Jeremia 1:3 - ÎVUKU RÎA ÛVORO MWARO

³ Ndûmîrîri îo nwa yamûkinyîre rîngî, Jehoiakimu mûvîcî wa Josia arî mûthamaki wa Juda. Jeremia nîwathiîre na mbere gûkinyîrwa nî ndûmîrîri îo nginya mûthiiarî wa mwaka wa îkûmi na ûmwe Zedekia mûvîcî wa Josia arî mûthamaki wa Juda, nginya mweri wa gatano wa mwaka ûrîa andû a Jerusalemu maavirirwe îthamîriorî.

Jeremia 1:3 ပူးပေါင်းရင်းမြစ်များ

2Atha 23:34

Mûthamaki Neko nîwathuurire Eliakimu mûvîcî wa mûthamaki Josia na akîmûtua mûthamaki îthenyarî rîa îthe Josia. Nîwacokire agîcenjia rîîtwa rîa Eliakimu na akîmwîta Jehoiakimu. Nwatî nîwacokire akîvira Jehoahazi Misiri kûrîa aakuîrîre.

2Atha 24:17

Nebukadinezarû nîwatuire Matania mûthamaki wa Juda na akîmûcenjeria rîîtwa akîmwîta Zedekia. Matania aarî mamawe wa Jehoiakini.

1Maû 3:15

Josia aarî na avîcî ana: Jonathani, Jehoiakimu, Zedekia, na Joahazu.

Jeremia 1:4

Ndûmîrîri ya Ngai-Mûnene nîyanginyîre ngîrwa atîrî,

Jeremia 34:1

Mûthamaki Nebukadinezarû wa Babuloni nîwaûkire na athigari ake a mbaara kuuma mavûrûri monthe marîa aathanaga na akîtharîkîra îtûûra rîa Jerusalemu vamwe na matûûra marîa mengî ma Juda. Vîndî îo ndûmîrîri kuuma kûrî Ngai-Mûnene nîyakinyîre Jeremia akîrwa atîrî,

Jeremia 35:1

Kiugo Kîam Ngai-Mûnene nîgîakinyîre Jeremia vîndî ya wathani wa Jehoiakimu mûvîcî wa Josia, mûthamaki wa Juda akîrwa atîrî,

Jeremia 36:2

“Oca îvuku rîa gîkûnjo na wandîke maûndû monthe marîa nakwîrire megiî Isiraeli, Juda, na mavûrûri monthe, kuuma rîrîa nambîrîrie kwaria nawe, Josia arî mûthamaki nginya ûmûnthî.

Jeremia 39:2

Mûthenya wa mûgwanja wa mweri, mwaka wa îkûmi na ûmwe wa ûthamaki wa Zedekia rûthingo rwa îtûûra nîrwatûrirwe mwanya.

Zakaria 7:5

na akîmbîra atîrî, “Ûria andû onthe a Isiraeli na athînjîri-Ngai kana rîrîa menyerekagia na magacakaya mweri wa gatano na wa mûgwanja îvinda rîa mîaka mîrongo mûgwanja îthirîte, mekaga ûguo nîûndû wakwa?

Zakaria 8:19

“Kwînyerekia mweri wa kana, mweri wa gatano, mweri wa mûgwanja, wa mweri wa îkûmi igaatuîka irugo cia gîkeno na thayû kûrî andû a Juda. Kwoguo rûmagîrîrani ûvoro wa ma na wa thayû.”