Jeremia 1:12 - ÎVUKU RÎA ÛVORO MWARO

¹² Ngai-Mûnene nîwacokire akîmbîra atîrî, “Nîwona waro, nîûndû nînîraroria mone ciugo ciakwa ikîvinga.”

Jeremia 1:12 ပူးပေါင်းရင်းမြစ်များ

Isaia 55:11

nwaguo ciugo irîa mbaragia ikeethîrwa ciîkariî; itikaanjokerera wa ûguo mana, nwatî nîikaavingia wîra wakwa, na irute wîra ûrîa naaitûmire.

Jeremia 1:13

Ngai-Mûnene nîwacokire akîmbûria atîrî, “Nîndûî ûrona?” Nanie nînamûcokerie atîrî, “Nîrona nyûngû îkîtherûka înamîte mwena wakwa kuuma mwena wa rûgûrû.

Jeremia 24:3

Nake Ngai-Mûnene nîwambûrire atîrî, “Jeremia, nîndûî ûrona?” Nînacokirie atîrî, “Nîrona ngûyû mbaro mûno, na ngacoka ngona ngûyû njûku mûno îtangîrîka.”

Jeremia 31:28

Wata ûrîa nevarîrîtie kûmakûûra, kûmomora, kûmagwîthia, kûmacûkangia na kûmaverithia, nwaguo nîîvarîrîtie kûmavanda na kûmatuma.

Ezek 12:25

Nwatî nie Ngai-Mûnene nîngaaragia na ûndû ûrîa naria nîûkaavingua ûtagwîkarîrîria. Kavinda ga ûtûûro wenyu, mue aremi a Isiraeli, ngaragia ûndû na ûgekîka. Nie Ngai-Mûnene nînie mbugîte ûguo.”

Ezek 12:28

Kwoguo meere nie Ngai-Mûnene, mbugîte atî ciugo ciakwa cionthe gûtirî gîgeekarîrîria rîngî. Ûrîa mbarîtie nwanginya wîkîkage. Ûguo nîguo nie Ngai-Mûnene mbugîte!”

Amosi 8:2

Ngai-Mûnene nîwacokire akîmbîra atîrî, “Amosi, nî ndûî ûrona?” Na nie nînamûcokerie atîrî, “Nîrona matunda ma vîndî ya riûa mecûrîte gîkavurî.” Nake Ngai-Mûnene nîwacokire akîmbîra atîrî, “Mûthiia wa andû akwa a Isiraeli nîwakinya, ndingîricûkwa rîngî ûvororî wîgiî kûmaverithia.

Luka 10:28

Nake Jesû nîwamwîrire atîrî, “We nîwacokia waro. Îkaga ûguo na nîûgûtûûra mwoyo.”

Luka 20:39

Nao arimû amwe a Watho nîmaamûcokerie atîrî, “Mwarimû, nîwacokia waro!”

Gûco 18:17

Nake Ngai-Mûnene Ngai wenyu nîwambîrire atî, ‘Ûguo wonthe mauga nî ûvoro wa ma.

Gûco 32:35

Nînie ngerîvîrîria na nîmaverithie, vîndî nîgaakinya rîrîa makaagwa, mûthenya wao wa kûverithua ûrî vakuvî.

Gûco 5:28

“Ngai-Mûnene nîwegwire maûndû marîa mwaragia na akîmbîra atî, ‘Nînegua maûndû marîa andû aya makwîra na nî ma ma.