Jakuvu 3:17 - ÎVUKU RÎA ÛVORO MWARO

¹⁷ Nwatî mbere ya maûndû monthe, ûûgî ûrîa uumaga îgûrû nî mûtheru, nî wa thayû, ûvoreri na wendani. Ûûgî ûcio wîcûrîtwe nî ntha na nîûciaraga maciaro ma ciîko mbaro, ndûrî kîmenyano na ndûrî ûvinga.

Jakuvu 3:17 ပူးပေါင်းရင်းမြစ်များ

1Atha 3:12

rîu nîngûkûva kîu wavoya. Nîngûva ûûgî mwîngî na ûmenyo, ûrîa ûtaanethîrwa ûrî na mûndû wîngî kana ûkeethîrwa ûrî na mûndû wîngî vuva waku.

1Atha 3:28

Rîrîa andû a Isiraeli meegwire ûrîa Mûthamaki Solomoni aatwire ciira ûcio, nîmaamûtîire mûno nîûndû nîmaamenyire atî Ngai nîwamûvete ûûgî wa gûtua ciira na kîvooto.

1Atha 3:9

Kwoguo mva ûûgî ûrîa mvatarîte nîguo mvote gûtongoria andû aku, na mvotage gûkûûranagia maûndû maro na maûndû macûku, nîûndû nîûrîkû ûngîvota gûtongoria andû aya aku eengî ûguo?”

1Maû 22:12

Arokûva ûûgî na ûmenyo nîguo rîrîa agaagûtua mûthamaki wa Isiraeli ûkaathana kûringana na watho wa Ngai-Mûnene, Ngai waku.

1Maû 22:9

Ngai-Mûnene nîwambîrire atî, nîngaagîa na mwana wa kavîcî na akethîrwa arî mûndû wa thayû. Nîakaagîa na thayû kuuma kûrî nthû ciake cionthe irîa ikethîrwa imûthiûrûrûkîrîtie. Rîîtwa rîake ageetagwa Solomoni na nîakaava Isiraeli thayû rîrîa akethîrwa arî mûthamaki.

Ayubu 28:12

“Nwatî ûûgî ûngîoneka kû? Ûtaûku ûngiuma kû?

Ayubu 28:23

“Ngai tu nîke wîcî njîra ya ûûgî, nîke wîcî kûrîa uumaga.

Ayubu 28:28

Ngai nîwacokire akîîra mûndû atîrî, “Taroria! Gwîtigîra Ngai nîguo ûûgî, na kwîthema waganu nîguo ûmenyo.”

Ntha 36:2

Musa nîwetire Bezaleli, Oholiabu na andû onthe arîa maarî na wara na maavotithîtue nî Ngai-Mûnene, na maarî na wendi wa gûtethia na akîmeera mambîrîrie kûruta wîra.

Nthi 2:6

Nîûndû Ngai-Mûnene nîke ûvecanaga ûûgî; ûmenyo na ûûgî umaga kûrî ke.

Isaia 2:4

Ngai nîagaatuithania ciira gatagatî ka mavûrûri, na nîakeguîthania ndûrîrî nyîngî; magaatura mviû ciao cia njûra ituîke macembe ma mîraû, namo matumû mao matuîke tûviû twa gûcaa. Vûrûri ndûkaarûa na vûrûri ûrîa wîngî, kana merute kûrûa rîngî.

Isaia 32:6

Nîûndû irimû ciaragia ûrimû, na meciria ma cio mavangaga maûndû macûku. Mekaga maûndû matarî ma ûngai, maragia maûndû ma gûcambia Ngai-Mûnene. Matigaga andû arîa avûtu matarî avau, na makaima arîa anyondu gîa kûnyua.

Isaia 40:11

Akaarîthia ndîthia yake ta mûrîthi, agaacokanîrîria tûgondu na njara ciake, na atûkuue atuigîrîrîte kîthûrirî gîake, na atongorerie ng'ondu irîa irongithia wa kavora.

Danieli 1:17

Ngai nîwavere anake aya ana ûtaûku na wara kîthomorî na ûgîîrî wao. Îgûrû rîa mau, nîwavere Danieli kîveo gîa gûtaûra cioneki na iroto.

Malaki 2:9

Kwoguo nîndûmîte mûnyararwe na mwagithue kîene mbere ya andû onthe a Isiraeli nîûndû mûtiarûmîrîra njîra ciakwa, nwatî mwîthîrîtwe mûkîthomithia watho na njîra ya kîmenyano.”

Malaki 3:3

Ke agaûka gûtûtuîra ta mûndû ûrîa ûthambagia na akatheria sîlûva. Nîakaatheria njiarwa cia Lawi, ta mûndû ûrîa ûtheragia thaavu kana sîlûva, nginya rîrîa makarutîra Ngai-Mûnene îgongoona rîrîa rîngîtîkîrîka.

Mathaayo 23:28

Ûguo nwa ta guo wa namue mwonekaga mûrî aro nî andû onthe, nwatî na kûu ndaarî mwîcûrîtwe nî ûvinga na mevia.

Mathaayo 5:8

Kûrathimwa nî arîa atheru ngoro, nîûndû nîmakoona Ngai!

Mathaayo 5:9

Kûrathimwa nî arîa matethagîrîria arîa engî gwîkara na thayû, nîûndû nîmagetagwa ciana cia Ngai!

Luka 21:15

Nîûndû nie nîngaamûva mîario na ûûgî ûrîa gûtarî nthû yenyu wana îmwe îngîvota kûregana naguo kana gûûkararia.

Luka 6:36

Kwoguo îgucanagîrani ntha wata ûrîa îthe wenyu amwîgucagîra ntha.

Johana 1:14

Kiugo nîwatuîkire mûndû na agîtûûrania natue ecûrîtwe nî wega na ûma. Natue nîtwonire riiri wake, riiri ûrîa Ngai aaveere Mûriû wake wa mûmwe.

Johana 1:47

Rîrîa Jesû oonire Nathanieli athiîte kûrî ke nîwaririe ûvoro ûmwîgiî na akiuga atîrî, “Taroriani mwone Mûisiraeli wa ma, na ndarî ûcuke!”

Ciîko 9:36

Nakuo îtûûrarî rîa Jopa nîkwarî na mûndûmûka mwîtîkia wetagwa Tabitha. (Rîîtwa rîu rîake na Kîngiriki nî Dorokasi, na nî ta kuga “nthiia.”) Nake nîwamenyerete gwîkaga ciîko mbaro na gûtethagia athîni.

Aroma 12:18

Geragiani mûno wa ûrîa mûngîvota gûtûûrania na andû onthe mûrî na thayû.

Aroma 12:9

Nwanginya wendani wenyu ûtuîke wa ma. Menani ûndû ûrîa mûcûku na mûnyitie na vinya maûndû marîa maro.

Aroma 15:14

Ariû na aarî a îthe wetû, nie mwene nîmbicî na ma atî nîmwîcûrîtue nî wega na ûmenyo na atî nîmûvotete kûthomithania mue ene.

1Akor 12:8

Roho nîavecaga mûndû ûmwe ndûmîrîri îcûrîte ûûgî, na Roho wa ûcio akava mûndû wîngî ndûmîrîri îcûrîte ûmenyo.

2Akor 10:1

Nie Paûlo nie mwene monekaga nîrî mwînyivia na mûvoreri rîrîa tûrî vamwe namue na mbîthagîrwa nîrî na ûcamba rîrîa tûtarî vamwe namue, nîramûthaitha nîrî na ntha na wega wa Kristû.

2Akor 6:6

Na njîra ya ûtheru wetû, ûmenyo, ûkirîrîria, kwîgucanîra ntha, nîtwîyonanîtie atî tûrî ndungata cia Ngai. Twîkîte ûguo na njîra ya Roho Mûtheru, wendani wetû wa ma, na

2Akor 7:11

Nîûndû ûcio taroriani ûrîa Ngai eekire nîûndû wa kîeva kîenyu. Kîeva kîu nîgîatûmire mûgîe na kîîo, gîgîtûma mwende kwonania atî mûtiarî na mavîtia, gîgîtûma mûrakare na mwîtigîre. Nîgîatûmire mwende kûmona, kwîrutîra na kwenda kwona gûgîkwa ûrîa kwagîrîrîte. Nîmwonanîtie atî mûtirî na mavîtia maûndûrî monthe.

2Akor 9:10

Ngai ûrîa ûvecaga mûrîmi mbeû ya kûvanda na akamûva mûgate wa kûrîa, nwake ûkaamûva mbeû îrîa mûvatarîte. Nîûndû wa ûtaana wenyu Ngai nîagaatûma mbeû îo îkûre na îngîvie maketha.

Aefeso 5:9

nîûndû ûtheri nîguo ûretaga maûndû monthe maro, ma ûthingu na ma ma.

Afil 1:11

Nayo mîtûûrîre yenyu îkeethagîrwa îcûrîtwe nî maûndû maro marîa maumanaga na ûthingu ûrîa ûvecanagwa nî Jesû Kristû tu nîûndû wa riiri na ngumo ya Ngai.

Afil 4:8

Ngîrîkîrîria Ariû na aarî a îthe wetû, îcirieni ûvoro wîgiî maûndû marîa maro na mangîgathîrîrua: maûndû marîa ma ma, matîîku, ma kîvooto, matheru, ma kwendeka na ma ûvoreri.

Akol 1:10

Namue mûkaavotaga gûtûûra ta ûrîa Mwathani endaga na mûgeekaga maûndû marîa makenagia Mwathani vîndî cionthe. Namue mûkaagîcaga na maciaro maro maûndûrî monthe marîa mûgekaga na mûgakîragîrîria kûmenya Ngai.

1Ath 2:7

Wana ethîrwa nîtûngîekire ûguo na wathani wetû ta atûmwa a Kristû. Nwatî twekaranirie namue tûrî na ûvoreri wata ûrîa ng'ina wa ciana amenyagîrîra ciana ciake.

1Tim 5:21

Nîrî mbere ya Ngai na ya Jesû Kristû na mbere ya araika atheru, nîrakwatha ûvingagie maûndû mau nakwîra ûtagûcagûrania kana kîmenyano.

2Tim 2:24

Ta ndungata ya Mwathani ndwagîrîrwe nî kwîthîrwa ûrî wa înegene, nwatî wagîrîrwe nî kwîthîrwa ûrî mûndû wa ntha kûrî andû onthe, ûrî mwarimû mwaro na mûkirîrîria.

Tito 1:15

Indo cionthe nî ntheru kûrî andû arîa atheru. Nwatî kûrî andû arîa aganu na matetîkîtie gûtirî kîndû kîtheru nîûndû meciria mao na thamiri ciao nî ino nthûkangie.

Tito 3:2

Merage matikaragie ûcûku wa mûndû wana ûrîkû, nwatî methagîrwe marî na thayû na mendanîte na monanagie ûvoreri kûrî andû onthe.

Ahib 12:11

Tûtikenaga rîrîa tûkûverithua nîûndû nîtwîgucaga ûrûrû. Nwatî arîa maverithagua na makaûmîrîria nîmagîcaga na kîveo Kîam ûtûûro wa thayû na ûthingu.

Ahib 12:14

Geragiani kwîthîrwa mwîgucanîte na andû onthe na mûgeragie gûtûûra ûtûûro mûtheru, nîûndû mûndû ûtarî naguo ndakoona Mwathani.

Jakuvu 1:17

Gîîko wa kîonthe Kîamro na kîveo wa kîonthe gîkinyanîru kiumaga îgûrû. Kînyûrûrûkaga kiumîte kûrî Ngai mûmbi wa motheri ma îgûrû, ûrîa ûtagarûrûkaga ta iruru cia motheri ma îgûrû.

Jakuvu 1:5

Nwatî ethîrwa nîkûrî na mûndû wana ûmwe wa cienyu ûtarî na ûûgî, nîwagîrîrwe nîgwîtia Ngai ûrîa ûvecaga andû onthe arî na ûtaana na ûtugi.

Jakuvu 2:13

Nîûndû Ngai ndakeegua ntha agîcirithia andû arîa mategucanagîra ntha, nwatî mûndû ûrîa wîgucanagîra ntha ndageetigîra îtuîro.

Jakuvu 2:4

Mue mûrî na mavîtia ma kwonania kîmenyano gatagatîrî kenyu na ma gûtucanîra cira mûrî na meciria macûku.

Jakuvu 3:15

Ûûgî ta ûyû tî ta ûrîa ûnyûrûrûkaga kuuma îgûrû, nwatî nî wa gûkû nthî na ndumanîte na Roho wa Ngai, umanîtie na ndaimono.

Jakuvu 4:8

Ûkani vakuvî na Ngai nake nîagûka vakuvî namue. Mue evia, îtherieni njara cienyu. Mue mvinga ino îtherieni ngoro cienyu!

1Pet 1:22

Rîu nîûndû nîmûtheretie mîoyo yenyu na njîra ya kwathîkîra ûma, nîmûvotete kwenda na ma aarî na ariû a îthe wetû. Kwoguo mûndû nî endage mûndû ûrîa wîngî na ngoro yake yonthe.

1Pet 2:1

Îîyaûreni maûndû monthe macûku, maveeni monthe, ûvinga wonthe, rwetho ruonthe na ciugo cionthe cia gûcambania.

1Pet 2:18

Mue ndungata nwanginya mwathîkagîre anene enyu na mûmavecage gîtîîo kîrîa kîmagîrîrîte. Mûtikathîkagîre wa arîa tu marî ntha na avoreri, nwatî athîkagîrani wana arîa mamûvinyagîrîria.

1Joh 3:18

Ciana ciakwa wendani wetû ndûgatuîke wa kanyua tu, nwatî nîwîthagîrwe ûrî wa ciîko na ûrî wa ma.

1Joh 3:3

Mûndû wa wonthe wîrîgîrîrîte Kristû nîethagîrwe arî mûtheru wata ûrîa Kristû arî mûtheru.