Jeremia 10:15 - ÎVUKU RÎA ÛVORO MWARO

¹⁵ Ngai icio nî cia mana na nî cia kînyarari; vîndî îrîa ikaverithua nî ikathirua.

Jeremia 10:15 ပူးပေါင်းရင်းမြစ်များ

Thaburi 115:9

Mue andû a Isiraeli, îîvokeni Ngai-Mûnene! Nîke ûtethio wenyu na ngo yenyu.

Isaia 41:24

Mue mûtirî kîene, na wîra wenyu nîwa mana, mûndû ûrîa ûmûgoocaga arî na mûgiro.

Isaia 41:29

Taroria, ngai icio ciao cionthe nî cia maveeni, mawîra mao monthe nîma mana, mîvuanano yao ya kûrarûrwa ndîrî vinya na nî ya mana.”

Isaia 57:12

Nie nîngaaumbûrîra andû ûvoro wa ûthingu wenyu na mawîra menyu, nwatî mîvuanano yenyu ndîkaamûguna.

Jeremia 10:11

Kwoguo nîmûkaamera atî: “ngai irîa itaûmba nthî na îgûrû nîikaathira cionthe gûkû nthî.”

Jeremia 10:8

Onthe nî irimû na nîaritu; kîrîra Kîam mîvuanano nî Kîam mana!

Jeremia 14:22

Kûrî ngai cia mîvuanano mavûrûri ingiurithia mbura? Kana îgûrû rîo rîene riurithie mbura, kinthî tîwe Ngai-Mûnene Ngai wetû? Twigîte mwîvoko wetû kûrî we, nîûndû nîwe wîkaga maûndû mama monthe.

Jeremia 18:15

Nwatî andû akwa nîmariganîrîtwe nî nie, mavîvagîria ngai cia mîvuano ûbani, nîmavîngîcîtwe njîrarî ciao, matirûmagîrîra njîra ciao cia tene, mathiîcagîra tûcangiri vandû va varavara îrîa nene.

Jeremia 43:12

Nîakaavîvia hekarû cia ngai cia Misiri na mwaki na acoke avîvie ngai cia mîvuanano na icio ciîngî aitave athiî nacio Babuloni. Ta ûrîa mûrîthi atoraga kavuti gake ndaa gakathera, nwa ta guo Nebukadinezarû akaûngania andû mathire vûrûrirî wa Misiri na aume kuo na ûvootani.

Jeremia 50:2

“Anîrîrani mavûrûrirî, îkîrani imenyithia na mwanîrîre, mûtikathithe wanarî ûndû; ugani atî: ‘Îtûûra rîa Babuloni nîrînyite! Beli ngai yarîo nînjonorithie, Merodaki ngai yarîo nîmbagagu; Mîvuanano ya ngai cia Babuloni nîmîconorithie.’

Jeremia 51:18

Mîvuanano îo nî ya mana, na nî ûthani mûtheri; vîndî îrîa makaverithua nîgaacûkangua.

Jeremia 8:12

Nîmaaconokire rîrîa mekire maûndû marî mûgiro? Naarî mûtiaconoka wanarî vanini, kana megua nthoni, kwoguo makaagwa wata ûrîa acio engî maagwîre, rîrîa ngaamaverithia nîmakaathira.” Ûguo nîguo Ngai-Mûnene arauga.

Jeremia 8:19

Tathikîrîria kîrîro Kîam andû akwa kuuma mîena yonthe ya vûrûrirî, “Anga Ngai-Mûnene ndatûûraga Zayuni? Anga mûthamaki wa Zayuni ndarî kuo? Nîndûî kîratûma mandakarie makîgooca ngai cia mîvuanano, wana magooce ngai ciao ng'eni?

Hosea 9:7

Mîthenya ya kûverithania nî mîkinyu, mîthenya ya kwîrîvîrîria nîmîkinyu; andû a Isiraeli nwa nginya mamenye mûthenya ûcio. Mue mugaga atî, “Mûrathi nî kîrimû na mûndû ûrîa ûrî na Roho arî na ngoma.” Mugaga ûguo nîûndû wa mevia menyu meengî, na nîûndû wa rûmena rwenyu rûnene îgûrû rîake.

Jona 2:8

Arîa magoocaga mîvuanano îtarî kîene, nîmaatiganagîria wîvokeku wao kûrî we.

Zakaria 13:2

Nîngaatharia marîîtwa monthe ma ngai cia mîvuanano kuuma vûrûrirî, nîguo itigaacoke kûririkanwa rîngî. Nîngaathengutia arathi na nthirie maroho monthe macûku kuuma vûrûrirî.

Ciîko 14:15

“Mue andû aya, mûreka ûguo nîkî? Tue wa natue tûrî andû tu mekariî wa tamue. Tue twaûka kûmûretere Ûvoro Mwaro na kûmwîra atî mue nîmwagîrîrwe nî gûtigana na maûndû mama matarî na vata na mûgarûrûkîre Ngai mûtûûra mwoyo. Ke nîke waûmbire îgûrû, nthî, îria, na indo cionthe irîa irî ndaarî yacio.

Gûco 32:21

Nîmatûmîte mbîgue wîru nîûndû wa indo icio metaga ngai, nîmandakarîtie nîûndû wa ngai ciao cia mîvuanano. Kwoguo nîngaatûma megue wîru nî andû matarî kîene, nîngaatûmîra vûrûri wa irimû nîguo marakare.

1Sam 12:21

Tigani gûtungatîra Ngai cia maveeni. Ngai icio itîngîmûguna kana imûvonokie, nîûndû tî cia ma.

1Sam 5:4

Nwarî rîrîa maaramûkire kîraûko tene mûthenya ûcio warûmîrîrîte, nîmeethîrîrie mûvuanano ûcio ûmamîte nthî na îvu rîngî mbere ya îthandûkû rîa Kîrîkanîro rîa Ngai-Mûnene. Vîndî îno, kîongo Kîam Dagoni vamwe na njara ciayo cioîrî ciarî vakuvî na mûrango irî munîkangu; mûvuanano ûcio wa Dagoni watigarîte gîcunjî kîu kîngî Kîam mwîrî wayo tu.