Jeremia 10:19 - ÎVUKU RÎA ÛVORO MWARO

¹⁹ Kaî tue andû a Jerusalemu tûrî ativie-î! Ngurara yetû nî nene mûno! Nwatî nînaugire atîrî, “Nama îno nî mînyamaaro, na nwanginya nyûmîrîrie.”

Jeremia 10:19 ပူးပေါင်းရင်းမြစ်များ

Thaburi 39:9

Mbîkariî ta mûndû ûtaicî kwaria, tîmbuga wanarî ûndû, nîûndû we nîwe ûtûmîte nthînîka ûguo.

Thaburi 77:10

Nînaacokire ngiuga atîrî, “Ûndû ûrîa ûnthînagia makîria nî atî, Ngai ûrîa ûrî Îgûrû Mûno ndarî na vinya rîngî.”

Isaia 8:17

Nîmbeterera Ngai-Mûnene, ûrîa wîthithîrîte andû a Jakovu, nîke ngwîvoka.

Jeremia 14:17

Nî ûkaamera ciugo ino: ‘Tiga metho makwa metûrûre methori ûtukû na mûthenya, matagûtigithîria, nîûndû andû akwa nîagurarie na magativua mûno.

Jeremia 14:7

Nao andû akwa marauga atî: “Wana ethîrwa mevia metû nîmaratûcuka, we Ngai-Mûnene tûtethie nîûndû wa kwenda gwaku, twanagûtiganîria mavinda meengî, nîtûkûvîtîrîtie.

Jeremia 17:13

Ûi Ngai-Mûnene we nîwe mwîrîgîrîro wa Isiraeli, arîa onthe magûtiganagîria nîmagaconorithua; arîa mareganaga nawe marîîtwa mao mandîkîtwe mûtheturî, nîûndû nîmatiganîrîtie Ngai-Mûnene, na nîke îtherûkîro rîa manjî ma mwoyo.

Jeremia 4:19

Ruuo, ruuo! Nînîraturwa mûno! Ngoro yakwa îratuma na vinya, ndingîvota gûkira; nîûndû mûgambo wa karumbeta, na kîng'ora Kîam mbaara.

Jeremia 4:31

Nie nîneguire kîrîro ta Kîam mûndûmûka arî na ûrûrû wa gûciara, mûcao ta wa mûndûmûka agîkivîra mwana wa îrikithathi, Kîamrî kîrîro gîa Zayuni akîvevûka agîcaragia mîvevû, agîtambûrûkagia njara akiugaga atîrî, ‘Kaî nîrî na thîna-î! Nîmaûkîte kûmbûraga!’ ”

Jeremia 8:21

Andû akwa marî ativie wananie nîrî mûtivie ngoro, nîracakaya na ngathirwa nî vinya viû.

Jeremia 9:1

Narî kethîrwa kîongo gîakwa nî kîthima Kîam manjî, na metho makwa matherûkage methori, nîguo ndîrage ûtukû na mûthenya, nîûndû wa andû akwa arîa maûragîtwe.

Maca 1:2

Arîraga ûtukû wonthe; methori makanyûrûrûka makai. Arata ake onthe nîmamûcukanîrîte, gûtirî ûngîmûvoreria. Arata ake onthe nîmamûcukanîrîte, nîmatuîkîte nthû ciake.

Maca 3:48

Metho makwa mecûrîte methori, nîûndû wa ûrîa andû etû mathirîtue.

Mika 7:9

Nîmvîtîrîtie Ngai-Mûnene, kwoguo nwanginya nyûmîrîrie marakara make, nginya rîrîa akanjirîrîra na onanie kîvooto gîakwa. Nîakaanduta nja kûrîa kûrî na ûtheri, nanie nîngoona akîmvonokia.