Jakuvu 5:7 - ÎVUKU RÎA ÛVORO MWARO

⁷ Kwoguo ariû na aarî a îthe wetû, kiragîrîriani nginya rîrîa Mwathani agaacoka. Taroriani ûrîa mûrîmi akiragîrîria etererete mûgûnda wake ûgîe na maciaro ma vata. Ke nîakiragîrîria maurîrwe nî mbura ya mbere na ya mûthiia.

Jakuvu 5:7 ပူးပေါင်းရင်းမြစ်များ

Jeremia 5:24

Matiîciragia mandîîe nie Ngai-Mûnene Ngai wao, na nînîmaurithagîria mbura vîndî yayo yakinya. Mbura nene na mbura nini, na ngamûva mavinda magîrîru ma gûketha.

Hosea 6:3

Tigani twîrutanîrie kûmenya Ngai-Mûnene kumagara gwake nî gwa kwîvokwa. Wata ûrîa gûka gwa kîraûko kûrî gwa kwîvokeka, ke agaûka kûrî tue ta karûnyunyuû, aûke ta mbura ya kîvovoto.

Joeli 2:23

“Kenani, mue andû a Zayuni, mûcanjamûke mûrî kûrî Ngai-Mûnene, Ngai wenyu, nîûndû nîamûvete mbura îrîa mûkwenda. Nîaurithîtie mbura ya kwîgana, mbura nene na mbura nini wata mbere.

Zakaria 10:1

Voyani Ngai-Mûnene amûve mbura vîndî ya mbura nini, Ngai-Mûnene nîke ûtûmaga kûgîe na matu maumaga mbura, akauria mbura na mîgûnda îkagîa na irio nîûndû wa andû onthe.

Mathaayo 16:27

Nîramwîra maûndû mama monthe nîûndû Mûrû wa Mûndû arî vakuvî gûka arî na riiri wa îthe na araika ake. Na nîagaacoka arîve mûndû wa wonthe kûringana na ciîko ciake.

Mathaayo 16:28

Nîramwîra nama atî kûrî na andû amwe marûngamîte ava matagaakua mbere ya moona Mûrû wa Mûndû agîûka arî Mûthamaki.”

Mathaayo 24:27

Nîûndû Mûrû wa Mûndû agaûka ta rûveni rûrîa rûvenagia îgûrû matuurî kuuma mwena wa îrathîro nginya mwena wa îthûîro.

Mathaayo 24:44

Kwoguo mue wa namue nwa nginya mwîkarage mwîvarîrîtie vîndî cionthe, nîûndû Mûrû wa Mûndû agaûka îthaa rîrîa mûkeethîrwa mûtamwîrîgîrîrîte.

Luka 18:8

Nîramwîra atî Ngai nîamatethagia na îvenya. Nwatî vîndî îrîa Mûrû wa Mûndû agaaûka gûkû nthî, nîakeethîrîria andû mamwîtîkîtie?”

Luka 21:27

Nake Mûrû wa Mûndû nîagaacoka onekane agîûka arî îtuurî na arî na vinya na riiri.

Luka 8:15

Nacio mbeû irîa ciagwîre mûtheturî ûrîa warî mûnoru, nî andû arîa megucaga ndûmîrîri ya Ngai na makamiga marî na ngoro mbaro na mbathîki, na magakirîrîria nginyagia rîrîa makaagîa maciaro.”

Johana 21:22

Jesû nîwamûcokerie atîrî, “Wana ngenda ekare nginya rîrîa ngaaûka-î, îo nî thîna yaku? We ta nûmîrîra!”

Johana 21:23

Kwoguo ndeto nîciatambire gatagatîrî ka arûmîrîri a Jesû atî mûrutwa ûyû ndagaakua. Nwatî Jesû ndaaugîte atî mûrutwa ûyû ndagaakua, aaugîte atîrî, “Wana ngenda ekare nginya rîrîa ngaaûka rî, îo nî thîna yaku?”

Aroma 15:4

Maûndû monthe marîa marî mandîkorî marîa matheru maandîkirwe matûthomithie, nîguo tûvote kûgîa na kîîrîgîrîro na njîra ya gûkirîrîria na kûmîrîria.

Aroma 2:7

Andû amwe nîmakîragîrîria gwîka waro, gûcaria riiri, gîtîîo na gûtûûra mwoyo. Nao nîmakaavewa mwoyo wa tene na tene.

1Akor 1:7

Kwoguo mue nîmwamûkîrîte iveo cia mîthemba yonthe irîa Roho wa Ngai avecanaga wa mwetererete mûthenya wa kûguûrua kwa Mwathani wetû Jesû Kristû.

Agal 5:5

Tue twîthagîrwa tûrî na mwîvoko atî Ngai nîagaatûtua athingu. Ûndû ûcio nîguo twîthagîrwa twetererete tûrî na wîtîkio na tûvotithîtue nî Roho wa Ngai.

Agal 6:9

Kwoguo tûtikanoge nî gwîka waro, nîûndû îvinda rîrîa rîagîrîru rîakinya nîtûgaaketha twarega kûrwa nî vinya.

Gûco 11:14

Mweka ûguo agaatûmaga mbura yure mîgûndarî yenyu mavinda marîa magîrîru, vîndî ya mbura nene na vîndî ya mbura nini, nîguo mwîthagîrwe mûrî na ngano, ndivei na maguta ma kwîgana.

Akol 1:11

Ngai aromûvotithia kûgîa na vinya îrîa yumanaga na ûvoti wa riiri wake, nîguo mûvote kûmîrîria maûndû monthe mûkirîrîtie na mûrî na gîkeno.

1Ath 1:3

Tûrî mbere ya Ngai Îthe wetû, nîtûririkanaga tûtagûtigithîrîria maûndû marîa mwîkîte nîûndû wa gwîtîkia na wîra ûrîa mûrutîte nîûndû wa wendani wenyu. Natue nîtûririkanaga ûrîa mûtaanatigithîria kwîrîgîrîra Mwathani wetû Jesû Kristû.

1Ath 2:19

Mue nî mue mwîrîgîrîro wetû, gîkeno gîetû na nthûmbî îrîa tûgetîîa nayo rîrîa Mwathani wetû Jesû Kristû agaaûka.

1Ath 3:13

Na njîra îo Mwathani akamûva vinya namue nîmûkethîrwa mûrî atheru na mûtarî na ûcuke mbere ya Ngai îthe wetû rîrîa Mwathani wetû Jesû agaaûka na andû ake onthe.

Ahib 6:15

Iburahimu nîwekarire etererete, kwoguo nîwamûkîre kîrîa Ngai aamwîrîrîte.

Jakuvu 4:11

Ariû na aarî a îthe wetû, tigagani gûcambania. Mûndû ûrîa ûcambagia mûkristiano ûrîa wîngî kana akamûtuîra, nî acambagia watho na agaûtuîra. Mûndû ûtucagîra watho, ndawathîkagîra nwatî nîatuîkaga mûtucanîri.

Jakuvu 5:10

Ariû na aarî a îthe wetû, taririkanani arathi arîa maaririe na rîîtwa rîa Mwathani. Moceni ta kîonereria gîa gûkirîrîria na kûmîrîria mathîna.

Jakuvu 5:3

Thaavu cienyu na sîlûva cienyu nî ndotu, naguo ûrotu ûyû ûkethîrwa ûrî ûira wa kûregana namue na ûrîe mîîrî yenyu îthire takwa îvîvîtue na mwaki. Mwîigîrîte ûtonga mîthenyarî îno ya mûthiia.

2Pet 3:4

makiugaga atîrî, “Na kinthî ndaamwîrire nîagaaûka? Arî kû rîu? Nîûndû kuuma wa rîrîa methe metû ma tene maakwire, kwîthîrîtwe gwîkariî wa ta ûrîa gwekariî kuuma wa Kîammbîrîria gîa kûmbwa kwa nthî!”