Jeremia 1:15 - ÎVUKU RÎA ÛVORO MWARO

¹⁵ Rîu, nînîreta mîvîrîga yonthe ya mothamaki ma mwena wa rûgûrû. Nao athamaki a mo nîmakaaiga itî ciao cia ûthamaki mîromorî ya Jerusalemu na maciige ithiûrûkîrîtie nthingo ciarîo na matûûra monthe ma Juda.

Jeremia 1:15 ပူးပေါင်းရင်းမြစ်များ

Isaia 22:7

Ciandarî ciaku mbaro we Jerusalemu, gwecûrîte ikaari cia mbaara na mbarathi; nao andû arîa mathiîcaga matwîte mbarathi maarangîrîte ivingorî.

Jeremia 10:22

Tathikîrîriani! Kûrî na ndûmîrîri yatûkinyîra! Kûrî na înegene înene kuuma mwena wa rûgûrû, vûrûri wa mwena wa rûgûrû nî ûkîte; gûtûma matûûra ma Juda matuîke werû, kûrîa nyamû cia kîthaka ikamamaga.

Jeremia 10:25

Îtûrûra marakara maku kûrî mavûrûri marîa matakûgoocaga, na kûrî andû arîa matagoocaga rîîtwa rîaku. Nîûndû nîmaûragîte andû aku a Isiraeli, nîmamacûkangîtie makathira viû, na magatiga vûrûri wao ûrî maganjo.

Jeremia 13:20

Jerusalemu taroria wone andû arîa maumîte mwena wa rûgûrû, irîkû ndîthia îrîa waveerwe ûrîthagie, ndîthia îrîa wetîaga nayo îrî kû?

Jeremia 25:28

Na mangîrega gwîtîkîra gîkombe kuuma njararî ciaku nîguo makînyuîre, nîûgacoka ûmeere atî, ‘Ngai-Mûnene mwene vinya wonthe augîte atî nwa nginya makînyuîre!

Jeremia 25:9

nîngûtûma mîvîrîga yonthe ya mwena wa rûgûrû, na Nebukadinezarû mûthamaki wa Babuloni, ndungata yakwa matharîkîre vûrûri ûyû na atûûri a guo vamwe na mavûrûri monthe marîa mamarigicîrîtie. Nîngamacûkangia viû na ndûme megue guoya, manyararwe na matûûre na gîconoko.

Jeremia 33:10

Ngai-Mûnene arauga atîrî, “Îtûûra rîîrî rîtuîkîte ta werû, kûndû gûtatûûragwa nî andû kana nyamû. Matûûrarî ma Juda na njîrarî cia Jerusalemu irîa ciatiganîrue nî andû na nyamû, nîgûkeguua rîngî

Jeremia 34:1

Mûthamaki Nebukadinezarû wa Babuloni nîwaûkire na athigari ake a mbaara kuuma mavûrûri monthe marîa aathanaga na akîtharîkîra îtûûra rîa Jerusalemu vamwe na matûûra marîa mengî ma Juda. Vîndî îo ndûmîrîri kuuma kûrî Ngai-Mûnene nîyakinyîre Jeremia akîrwa atîrî,

Jeremia 34:22

Tathikîrîria, nie Ngai-Mûnene nîngaatha mûthamaki wa Babuloni na athigari ake na nîngamacokia îtûûrarî rîîrî. Nîmakaarîtharîkîra, marîtave na marîvîvie na mwaki. Nîngatûma matûûra ma Juda matuîke maganjo na kûndû gûtatûûragwa nî andû. Nie Ngai-Mûnene nînie nauga ûguo.”

Jeremia 39:3

Rîrîa Jerusalemu yatavirwe, anene onthe a mûthamaki wa Babulonia nîmatonyire îtûûrarî na magîkara kîvingorî gîa gatagatî. Anene acio marî: Nerigali-sharezeri, Samugari-nebo, Sarisekimu, Nerigali-sharezeri marî vamwe na anene arîa engî onthe a mûthamaki.

Jeremia 4:16

Ûrera mavûrûri na ûkanîrîra Jerusalemu atî: “Atharîkîri maumîte vûrûrirî wa kûraca, makiugagîrîria ûrîa makûtharîkîra matûûra ma Juda.

Jeremia 4:6

Igani kîmenyithia njîrarî ya Zayuni! Vinyûrani mwîgitîre! Mûtigacererwe! Ngai-Mûnene nîakûrete mûthiro kuuma mwena wa rûgûrû, na gûcûkangua kûnene.

Jeremia 43:10

Nîûgacoka wîre andû a Juda atî: Ngai-Mûnene mwene vinya wonthe, Ngai wa Isiraeli augîte atî: nîngatûma ndungata yakwa mûthamaki Nebukadinezarû wa Babuloni, nake nîakaiga gîtî gîake Kîam ûthamaki îgûrû rîa mathiga mama nathika ava, na aige îgema rîake rîa ûthamaki îgûrû rîa mo.

Jeremia 44:6

Kwoguo nînakanirwe mûno nî marakara na mang'ûrîka na ngîmetûrûra matûûrarî ma Juda na njîrarî cia Jerusalemu. Nakuo gwatuîkire maganjo, kûndû gûtatûûragwa nî andû nginya ûmûnthî.

Jeremia 46:24

Andû a Misiri nîmagaconorithua, nîmakaarekererua kûrî andû a mwena wa rûgûrû.”

Jeremia 5:15

Ngai-Mûnene arera andû a Isiraeli atîrî, “Nîngûmûretere rûrîrî kuuma kûndû kûraca rûmûtharîkîre. Rûrîrî rûkûrû rûtangîvooteka, rûrîrî mûtangîmenya rûthiomi rwaruo, wana mûtangîtaûkîrwa nî ûrîa marauga.

Jeremia 6:22

Ngai-Mûnene arauga atîrî, “Taroria, andû nîmaûkîte kuuma mwena wa rûgûrû, vûrûri mûnene ûrîa ûrî kûraca mûno gûkû nthî nî ûrevarîria mbaara.

Jeremia 9:11

Nîngatûma Jerusalemu îtuîke îganjo, gûtuîke kûndû kwa gwîkarwa nî ciathi, na ndûme matûûra ma Juda matuîke werû, kûndû gûtatûûragwa nî andû.”

Maca 5:11

Nthû cietû inyitaga aka etû na vinya kûu Zayuni, na makanyita erîtu etû na vinya kûu matûûrarî ma Juda.

Ezek 32:30

“Anene onthe a mwena wa rûgûrû marî kuo, wana andû a Sidoni marî kuo. Onthe nîmaanyûrûrûkire kwa arîa akuû marî na gîconoko ta andû arîa maaûragirwe nîûndû wa guoya îrîa meekagîra andû nîûndû wa vinya ûrîa maarî naguo. Nwatî rîu, mathiîte kwa arîa akuû marî na gîconoko vamwe na andû arîa maaûragirwe vîndî ya mbaara.

Joeli 2:20

Nîngaaruta nthû icio ciumîte mwena wa rûgûrû, na nîngavira amwe nginya werûrî. Athigari arîa marî mbere nîngamavira nginya Îriarî rîa Cumbî, nao arîa a vuva nîmavire Îriarî rîa Mediterania. Nîmakaaruta mûruke mûcûku na mûnungo mûcûku, acio nîmekîte maûndû meengî mûno macûku.

Zakaria 6:6

Gîkaari kîu kîgucîtue nî mbarathi icio cia rangi mwirû nîkîthiî vûrûrirî wa mwena wa rûgûrû, nakîo kîu kîgucîtue nî mbarathi cia rangi mûcerû nîkîthiî na mwena wa îthûîro. Nakîo gîkaari kîu kîgucîtue nî mbarathi cia rangi wa kîmûu nîkîthiî na mwena wa îveti.”