Jakuvu 5:15 - ÎVUKU RÎA ÛVORO MWARO

¹⁵ Namo mavoya mau mangîvowa na wîtîkio nîmakûvonia mûndû ûcio ûrwarîte na Mwathani acokerie mûndû ûcio ûgima wake wa mwîrî. Na ethîrwa mûndû ûcio nîwîtîkîtie nîakwoverwa mevia make.

Jakuvu 5:15 ပူးပေါင်းရင်းမြစ်များ

Isaia 33:24

Gûtirî mûndû ûkaauga rîngî atîrî, “Nie nîrî mûrwaru.” Andû onthe arîa matûûraga kûu nîmagaakirîrîrua mevia mao.

Mathaayo 17:20

Nake Jesû nîwamacokerie atîrî, “Nîûndû mûrî na wîtîkio mûnini. Nîramwîra na ma atî mwethîrwa mûrî na wîtîkio wîgana ta vîndî ya mûtî wa karatarî, nwa mwîre kîrîma gîkî atîrî, ‘Uma ava na ûthiî vaarîa,’ na nwa kîthiî; na gûtirî ûndû ûkaamûrema. [

Johana 5:14

Vuva wa ûguo, Jesû nîwethîrîrie mûndû ûcio hekarûrî na akîmwîra atîrî, “Nîwona, rîu we nîwavona. Tiga kwîvagia nîguo ndûkone ûndû wîngî mûcûku makîria ya ûyû.”

Johana 6:39

Naguo wendi wa ûrîa wandûmire nî atî nie ndiagîrîrwe nî gûta mûndû wana ûmwe wa arîa amveere, nwatî mbagîrîrwe nîgûkaamariûkia onthe mûthenya wa mûthiia.

1Akor 1:21

Kûringana na ûûgî wake, Ngai nîwatûmire andû matikaamûmenye na njîra ya ûûgî wao. Vandû va ûguo, na njîra ya ndûmîrîri îo îtucagwa ya “ûrimû” îrîa tue tûvunjagia, Ngai nîwatuire atî nîakaavonokia arîa mamwîtîkîtie.

2Akor 4:14

Nîtwîcî atî Ngai ûrîa wariûkirie Mwathani Jesû nî agaatûriûkia vamwe na Jesû na atwige tûrî vamwe namue mbere yake.

Jakuvu 1:6

Nwatî nwanginya etie arî na wîtîkio na atarî na nganja. Mûndû wa wonthe ûgîcaga na nganja ekariî ta ndivû cia manjî ma îria irîa cikanagua na ivurutanagua nî rûkûngi.

Jakuvu 5:13

Nîkûrî mûndû wana ûmwe gatagatîrî kenyu wî na mathîna? Nîwagîrîrwe nî kûvoya. Nîkûrî na mûndû wana ûmwe gatagatîrî kenyu wî na gîkeno? Nîwagîrîrwe kwina nyîmbo cia ûkumio.

Jakuvu 5:16

Kwoguo umbûranagîrani mevia menyu na mûvoyanagîre nîguo mue mûvonue. Mavoya ma mûndû mûthingu nîmethagîrwa na ûvoti mûnene.

Jakuvu 5:20

ririkanani atîrî, mûndû wa wonthe ûgarûraga mwîvia akamûruta njîrarî îrîa njûku nîakaavonokia mwoyo wa mwîvia ûcio kuuma kûrî gîkuû na nîagaatûma mevia meengî movanîrwe.