Jeremia 10:17 - ÎVUKU RÎA ÛVORO MWARO

¹⁷ Mue andû a Jerusalemu cokanîrîriani indo cienyu, mûrî arigicîrie.

Jeremia 10:17 ပူးပေါင်းရင်းမြစ်များ

Jeremia 21:13

Taroria nie nîrarûa namue mue mûtûûraga Kîamndarî, “Mue mûtûûraga rûnyanjararî rwa îthiga, mue mûragia atî nû ûngînyûrûrûka gûtûtharîkîra, nîûrîkû ûngîtonya kûrîa tûtûûraga?

Jeremia 6:1

Mue andû a Benjamini, ûrani mûkegitîre! Ûrani mume Jerusalemu! Vuvani karumbeta mûrî Tekoa; na mwonanie rûûri rwa ûgwati kûu Bethi-hakeremu! Nîûndû ûndû mûcûku na mwanangîko kuuma mwena wa rûgûrû nîûkîte.

Mika 2:10

Ûkîrani mûthiî, nîûndû gûkû gûtirî na gwa kûvurûka. Mevia menyu nîmatûmîte kûndû gûkû gûcûkangue.

Mathaayo 24:15

“Mue nîmûkoona ‘Kîndû kîrîa kîrî mûgiro’ kîrîa mûrathi Danieli aaririe ûvoro wakîo kîrûngamîte vandû varîa vatheru.” (Mûndû ûrîa ûrathoma nîataûkîrwe nî ûrîa kûrerwa!)

Gûco 28:52

Andû acio nîmakaarigicîria matûûra menyu monthe marîa marî vûrûrirî ûrîa Ngai-Mûnene Ngai wenyu amûveete, na momomore nthingo irîa imagitîrîte irîa mwîvokete atî ikaamûgitagîra.