Jeremia 10:20 - ÎVUKU RÎA ÛVORO MWARO

²⁰ Îgema rîakwa nîrîomomore, mîkanda yarîo yonthe nîmîtuîkangu, ciana ciakwa nîindiganîrîtie, na gûtirî wanarî ûmwe mûtigaru wa kûnyambîra îgema rîngî, kana wa kûnjurîria itambaa.

Jeremia 10:20 ပူးပေါင်းရင်းမြစ်များ

Ayubu 7:8

Mûndû ûrîa ûramona rîu ndagaacoka kûmona rîngî, ûkanjaria ndure nîûndû ngethîrwa ndarî vo.

Nthi 12:7

Andû arîa aganu nîmacûkangagua makathira, nwatî mûciî wa arîa athingu nîwîvandaga.

Isaia 51:16

Nîmbîkîrîte ciugo ciakwa kanyuarî gaku, na nîngûkunîkîrîte na kîruru Kîam njara yakwa; Nînie natambûrûkirie îgûrû, na ngîrûtha mûcingi wa nthî, na nînie nîrera andû a Zayuni atî; ‘Mue mûrî andû akwa!’ ”

Isaia 51:18

Gatagatîrî ga ciana cionthe irîa aciarîte, gûtirî wanarî ûmwe wa kûmûtongoria, gatagatîrî ga ciana cionthe irîa arerete, gûtirî wanarî ûmwe wa kûmûnyita njara.

Isaia 54:2

Araramia îgema rîaku, na ûtambûrûkie itambaa cia kûrîa ûtûûraga, ndûkegue vinya, gucagucia mîkanda, na ûkindîre nthugî ciarîo.

Jeremia 30:17

“Nîngamûcokeria vinya wenyu, na nîmûvonie ironda cienyu, wana ethîrwa mamwîtaga, ‘Mûru.’ ‘Îtûûra rîa Zayuni rîtarî mûndû wa kûrîmenyerera!’ Nie Ngai-Mûnene nînie nauga ûguo.”

Jeremia 31:15

Ngai-Mûnene arauga atîrî, “Mûgambo nîweguirwe Rama, wa macakaya na kîrîro kînene. Nî Rakeli ûrarîrîra ciana ciake, na nîararega kûmîrîrua, nîûndû itiarî vo.”

Jeremia 4:20

Mûthiro ûrarûmîrîra mûthiro wîngî, vûrûri wonthe nîmûcûkangie viû. Magema metû nîmacûkangua wa rîmwe; mbathia cietû igatarûrangwa wa rîmwe.

Maca 1:5

Nthû ciake nîivootanîte, arîa mamûmenete nîmathatûkagwa. Ngai-Mûnene nîatûmîte athînîke, nîûndû wa mevia make meengî. Ciana ciake nîndave, igatuîka mîgwate mbere ya nthû ciake.

Mika 2:9

Mûvinyûragia aka a andû akwa, kuuma nyombarî ciao irîa mbaro, na nîmûgirîtie ciana ciao ikinyîrwa nî irathimo ciakwa tene na tene.