo rîîtwa rîake.

Jeremia 32:18

We nîwonanagia wendo ûtathiraga kûrî andû ngiri na ngiri nyîngî, nwatî nîûverithagia andû nîûndû wa mevia ma methe. We ûrî Ngai ûrî vinya na ûvoti na rîîtwa rîaku nî Ngai-Mûnene Mwene Vinya Wonthe.

Danieli 4:3

Ciama ciake nî nene na morirû make marî vinya mûno. Ûthamaki wake nî wa tene na tene na nîatûûra athanaga njiarwa na njiarwa.

Danieli 4:34

Mîaka mûgwanja yathira, nie mûthamaki Nebukadinezarû nînaroririe îgûrû kûrî Ngai na ngîcokerwa nî ûgima wa meciria na ngîambîrîria kûgooca Ngai ûrîa wî îgûrû mûno; nînaamûkumirie na ngîmûva gîtîîo na riiri, ûcio ûtûûraga tene na tene nîûndû: Nîatûûra athanaga tene na tene naguo wathani wake ûgaakinyagîra njiarwa na njiarwa.

Malaki 1:11

nîûndû andû a mavûrûri monthe ma nthî nîmakumagia rîîtwa rîakwa. Kûndû kuonthe nîmvîvagîrua ûbani na ngarutîrwa magongoona matheru, nîûndû rîîtwa rîakwa nîrîkumagua nî mavûrûri monthe.

1Akor 8:6

Nwatî tue twîtîkîtie atî kûrî Ngai ûmwe tu na nîke îthe wetû. Ke nîke waûmbire indo cionthe, na tûtûûraga nîûndû wake. Tue twîtîkîtie atî kûrî Mwathani ûmwe tu na ke nîke Jesû Kristû, na indo cionthe ciaûmbirwe na njîra yake na wa natue tûtûûraga nîûndû wake.

Gûco 32:31

Nthû ciao nîciîcî atî ngai ciao itirî na vinya, ngai ciao itirî na vinya ta Ngai wa andû a Isiraeli.

Gûco 33:26

Musa nîwarîkîrîrie na kuga atîrî, “Mue andû a Isiraeli, gûtirî ngai îkariî ta Ngai wenyu, atuîkanagîria îgûrû na vinya wake, atuîkanagîria matuurî aûkîte kûmûtethia.