Jeremia 1:9 - ÎVUKU RÎA ÛVORO MWARO

⁹ Ngai-Mûnene nîwacokire agîtambûrûkia njara na akîvutia mîromo yakwa na akîmbîra atîrî, “Taroria, nînekîra ciugo ciakwa kanyuarî gaku.

Jeremia 1:9 ပူးပေါင်းရင်းမြစ်များ

Isaia 49:2

Ke nîwatûmire ciugo ciakwa ciûvîge ta rûviû rûrîa rûûgî, na akînthitha rungu rwa kîruru Kîam njara yake. Aanduire ta mûguî ûrî mûvarîrie gûtûmîrwa, na akînthitha thiakarî yake.

Isaia 50:4

Mwathani Ngai-Mûnene nîanthomithîtie ûrîa nguga, nîguo mvote kûmîrîria arîa mathirîte vinya. Wa kîraûko nîamvecaga wendi wa kûthikîrîria ûrîa arenda kûnthomithia.

Isaia 51:16

Nîmbîkîrîte ciugo ciakwa kanyuarî gaku, na nîngûkunîkîrîte na kîruru Kîam njara yakwa; Nînie natambûrûkirie îgûrû, na ngîrûtha mûcingi wa nthî, na nînie nîrera andû a Zayuni atî; ‘Mue mûrî andû akwa!’ ”

Isaia 59:21

Njoke nthondeke kîrîkanîro namue atî: vinya wakwa ûrîa nîmûvete na mataaro makwa marîa namûveere, nîmûtûûra nacio, na itûûre na ciana cienyu wana ciana cia ciana cienyu, kuuma rîu nginya tene na tene.”

Jeremia 15:19

Kwoguo Ngai-Mûnene arauga atîrî, “Ûngînjokerera nîngûgûcokia ûrîa wekariî mbere, nawe nî ûkandungatîra rîngî. Ûngîaria maûndû marîa magîrîrîte na tî marîa matarî vata, we ûkaragia vandûrî vakwa. Andû nîmagagûcokerera, nwatî we ndûkaathiî kûrî o.

Jeremia 34:6

Nake mûrathi Jeremia nîwacokire akîîra Zedekia mûthamaki wa Juda maûndû mau monthe, arî kûu Jerusalemu,

Jeremia 36:2

“Oca îvuku rîa gîkûnjo na wandîke maûndû monthe marîa nakwîrire megiî Isiraeli, Juda, na mavûrûri monthe, kuuma rîrîa nambîrîrie kwaria nawe, Josia arî mûthamaki nginya ûmûnthî.

Jeremia 5:14

Ngai-Mûnene mwene vinya wonthe arauga atîrî, “Nîûndû nîmarîtie maûndû mau, rîu nîngûtûma ciugo ciakwa ciîkare ta mwaki kanyuarî gaku, na andû matuîke ta ngû, naguo mwaki ûmavîvie.”

Ezek 3:10

Nîwacokire akîmbîra atîrî, “We mûndû, thikîrîria waro maûndû monthe marîa ngûkwîra na ûmaige ngororî yaku.

Danieli 10:10

Wa rîmwe nînaanyitirwe njara na ngîûkîrîrua ngîrûngama ngîtetemaga.

Danieli 10:16

Vîndî wa îo, mûraika ûrîa wekariî ta mûndû nîwavutirie mîromo yakwa na njara yake. Nanie nînamwîrire atîrî, “Mwathi wakwa, kîoneki gîkî nî kîmbîkagîra guoya na ngathirwa nî vinya.

Ndari 23:5

Ngai-Mûnene nîwerire Balaamu ûrîa akûthiî kwîra Balaki na akîmwatha acoke kûrî Balaki akamûve ndûmîrîri îo.

Mathaayo 10:19

Na rîrîa makaamûvira ciamarî cia athuuri mûtigatangîke mûkîûria maûndû marîa mûkaauga kana ûrîa mûkaaria. Rîrîa kavinda gagaakinya, mue nîmûkaamenyithua maûndû marîa mûkaauga.

Maariko 7:33

Jesû nîwathengutirie mûndû ûcio kuuma kûrî kîrîndî, nîwatonyirie ciara ciake matûûrî ma mûndû ûcio, agîtua mata kuuma kanyuarî gake, na akîvutia rûrîmî rwa mûndû ûcio.

Luka 12:12

Nîûndû îvinda rîu rîakinya, Roho Mûtheru nîakaamûthomithia ûrîa mwagîrîrwe nî kwîyarîrîria.”

Luka 21:15

Nîûndû nie nîngaamûva mîario na ûûgî ûrîa gûtarî nthû yenyu wana îmwe îngîvota kûregana naguo kana gûûkararia.

Gûco 18:16

“Rîrîa mwacemanîtie kîrîmarî gîa Sinai, mwavoire mûkiuga mûtikwenda kwîgua Ngai-Mûnene Ngai wenyu akîaria rîngî, na mûtikwenda kwona mwaki mûnene wake rîngî nîûndû nwa mûkue.

Gûco 18:17

Nake Ngai-Mûnene Ngai wenyu nîwambîrire atî, ‘Ûguo wonthe mauga nî ûvoro wa ma.

Gûco 18:18

Nîngaamathuurîra mûrathi tawe kuuma gatagatîrî ka andû ao. Nîngekîra ciugo ciakwa kanyuarî gake, na ameerage maûndû monthe marîa ngaamwatha.