Jeremia 10:16 - ÎVUKU RÎA ÛVORO MWARO

¹⁶ Ngai wa Jakovu ndavana ta cio, nîûndû nîke waûmbire indo cionthe, na nîathuurîte Isiraeli matuîke andû ake, Ngai-Mûnene mwene vinya wonthe nîrîo rîîtwa rîake.

Jeremia 10:16 ပူးပေါင်းရင်းမြစ်များ

Thaburi 119:57

We Ngai-Mûnene, nîwe îgai rîakwa, nîngwîranîra kûvingia mawatho maku.

Thaburi 135:4

Ngai-Mûnene nîathuurîte Jakovu atuîke wake, nîathuurîte andû a Isiraeli matuîke ake kîûmbe.

Thaburi 142:5

We Ngai-Mûnene nîwe ngayagîra, mbugaga atîrî, “We nîwe mûgitîri wakwa, nîwe îgai rîakwa vûrûrirî wa arîa marî mwoyo.

Thaburi 33:6

Ngai-Mûnene aaûmbire îgûrû na njîra ya kiugo, aaûmbire indo cionthe cia îgûrû na njîra ya mûgambo wake.

Thaburi 73:26

Mwîrî wakwa na ngoro yakwa nwa ithire vinya, nwatî Ngai nîke vinya wakwa; nîke wenga tu mvatarîtue nîke.

Thaburi 74:2

Ririkana andû arîa wathuurire magîtuîka aku kuuma tene, arîa wakûûrire kuuma ûkomborî matuîke mûvîrîga waku kîûmbe. Ririkana Kîrîma gîa Zayuni, kûrîa watûûraga.

Ntha 19:5

Kwoguo ethîrwa mûkaambathîkagîra na mwathîkagîre kîrîkanîro gîakwa nîmûgaatuîka andû akwa. Nthî yonthe nî yakwa, nwatî mue mûgaatuîka andû akwa arîa nthuurîte,

Ntha 34:9

Nîwaugire atîrî, “We Mwathani wakwa, ethîrwa ûrî mûkenie nî nie, nînakûthaitha wîtîkîre tûthiîcanie nawe. Andû aya nî aremi, nwatî tûkirîrîrie mavîtia metû, ûtwovere mevia metû na ûtwîtîkîre tûrî andû aku.”

Nthi 16:4

Ngai-Mûnene aaûmbire indo cionthe irî na itûmi ciacio, wana mûthiia wa andû arîa aganu nî kûthirua.

Isaia 19:25

Ngai-Mûnene mwene vinya wonthe nîakaamarathima akiugaga atîrî, “Mûrorathimwa andû akwa a Misiri, mûrorathimwa andû a Asîria arîa naûmbire na njara ciakwa, na Aisiraeli arîa nîîthuurîrîte.”

Isaia 45:7

Nînie ndûmaga kûgîe ûtheri na ngatûma kûgîe nduma; nînie ndûmaga kûgîe thayû na ngatûma kûgîe thîna. Nînie Ngai-Mûnene ûrîa wîkaga maûndû mau monthe.

Isaia 47:4

Rîîtwa rîa mûkûri wetû nî Ngai-Mûnene mwene vinya wonthe, Ûrîa Mûtheru wa Isiraeli.

Isaia 47:6

Nînaarakarire nî andû akwa, ngîtûma andû arîa akwa manyitwe nî mûgiro. Nînamanenganîre kûrî we, nwatî we ndwameguîra ntha; wana arîa akûrû nîwamakinyîrîrie mûno.

Isaia 51:15

“Nie nînie Ngai-Mûnene Ngai wenyu, nînie ndûmaga îria rikie ndivû, na ngatûma makûmbî ma rîo marurume. Ngai-Mûnene mwene vinya wonthe nîrîo rîîtwa rîakwa.

Isaia 54:5

Nîûndû ûrîa wakûmbire nîke mûthuuriguo, Ngai-Mûnene mwene vinya wonthe nîrîo rîîtwa rîake. Ûrîa Mûtheru wa Isiraeli nîke Mûkûri waku, ke etagwa Ngai wa nthî yonthe.

Jeremia 10:12

Ngai-Mûnene nîke waûmbire nthî na vinya wake, nîke wathondekire nthî na ûûgî wake, na agîtambûrûkia îgûrû na njîra ya ûmenyo wake.

Jeremia 10:6

We Ngai-Mûnene gûtirî wîngî wîkariî tawe, we wî mûnene na rîîtwa rîaku rîrî vinya mwîngî.

Jeremia 31:35

Ngai-Mûnene ûrîa arî ke Ngai mwene vinya wonthe arauga atî: Nîke ûvecaga riûa ûtheri nîguo rîare mûthenya, na akava mweri na njata ûtheri nîguo imûrîkage ûtukû. Nîke winainagia îria gûkagîa na makûmbî ma manjî na makaruruma.

Jeremia 32:18

We nîwonanagia wendo ûtathiraga kûrî andû ngiri na ngiri nyîngî, nwatî nîûverithagia andû nîûndû wa mevia ma methe. We ûrî Ngai ûrî vinya na ûvoti na rîîtwa rîaku nî Ngai-Mûnene Mwene Vinya Wonthe.

Jeremia 33:2

Ngai-Mûnene ûrîa waûmbire nthî, ûrîa wamîrûthire na akîmîvanda, ûrîa wîtagwa Ngai-Mûnene arauga atîrî,

Jeremia 46:18

Wata ûrîa nie Mûthamaki ndûûraga mwoyo, nie Ngai-Mûnene mwene vinya wonthe, nthû nîgaûka kûmûtharîkîra, ta Taboru gatagatî ka irîma, na ta kîrîma gîa Karimeli kîrî rûtere rwa îria.

Jeremia 50:34

Ûrîa mûkûri wao arî vinya. Rîîtwa rîake nî Ngai-Mûnene mwene vinya wonthe. Nama nîngamacirîrîra nîguo ndûme nthî îgîe na thayû, nwatî vûrûri wa Babuloni nîmakaagîa na thîna.”

Jeremia 51:19

Ngai wa Jakovu ndavana ta cio; nîûndû nîke waûmbire indo cionthe, na akîthuura mûvîrîga wa Isiraeli ûtuîke andû ake kîûmbe. Ngai-Mûnene mwene vinya wonthe nîrîo rîîtwa rîake.

Maca 3:24

Ngai-Mûnene nîke mwîvoko wakwa, kwoguo kîîrîgîrîro gîakwa kîrî kûrî ke.

Amosi 4:13

Ngai nîke waûmbire irîma na akîûmba mvuvo. Nîke ûmenyithagia mûndû meciria make, na nîke ûtûmaga mûthenya ûtuîke ûtukû. Athiîcagîrîra nthî kûrîa gûtûgîru. Rîîtwa rîake nî Ngai-Mûnene, Mwene vinya wonthe.

Zakaria 2:12

Vûrûri wa Juda nîûgaatuîka îgai rîa Ngai-Mûnene kûu vûrûrirî ûrîa mûtheru, na nîakaathuura rîngî îtûûra rîa Jerusalemu rîtuîke rîake.

Gûco 32:9

Nîwathuurire njiarwa cia Jakovu matuîke andû ake, na akîmamûra matuîke andû ake.