Jakuvu 4:17 - ÎVUKU RÎA ÛVORO MWARO

¹⁷ Mûndû wa wonthe wîcî ûndû mwaro ûrîa agîrîrwe nî gwîka, nwatî ndawîkaga, nî evagia.

Jakuvu 4:17 ပူးပေါင်းရင်းမြစ်များ

Johana 13:17

Rîu nîûndû nîmwamenya maûndû mama, mûkaarathimagwa ethîrwa mûkaamekaga!

Johana 15:22

Angîthîrwa ndiamava ndûmîrîri yakwa, matingîatuirwe evia. Nwatî rîu matirî na kîîgwatio atî matirî na mevia.

Johana 9:41

Nake Jesû nîwamacokerie atîrî, “Mûngîrî atumumu mûtingîrî na ûcuke, nwatî nîûndû mugaga nîmûvotaga kwona, ûguo nî kuga atî mûrî na ûcuke.”

Aroma 1:32

Nîmaicî atî Watho wa Ngai ugîte atî arîa onthe mekaga maûndû ma waganu magîrîrwe nî gûkua. Nwatî nîmathiîcaga na mbere na kûmeka na kûgathîrîria andû arîa mekaga maûndû ta mau.

Aroma 7:13

Ûguo nî kuga atî ûndû mwaro wandetere gîkuû? Naarî! Nî mevia maatonyire kûrî ûndû ûrîa mwaro nîguo mandetere gîkuû. Ûndû ûyû wekîkire nîguo mevia meyonanie nama ûrîa mekariî. Kwoguo na njîra ya rîathani mevia nîmonekaga marî macûku mûno.

2Pet 2:21

Wana nî kava matangîamenyete njîra ya ûthingu, gûkîra kûmîmenya na magacoka makavuvatîra maathani matheru marîa maaverwe.