Jakuvu 5:5 - ÎVUKU RÎA ÛVORO MWARO

⁵ Mûtûûrîre wenyu gûkû nthî wîthîrîtwe wîcûrîtwe nî mîago na ikeno. Mwînoretie ta ndegwa yetererete mûthenya wa kûthînjwa.

Jakuvu 5:5 ပူးပေါင်းရင်းမြစ်များ

Thaburi 17:14

mvonokia na vinya waku we Ngai-Mûnene, kuuma kûrî andû arîa marî na indo cionthe irîa mendaga. Maverithie na îvera rîrîa ûmaigîrîte, ciana ciao irokinyîrwa nî îvera rîu, na rîkinyîre ciana cia ciana ciao!

Thaburi 73:7

Ngoro ciao itherûkaga waganu, na meciria mao mavangaga maûndû ma waganu.

Nthi 17:1

Nîkava kûrîa tûirio tûnini andû marî na thayû, gûkîra kûrîa kîrugo na andû marî na ngucanio.

Nthi 7:14

“Nî ndutire îtega ûmûnthî, na nîmvingirie mîvîtwa yakwa.

Mûvunjia 11:9

We mwanake kenagîra wîthî waku. Ngoro yaku nî îkenagîre wîthî waku. Îkaga ûrîa ngoro yaku îrenda. Nwatî ririkana atî Ngai nîagaagûtuîra nîûndû wa maûndû marîa monthe wîkaga.

Isaia 22:13

Vandû va ûguo, mwakenire na mûgîkûngûîra, nîmwathînjire ndegwa na ng'ondu, mûkîrîa nyama na mûkînyua ndivei. Nîmwaugire atîrî, “Tiga tûrîe na tûnyue, nîûndû rûyû nîtûgaakua.”

Isaia 3:16

Ngai-Mûnene augîte atîrî, “Aka a Zayuni marî mwîtîîo, mathiîcaga maûkîrîrîtie ciongo makîîroraroragia, makinyûkagia na mwîcaaro, makîgambagia njang'iri magûrû.

Isaia 47:8

“Kwoguo rîu thikîrîria we wendete gwîkenia, we wîkaraga ûtagûtangîka ûkîîraga na ngoro atî, ‘Nwanie tu na gûtirî wîngî tiga nie; ndigeekara ta mûndûmûka wa ndigwa, kana mbîgua ruuo rwa gûkuîrwa nî ciana.’

Isaia 56:12

Meranaga atîrî, “Ûkani tûgacarie ndivei; tigani tûnyue njovi tûvae! Rûyû rûkaavana wata ûmûnthî, na rûyû ûkethîrwa ûrî mûthenya mûnene makîria!”

Jeremia 12:3

Nwatî we Ngai-Mûnene nîûmbicî, we nîûnduîrîtie na ûkoona ûrîa ngwîciragia. Maguucie ta ng'ondu îvirîtwe kîthînjîrorî, maige nginya mûthenya ûrîa makaûragwa.

Jeremia 25:34

Mue arîthi rîrani mugîrîrîtie, îgaragarieni mûurî mue atongoria a ng'ondu, nîûndû mîthenya yenyu ya kûthînjwa na kûnyaganua nîmîkinyu, mûkaûragwa ta ndûrûme irîa ithuurîtwe.

Ezek 16:49

Îvîtia rîa mwarwanyûkwe Sodomu nî atî, ke na erîtu ake maarî etîi, maarî na irio cia kwîgana na nîmeganîrîte, nwatî matiatethagia andû arîa maarî athîni na avatari.

Ezek 39:17

Ngai-Mûnene nîwambîrire atîrî, “We mûndû, îra iconi cia mîthemba yonthe na nyamû cionthe cia kîthakarî igomane vamwe kuuma mîena yonthe ciûke kîgongoonarî kîrîa nîithondekerete. Gîkethîrwa kîrî kîrugo kînene mûno irîmarî cia Isiraeli, na nîkuo ikaarîa nyama na inyue nthakame.

Amosi 6:1

Kaî arîa mekaraga Zayuni magangarîte marî na thîna-î, na arîa megucaga marî agitîre marî kîrîmarî gîa Samaria, mue atongoria a rûrîrî rûnene rwa Isiraeli, kûrîa andû mathiîcaga gûcaria ûtethio!

Luka 16:19

“Vîndî îmwe kwarî na mûndû warî mûtongu mûno na wekagîra nguo cia goro cia rangi ya njambarawe. Nake mûndû ûcio atûûraga na mîkarîre ya goro mûno mîthenya yonthe.

Luka 16:25

“Nwatî Iburahimu nîwamwîrire atîrî, ‘Mwana wakwa, taririkana atî kavinda karîa warî mwoyo nîwavetwe maûndû monthe maro, nake Lazaro akavewa maûndû monthe macûku. Nwatî rîu Lazaro arî gîkenorî nawe ûrî mathînarî.

Aroma 13:13

Nîtwîthagîrwe tûrî na mîtugo mîaro ta andû arîa mathiîcagîra ûtherirî. Tûtikethagîrwe tûrî marugarî marîa mekagwa waganu wa ûrîu, kana ciîkorî cia ûûra nthoni, ûtharia, mbaara, kana wîru.

1Tim 5:6

Nwatî mûndûmûka wa ndigwa ûrîa ûtûûraga ekenagia na maûndû marîa eriragîria, nî mûkuû wana ethîrwa onekaga arî mwoyo.

2Tim 3:4

nîmagaatuîka acukanîrîri, arûgîrîri na etîi mûno. Nîmagaatuîka andû a kwenda maûndû marîa macûku vandû va kwenda maûndû marîa maro.

2Pet 2:13

Kwoguo nîmakaathînua nîûndû nîmatûmîte andû eengî mathînîke. Ûndû ûrîa ûmakenagia nî gwîka maûndû marîa makenagia mîîrî yao mûthenya cararûkû. Nîmatûmaga mûconoke na mûcambe rîrîa maûka marugarî menyu. Vîndî îo yonthe mûrî nao methagîrwa magîkenera mîtugo yao mîcûku.

Juda 1:12

Andû acio maticonokaga vîndî îrîa makûrîcanîra namue mekariî ta maroro ma gîko vîndî îrîa mûrî marugarî ma ngwatanîro. O merîthagia o ene tu. Mekariî ta matû matarî mbura, marîa mavurutagwa nî rûkûngi. Mekariî ta mîtî vîndî ya thano îrîa îtagîcaga na maciaro. Mekariî ta mîtî mîkûûre na îkaûma viû.

Kûguû 18:7

Mûve mathîna meengî na kîeva ciîgana ta riiri na ikeno irîa ke eeveere. Ke eeîraga atîrî, ‘Nie nî mûndûmûka mûthamaki! Nie ndirî mûndûmûka wa ndigwa, na ndikethîrwa na kîeva!’

1Sam 25:36

Abigaeli nîwacokire mûciî kûrî Nabali na nîwamwîthîre arî na kîrugo ta Kîam mûthamaki. Nabali aarî mûrîu wa ndivei mûno na arî mûkenu. Kwoguo Abigaeli ndaamwîra wanarî ûndû nginya kîraûko kîu kîngî.

1Sam 25:6

Ke nîwataarire anake acio makeere Nabali atîrî, “Daudi mûrataguo nîwagûkethia na nîarakûvoera thayû we mûnene, andû a mûciî waku na kîrîa kîonthe ûrî nakîo.