Jakuvu 5:4 - ÎVUKU RÎA ÛVORO MWARO

⁴ Mûtirîvîte mîcara wana îrîkû kûrî arîa maarutire wîra mîgûndarî yenyu. Tathikîrîriani mateta mao! Kîrîro Kîam arîa mamûkethagîra irio nî gîkinyîte matûûrî ma Ngai, Mwathani Mwene vinya wonthe.

Jakuvu 5:4 ပူးပေါင်းရင်းမြစ်များ

Kîam 4:10

Ngai-Mûnene nîwamûririe atîrî, “Wîkîte ûguo nîkî? Nthakame ya mûrwanyûkwe nîîrandîrîrîra îrî gûkû mûtheturî.

Ayubu 34:28

Kwoguo nîmaatûmire arîa athîni makaîra Ngai, nake Ngai nîweguire kîrîro Kîam arîa maavinyîrîrîtue.

Ayubu 7:2

Ekariî ta ngombo îgîcaria mwîgunyî, kana ta mûruti wîra etererete mûcara.

Thaburi 9:12

Nîûndû arîa maûragagwa Ngai-Mûnene nîamarîvagîrîria, ndariganagîrwa nî kîrîro Kîam arîa maranyarirîka.

Ntha 22:27

nîûndû îo nwayo nguo îrîa arî nayo ya gwîkunîkîra nayo. Mûndû ûcio angîîguîkire ndûî kîngî? Angîngaîra nîngaamwîgua nîûndû nîrî ntha.

Ntha 3:9

Nî ma nîmbîguîte kîrîro Kîam andû akwa na nîmonete ûrîa andû a Misiri maramavinyîrîria.

Isaia 1:9

Kethîrwa Ngai-Mûnene mwene vinya wonthe ndaatigaria andû anini gatagatîrî getû, tûngîathirirue ta andû a Sodomu na Gomora.

Isaia 5:7

Nîûndû mûgûnda wa Ngai-Mûnene mwene vinya wonthe nî nyomba ya Isiraeli. Andû a Juda nîo mîthavibu mîaro îrîa aavandire; eevokaga nîmagwîka ûrîa kwagîrîrîte, nwatî vandû va ûguo, nîmaûraganîte; eevokaga nîmakwîthîrwa marî athingu, nwatî vandû va ûguo nîmaatûmire kûgîe na kîrîro.

Isaia 5:9

Nîmbîguîte Ngai-Mûnene mwene vinya wonthe akiuga atîrî, “Nama nyomba nyîngî igaatigwa irî ntheri, nyomba nene na mbaro itarî na andû a gwîkara kuo.

Jeremia 22:13

“Kûgwatwa nî thîna nî mûndû, ûrîa ûtumaga nyomba yake na njîra îtagîrîrîte, na agekîra ngorova atarî na kîvooto. Andîkaga andû mamûrutîre wîra na ndamarîvaga.

Alawi 19:13

“Mûtikanavinyîrîrie mûndû ûrîa wîngî kana mwîe kîndû gîake. Ethîrwa mûndû arîkanîrîte na mûndû ûrîa wîngî amûrutîre wîra nîguo amûrîve, mûndû ûcio ndagîrîrwe nî gûkinyia mûthenya ûcio wîngî atarî mûrîvu mûndû wake wa wîra.

Habakuku 2:11

Nîûndû nginya mathiga nîmanagîrîra marî rûthingorî, na mîgamba ya nyomba îgacokia mûgambo ûcio.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Mathaayo 9:37

Nake Jesû nîwacokire akîîra arutwa ake atîrî, “Maketha nî meengî nwatî aruti wîra nî anini.

Luka 18:7

Na kinthî ûguo twaguo Ngai atethagia andû ake arîa mamûvoyaga ûtukû na mûthenya? Anga Ngai nwa arege kûmatethia na îvenya?

Aroma 9:29

Nwa ta ûrîa mûrathi Isaia augire vau mbere atîrî, “Tiga nîkwa Mwathani Mwene Vinya wonthe aatûtigarîrie njiarwa imwe, tûngîathirirue viû ta matûûra ma Sodomu na Gomora.”

Gûco 15:9

Mûtikarege kûmûkovithia atî nîûndû mwaka wa kûrekanîra mathiirî ûrî vakuvî. Mûtikareke ûndû mûcûku ta ûcio ûtonye meciriarî menyu. Mûngîrega gûkovithia mûndû ûcio, nwa arîrîre Ngai-Mûnene nîûndû wenyu, na mûtuîrwe atî nî mwîvîtie.

Akol 4:1

Mue athani, îkagani ngombo cienyu maûndû marîa marî na kîvooto na waragania. Menyagani atî wa namue mûrî na Mwathani îgûrû.