Jakuvu 2:8 - ÎVUKU RÎA ÛVORO MWARO

⁸ Watho wa Ûthamaki ûrîa wonekaga mandîkorî matheru nî ûyû: “Enda mûndû ûrîa mûriganîtie nake wata ûrîa wîyendete we mwene.” Ethîrwa ûkaathîkagîra watho ûyû, we ûgekaga ûrîa kwagîrîrîte.

Jakuvu 2:8 ပူးပေါင်းရင်းမြစ်များ

1Atha 8:18

nwatî Ngai-Mûnene nîwamwîrire atî, ‘Wana ethîrwa nîwendeete kûndumîra hekarû, nîwekire waro nîûndû wa gwîciiria ûguo,

2Atha 7:9

Nîmaacokire makîrana atîrî, “Tûtireka waro! Twîna ûvoro mwaro na tûtiagîrîrwe nî gûkira naguo. Ethîrwa nîtweterera tûkaawaria kîraûko, nama nîtûkaaverithua. Tigani tûthiî wa rîu tûkere andû a nyomba ya mûthamaki ûvoro ûcio.”

Alawi 19:18

Mûtikerîvîrîrie kûrî mûndû ûrîa wîngî kana mûmûmena, nwatî endagani andû arîa engî wata ûrîa mwîyendete. Nie nînie Ngai-Mûnene.

Alawi 19:34

Îkagani ageni arîa mûtûûranagia nao wata ûrîa mwîkaga Aisiraeli arîa engî na mûmendage wata ûrîa mwîyendete. Ririkanani vîndî îmwe mwarî ageni vûrûrirî wa Misiri. Nie nînie Ngai-Mûnene, Ngai wenyu.

Jona 4:4

Nake Ngai-Mûnene nîwacokerie Jona atîrî, “Ûreciria nîûreka waro nîûndû wa kûrakara?”

Jona 4:9

Nwatî Ngai nîwerire Jona atîrî, “Kûrî na vata wa kûrakarîra kamûtî kau?” Nake Jona nîwacokirie atîrî, “Nîrî na kîvooto gîa kûrakara, kûrakara nginya ngerirîria gûkua!”

Mathaayo 22:39

Narîo rîathani rîa kaîrî rîrîa rîrî vata mûno ta rîu nî rîîrî, ‘Enda Mûndû ûrîa mûriganîtie nake wata ûrîa wîendete we mwene.’

Mathaayo 25:21

Nake mwathi wake nîwamwîrire atîrî, ‘Nîwîkîte waro we wî ndungata mbaro. Nîwîvokekete na tûindo tûnini, na kwoguo nîngûgûtua mûmenyereri wa indo nyîngî. Tonya tûkenanîre vamwe!’

Mathaayo 25:23

Nake mwathi wayo nîwamîrire atîrî, ‘Nîwîkîte waro. We wî ndungata mbaro na îîvokekete. Nîwîvokekete na tûindo tûnini. Nîngûgûtua mûmenyereri wa indo nyîngî. Tonya tûkenanîre vamwe!’

Mathaayo 7:12

“Kwoguo îkagani andû arîa engî ûrîa mûngîenda mamwîke, nîûndû ûguo nîguo kûthomithanîtue nî Watho wa Musa na arathi.

Aroma 13:10

Ethîrwa we nîwendete mûndû ndûngîmwîka naaî. Kwoguo kwendana nî kûvingia watho wonthe.

Agal 5:14

Nîûndû watho wonthe ûvingagua nî rîathani rîmwe rîrîa riugaga; “Enda mûndû ûrîa mûriganîtie nake wata ûrîa wîyendete we mwene.”

Agal 6:2

Kuuanagîrani mîrigo mûndû na ûrîa wîngî. Mweka ûguo, mûkethagîrwa mûkîathîkîra watho wa Kristû.

Afil 4:14

Nwatî nîmwekire waro nîûndû wa kûnyitanîra na nie mathînarî makwa.

1Ath 4:9

Gûtirî na vata ya kûmwandîkîra ûvoro wîgiî kwenda ariû na aarî a îthe wetû, nîûndû Ngai nîamûthomithîtie ûrîa mwagîrîrwe nî kwendana.

Jakuvu 1:25

Nwatî andû arîa mathomaga waro watho ûrîa mûkinyanîru na ûrutaga mûndû ûkomborî, nîaûrûmagîrîra na akavingia ûrîa ugîte na tî kûthikîrîria na akîriganîrwa nîguo, andû acio nî arathime maûndûrî monthe marîa mekaga.

Jakuvu 2:12

Kwoguo aragiani na mwîkage maûndû ta andû magaatuîrwa na njîra ya watho ûrîa ûrekagîrîria andû.

Jakuvu 2:19

Nîwîtîkîtie atî kûrî Ngai ûmwe tu. Ûguo nî waro! Ndaimono wana cio nîciîtîkîtie guo na nîcinainaga irî na guoya.

Jakuvu 4:11

Ariû na aarî a îthe wetû, tigagani gûcambania. Mûndû ûrîa ûcambagia mûkristiano ûrîa wîngî kana akamûtuîra, nî acambagia watho na agaûtuîra. Mûndû ûtucagîra watho, ndawathîkagîra nwatî nîatuîkaga mûtucanîri.

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.