Jakuvu 3:2 - ÎVUKU RÎA ÛVORO MWARO

² Mavinda meengî tuonthe nîtûvîtagia. Nwatî mûndû ûrîa ûtavîtagia akîaria, nîmûkinyanîru na nîavotaga kûmenyerera mwîrî wake wonthe.

Jakuvu 3:2 ပူးပေါင်းရင်းမြစ်များ

1Atha 8:46

“Andû aku mangîgakwîvîria (nîûndû gûtirî mûndû ûtevagia) nawe ûtûmbwe nî marûrû na ûmarekererie kûrî nthû ciao imavoote na imatave marî mîgwate na imavire vûrûrirî wacio, ûrî kûraca kana gûkuvî;

2Maû 6:36

“Vîndî îrîa andû aku magaakwîvîria nîûndû gûtirî mûndû ûtevagia, nawe ûrakare na ûmarekererie mavootwe nî nthû ciao na matavwe mavirwe vûrûri wîngî ûrî kûraca kana gûkuvî,

Ayubu 15:13

Nginya ûkaregana na Ngai, na ûkaaria ciugo njûku ta icio?

Thaburi 34:13

Tiga kwaragia maûndû marîa macûku, na ûtige kwaragia maveeni.

Thaburi 39:1

Nînaugire atîrî, “Ngaamenyagîrîra mîthiîre yakwa, nîguo rûrîmî rwakwa rûtigatûme njîvie. Ndikaavingûra kanyua gakwa, rîrîa andû arîa aganu marî vakuvî.”

Nthi 10:19

Mîario mîîngî ndîturaga mavîtia, nwatî mûndû mûûgî ndaragia mûno.

Nthi 13:3

Mûndû ûrîa ûmenyagîrîra mîario yake nîagitagîra mwoyo wake. Mûndû ûrîa ûtamenyagîrîra mîario yake ecûkangagia ke mwene.

Nthi 20:9

Nû ûngiuga nama atî thamiri yake nî ntheru, na atî ndarî na mevia?

Nthi 21:23

Mûndû ûrîa ûmenyagîrîra ûrîa akwaria, nîaûragîra thîna.

Mûvunjia 7:20

Nama gûtirî mûndû mûthingu gûkû nthî ûrîa wîkaga maûndû maro na ndevagia.

Isaia 64:6

Tue tuonthe tûtuîkîte ta andû marî na mûgiro; na ciîko cietû cionthe mbaro ciîkariî ta nguo îrî na gîko. Tuonthe tûûmaga ta mathangû, namo mevia metû matûgûrûkagia ta rûkûngi.

Alawi 13:39

mûthînjîri-Ngai nîakaaroria mûndû ûcio. Angîona kûndû kûu kûrî na rangi njerû îrî nthitu, ûcio tî mûrimû mûcûku wa ngothi, mûndû ûcio nî mûtheru.

Mathaayo 12:34

Mue rûciaro rwa njoka, mûngîvota atîa kwaria maûndû maro na mûrî andû acûku? Kanyua karagia maûndû marîa mecûrîte ngororî.

Mathaayo 12:37

Ciugo ciaku nîcio igaatûmîrwa gûgûtuîra wî mûndû mwaro kana wî mûndû mûcûku.”

Aroma 3:10

Wata ûrîa mandîko matheru maugîte atîrî: “Gûtirî mûndû mûthingu.

Aroma 7:21

Kwoguo monaga watho ûyû ûkîruta wîra nîûndû rîrîa ngwenda gwîka waro, ûndû ûrîa nthuuraga gwîka nî ûrîa mûcûku.

1Akor 9:27

Ndukaga mwîrî wakwa ngaûtua ngombo yakwa nîguo nie mwene ndigatuîke wa kûregwa vuva wa kwîthîrwa mvunjîrîtie andû arîa engî.

Agal 3:22

Nwatî mandîko matheru maugaga atî andû onthe a nthî marî rungu rwa vinya wa mevia. Kwoguo kîveo kîrîa kîranîrîtwe nî ûndû wa gwîtîkia Jesû Kristû nîkîvecanagwa kûrî andû arîa metîkîtie.

Agal 5:17

Nîûndû merirîria ma mwîrî nîmareganîte na wendi wa Roho, naguo wendi wa Roho nîûreganîte na merirîria ma mwîrî. Mwîrî na Roho nîireganîte. Kwoguo mûtingîvota gwîka wa ûrîa mûkwenda.

Akol 1:28

Kwoguo nîtwanagîrîra kûrî andû onthe ûvoro wîgiî Kristû. Nîtûmataaraga na tûkamathomithia tûgîtûmagîra ûûgî wonthe ûrîa tûrî naguo nîguo tûmarete mbere ya Ngai marî agima na marî na ngwatanîro na Kristû.

Akol 4:12

Epafara ûrîa umîte kûu kwenyu nîwamûkethia. Ke nî ndungata ya Jesû Kristû na nîamûvoyagîra mûno vîndî cionthe, atî mwîkarage mûrî agima na mûtarî na nganja wîtîkiorî wenyu na mûkîathîkagîra wendi wa Ngai.

Ahib 13:21

Ngai mwene thayû aromûva indo cionthe mbaro irîa mûvatarîte nîguo mwîkage wendi wake. Na njîra ya Jesû Kristû arotwîka ûndû ûrîa ûmûkenagia. Nake Kristû arokumagua tene na tene. Ameni!

Jakuvu 1:26

Mûndû wa wonthe wîciragia nî wa ndini na ndamenyagîrîra rûrîmî rwake, ndini yake nî ya mana na nî kwîveenia eveenagia.

Jakuvu 1:4

Tigani kûmîrîria kwenyu kûmûtongoragie maûndûrî monthe mûtakûgwa, nîguo mwîthagîrwe mûrî akinyanîru na mûrî agima na mûtarî na kîndû mûturîte.

Jakuvu 2:10

Mûndû ûrîa unîte rîathani rîmwe, nîatucagîrwa atî ke nî unîte maathani monthe.

1Pet 3:10

Mandîko Matheru maugîte atîrî: “Mûndû wa wonthe wendete mwoyo wake, na wendaga gûtûûra akenete, nwanginya atige kwaragia maûndû macûku, na atige kwaragia maveeni.

1Pet 5:10

Nwatî mwona mwarîkia kûthînua kwa îvinda rînini, Ngai mûvecani wa mawega monthe ûrîa ûmwîtaga nîguo mûtuîke agai a riiri wa tene na tene mûrî rûmwe na Kristû nîakaamûtua akinyanîru. Ke nîagaatûma mwîkare mûrî ekindîriu, mûrî na vinya na mûrî na mûcingi ûrîa wa ma.