Jakuvu 5:19 - ÎVUKU RÎA ÛVORO MWARO

¹⁹ Ariû na aarî a îthe wetû, ethîrwa gatagatîrî kenyu nîkûrî mûndû wana ûmwe ûûrîte akauma ûvororî wa ma nake mûndû wîngî akamûcokia,

Jakuvu 5:19 ပူးပေါင်းရင်းမြစ်များ

Thaburi 119:118

Ndwîtîkagîra andû onthe arîa matiganagîria mawatho maku, wara ûcio wao mûcûku nîwa mana.

Thaburi 119:21

We Ngai-Mûnene nîûgûkagia andû arîa etîi na arîa arume, acio matiganagîria maathani maku.

Nthi 19:27

Mwana wakwa ûngîrega kûrûmîrîra mataaro, nîrîo ûkaaûrîra maûndû ma ûûgî.

Isaia 3:12

Andû akwa makaavinyagîrîrua nî ciana na aka mamathage. Mue andû akwa, atongoria enyu nî maramûvîtithia, makamwagagia nîguo mûvîtie njîra îrîa mûkûthiîra.

Ezek 34:16

“Ng'ondu irîa ciûrîte nîngaaicaria, na irîa inyaganîtie nîngaaicokanîrîria vamwe. Irîa ikûthua nîngaaciova na mbîkîre vinya irîa itarî na vinya. Nwatî irîa noru na irî na vinya nîngaaicûkangia nîûndû nie ndîthagia na kîvooto.

Ezek 34:4

Mûtimenyagîrîra irîa itarî na vinya kana mûvonia irîa ndwaru. Mûtiovaga irîa ikûthua kana mûcokanîrîrie vamwe irîa inyaganîtie kana mûcaria irîa ciûrîte. Mûvûthagîra vinya gûciatha.

Mathaayo 18:15

“Ethîrwa Mûrwanyûkwe nwa akûvîtîrie, thiî ûmwîre mavîtia make mûrî aîrî tu. Ke angîkûthikîrîria, nîmwacokanîrîra.

Luka 22:32

Nwatî we Simoni, nie nîrîmûkûvoeru nîguo wîtîkio waku ndûkenyenyue. Na wanjokerera ûgeekagîra aa mûrwanyûkwe vinya.”

Agal 6:1

Ariû na aarî a îthe wetû, mûndû ûmwe wa gîkundi kîenyu angîka ûndû mûcûku, mue arîa matongoragua nî Roho nîmwagîrîrwe nîkûmûrûnga na njîra ya thayû. Îîmenyagîrîreni mue ene nîguo mûtikagwe mageriorî.

1Tim 6:10

Nîûndû wendi wa mbeca nîkîo kiumo Kîam maûndû marîa macûku monthe. Andû amwe matiganîrîtie wîtîkio wao nîûndû wa kwenda mbeca mûno na makagîa na ûrûrû na kîeva kîîngî ngororî ciao.

1Tim 6:21

Andû amwe maugaga atî marî na ûmenyo ûcio na kwoguo magatiganîria wîtîkio ûrîa wa ma. Wega wa Mwathani ûroekara namue muonthe.

2Tim 2:18

Andû aya nîaumu ûvororî wa ma, nîûndû mavunjagia atî ûvoro wa kûriûka nîwavîtûkire, kwoguo magacûkia wîtîkio wa andû amwe.

Ahib 5:2

Na nîûndû ke ethagîrwa atarî na vinya maûndûrî mengî, nîavotaga gûkirîrîria andû arîa matarî na ûmenyo na arîa mavîtagia.

Jakuvu 1:16

Arata akwa ende, mûtikaaveenue!

Jakuvu 1:19

Arata akwa ende, ririkanagani maûndû mama! Mûndû wa wonthe nîaviûvage kwîgua, nwatî ndakaviûvage kwaria kana kûrakara.

Jakuvu 3:14

Nwatî ethîrwa ngororî cienyu mûrî na wîru, ûrûrû na wîyendi, mûtigetîîe na ûûgî wenyu, nîûndû mweka ûguo nî mûreganîte na ûma.

Jakuvu 5:20

ririkanani atîrî, mûndû wa wonthe ûgarûraga mwîvia akamûruta njîrarî îrîa njûku nîakaavonokia mwoyo wa mwîvia ûcio kuuma kûrî gîkuû na nîagaatûma mevia meengî movanîrwe.

2Pet 3:17

Nwatî mue arata akwa ende nîmûrîkîtie kûmenya ûguo. Kwoguo îîmenyagîrîreni mûtikaume wîtîkiorî ûcio wenyu ûrîa mwîkindîrîtie nîûndû wa kûvîtithua nî andû arîa mareganaga na watho.

Juda 1:11

Na kaî o marî na thîna-î! Marûmagîrîra mîtugo ta îrîa yarî ya Kaini. Nîûndû wa kwenda mbeca, nîmetonyetie mavîtiarî wata marîa Balaamu eekire. Nao nî aremi wata Kora na makaathirua wa take.