Jeremia 10:14 - ÎVUKU RÎA ÛVORO MWARO

¹⁴ Mûndû nî kîrimû na ndarî ûmenyo; arîa onthe marûthaga mîvuanano ya thaavu nîmaconorithagua nîyo; nîûndû mîvuanano îo nî ya maveeni na ndîrî mwoyo.

Jeremia 10:14 ပူးပေါင်းရင်းမြစ်များ

Thaburi 14:2

Ngai-Mûnene arî îgûrû nîaroragia andû gûkû nthî, nîguo one kana kûrî wanarî andû aûgî, wana kana kûrî andû mamûgoocaga.

Thaburi 92:6

Mûndû kîrimû ndangîmenya ûndû, mûndû mûritu ndangîtaûkîrwa nîûndû ûyû,

Thaburi 94:8

Mue andû aya aritu ûguo, ta îcirieni rîngî! Mue irimû ino, mûkaaûvîga rî?

Thaburi 97:7

Andû onthe arîa magoocaga mîvuanano nî maconorithagua, arîa metîîaga na ngai cia maveeni; ngai cionthe ciînamagîrîria nthî ikagooca Ngai-Mûnene.

Nthi 30:2

Na ma nie nîrî mûritu mûno, na ndiîkariî ta mûndû, na ndiîciragia ta mûndû.

Isaia 42:17

Arîa onthe mevokete mîvuanano, arîa metaga mîvuanano ya kumua ngai ciao, nîmagaacokithua na maconorithue.”

Isaia 44:11

Nama, arîa onthe magoocaga ngai icio nîmagaaconorithua, wana arîa marutaga wîra ûcio nwa andû tu. Tiga magomane vamwe onthe na meyumîrie, nîmagetigîra na maconoke.

Isaia 45:16

Arîa onthe marûthaga mîvuanano nîmagaaconorithua, onthe magaaconorithua vamwe.

Isaia 57:12

Nie nîngaaumbûrîra andû ûvoro wa ûthingu wenyu na mawîra menyu, nwatî mîvuanano yenyu ndîkaamûguna.

Jeremia 10:5

Mîvuanano yao îkariî ta inyamû cia kûvavûra iconi irî mûgûndarî wa marenge, ndîngîvota kwaria, nîkwa îkuagwa nîûndû ndîngîvota kûthiî. Ndûkamîtigîre nîûndû ndîngîka ûndû mûcûku, wana kana îka ûndû mwaro.”

Jeremia 10:8

Onthe nî irimû na nîaritu; kîrîra Kîam mîvuanano nî Kîam mana!

Aroma 1:25

Nîmaregete gwîtîkia ûma wîgiî Ngai na magetîkîra ûvoro wa maveeni. Magoocaga na magakumia indo irîa ciaûmbirwe nî Ngai vandû va kûgooca Ngai ûrîa waûmbire indo icio na nîke wagîrîrwe nî gûkumua tene na tene! Ameni.

1Sam 5:4

Nwarî rîrîa maaramûkire kîraûko tene mûthenya ûcio warûmîrîrîte, nîmeethîrîrie mûvuanano ûcio ûmamîte nthî na îvu rîngî mbere ya îthandûkû rîa Kîrîkanîro rîa Ngai-Mûnene. Vîndî îno, kîongo Kîam Dagoni vamwe na njara ciayo cioîrî ciarî vakuvî na mûrango irî munîkangu; mûvuanano ûcio wa Dagoni watigarîte gîcunjî kîu kîngî Kîam mwîrî wayo tu.