Jeremia 10:18 - ÎVUKU RÎA ÛVORO MWARO

¹⁸ Nîûndû Ngai-Mûnene arauga atîrî, “Taroria, nîngûmwikia nja ya vûrûri ûyû, nîngamaretithîria mathîna meengî mûno.”

Jeremia 10:18 ပူးပေါင်းရင်းမြစ်များ

Isaia 22:17

We wî mûndû ûrî na vinya, nwatî Ngai-Mûnene nîagaakûnyita na agwikie na vinya kûndû kûraca.

Jeremia 16:13

Kwoguo nîngûmwîngata kuuma vûrûri ûyû nîmûvire ûrîa mue wana kana methe menyu matanamenya. Mûrî kûu nîmûgaatungatîra ngai ciîngî ûtuku na mûthenya, na ndikamwîguîra ntha.’ ”

Jeremia 22:26

Nîngaamûnyitithia mûrî na nyûkwe ûrîa wamûciarire mûvirwe vûrûrirî mûgeni, vûrûri ûcio tîguo mwaciarîrwe na mue muoîrî nîkuo mûgaakuîra.

Jeremia 23:20

Marakara ma Ngai-Mûnene matikathira nginya rîrîa akethîrwa ekîte na akavingia wendi wa meciria make. Mûthiiarî, nî ûgataûkîrwa nîguo waro.”

Ezek 6:10

Nîmagaacoka mamenye atî, nînie Ngai-Mûnene na atî tîkwa namamakagia rîrîa naamerire atî nîngamaretithîria maûndû mau macûku.”

Zefania 1:17

Ngai-Mûnene arauga atîrî, “Nîngareta mûthiro kûrî andû, nîguo mathiîcage ta atumumu nthakame yao îgetûrûrwa ta rûkûngû, nacio ciimba ciao ciîtûrûrwe ta mai.

Zakaria 1:6

Methe menyu nîmaareganire na irîra na mawatho marîa namathire na njîra ya arathi ndungata ciakwa. Kwoguo nîmaaverire na makiuga atî nie Ngai-Mûnene Mûnene mwene vinya wonthe, nîmaverithîtie kûringana na mîthiîre yao na ciîko ciao wa ta ûrîa natuîte, na nîguo naamekire.”

Gûco 28:52

Andû acio nîmakaarigicîria matûûra menyu monthe marîa marî vûrûrirî ûrîa Ngai-Mûnene Ngai wenyu amûveete, na momomore nthingo irîa imagitîrîte irîa mwîvokete atî ikaamûgitagîra.

1Sam 25:29

Mûndû wa wonthe agaakûtharîkîra na agerie gûkûraga, Ngai-Mûnene nîagaakûgitîra wata ûrîa mûndû agitagîra mûthithû wake wa goro. Nacio nthû ciaku nîagaacikia wata ûrîa mûndû aikagia mathiga na gîkûtha.