Jakuvu 2:6 - ÎVUKU RÎA ÛVORO MWARO

⁶ Nwatî mûtitîîaga arîa athîni. Na kinthî itonga tîcio imûkinyagîrîria? Na kinthî twacio imûviraga îgootirî?

Jakuvu 2:6 ပူးပေါင်းရင်းမြစ်များ

Ayubu 20:19

nîûndû nîwavinyîrîrie ngîa na akîmatiganîria, na agîtava nyomba ataatumîte.

Thaburi 10:10

Andû arîa matarî vinya matharîkagîrwa na makagwîthua nthî, magwîthagua na vinya nî andû arîa aganu.

Thaburi 10:14

Nwatî we nîwonaga arîa marî na mathîna na mînyamaaro, na wîthagîrwa vîndî cionthe wîvarîrîtie kûmatethia. Andû arîa matarî vinya merekagîrîria njararî ciaku; we nîûtethagia athîni vîndî cionthe.

Thaburi 10:2

Andû arîa aganu metîîaga na makanyarira andû arîa athîni, marogwatwa nî mîvango yao mîcûku îrîa mavangîte.

Thaburi 10:8

Methithaga icagirî, metererete kûûraga andû matarî na mavîtia. Matuîragia andû arîa matarî na vinya,

Thaburi 12:5

Nwatî Ngai-Mûnene augîte atîrî, “Nîûndû andû arîa athîni nîavinyîrîrie, na andû arîa manyamaragua nî maracaa, nîngûmava ûgitîri ûrîa meriragîria.”

Thaburi 14:6

Andû arîa aganu nî macûkangagia mîvango ya andû arîa athîni, nwatî Ngai-Mûnene nîke ûmagitagîra.

Nthi 14:31

Mûndû ûrîa ûvinyagîrîria athîni nîarumaga Ngai ûrîa wamaûmbire, nwatî mûndû ûrîa wîgucagîra athîni ntha nîakumagia Ngai.

Nthi 17:5

Mûndû ûrîa ûthekagîrîra mûthîni ethagîrwa akîruma Ngai ûrîa waûmbire mûndû ûcio. Mûndû ûrîa ûkenaga rîrîa mûndû wîngî arî thînarî, nwanginya akaaverithua.

Nthi 18:23

Mûthîni avoyaga kîndû na wînyivia, nwatî gîtonga gîcokagia na rûtûrîko.

Nthi 22:16

Mûndû ûrîa ûvinyagîrîria mûthîni nîguo ongerere ûtonga wake kana akava itonga, ke mwene arîkagîrîria na kûthîna.

Nthi 22:7

Itonga ciathaga arîa athîni, ûrîa ûkombaga nî ngombo ya ûrîa ûkombithanagia.

Mûvunjia 5:8

Ndûkamake rîrîa ûkwona vûrûrirî atongoria makîvinyîrîria arîa athîni na makîmacuna ivooto ciao na maûndû ma ma. Mûtongoria wa wonthe ethagîrwa arî rungu rwa mûtongoria wîngî, nao oîrî methagîrwa marî rungu rwa atongoria engî.

Isaia 53:3

Nîyamenirwe na îkîregwa nî andû; aarî mûndû wî kîeva na ûrîîte thîna, na agatuîka wa kwîthithîrwa nî andû; nîwamenirwe na twamwonaga ta atarî kîndû.

Amosi 4:1

Tathikîrîriani kiugo gîkî, mue aka a Samaria mue mûnorete ta ng'ombe cia Bashani irîa ndîthie waro mûno. Mûnyamaragia athîni na mûkavinyîrîria arîa matarî kîndû na mûkera arûme enyu mamûretere ndivei mûnyue!

Amosi 5:11

Mue nîmûvinyagîrîria ngîa na mûkametia gooti ya ngano nyîngî gûkîra ûrîa magîrîrwe nî kûruta. Mwîtumîrîte nyomba cia mathiga ma kumia, nwatî mûtigaitûûra. Nîmûrîmîte mîgûnda mîaro ya mîthavibu nwatî mûtikaanyua ndivei ya thavibu icio.

Habakuku 3:14

Nîwarathire mûtongoria wao wa mbaara na mîguî, rîrîa athigari ake a mbaara maûkire ta kîvuvûkanio gûtûnyagania, magîtîîaga ûrîa makûthiria athîni marî kûrîa methithîte.

Zakaria 7:10

Mûtikaavinyîrîrie aka a ndigwa, ciana cia ndigwa, ageni arîa matûûraga kwenyu, na andû arîa athîni. Mûndû wana ûrîkû ndakavange ûndû mûcûku ûngîcûkia mûndû ûrîa wîngî.

Johana 8:49

Nake Jesû nîwamacokerie atîrî, “Nie ndirî na ngoma. Nie nîmvecaga Vava gîtîîo, nwatî mue mûtimvecaga gîtîîo.

Ciîko 13:50

Nwatî Ayahudi nîmaaunjugire anene a îtûûra wana aka a ndûrîrî a Kîrathi Kîam îgûrû arîa meetîkîtie Ngai. Nao nîmaatûmire Paûlo na Baranaba mambîrîrie kûnyariirwa na makîmengata kuuma vûrûrirî ûcio wa kwao.

Ciîko 17:6

Nwatî rîrîa maaregire kûmona, nîmaakururirie Jasoni na etîkia amwe makîmavira mbere ya athani a îtûûra na makiugîrîria atîrî, “Andû aya nîmatûmîte kûgîe na thîna kûndû kuonthe! Na rîu nîmaûka îtûûrarî rîetû,

Ciîko 18:12

Na vîndî îrîa Galio aatwirwe mwarîrîria wa Akaia, Ayahudi marî vamwe nîmaanyitire Paûlo, makîmûvira Kîammarî,

Ciîko 8:3

Nwatî Saûlo nîwageririe kûthiria kanitha. Nake nîwathiîcaga agîtonyaga nyomba wa nyomba akîrutûrûraga etîkia, arûme na aka na agatûmaga mavingîrwe njeera.

1Akor 11:22

Nîkwa mûtarî na mîciî yenyu mue ene kûrîa mûngîrîa na mûkanyua? Nîkwa mûnyararîte kanitha wa Ngai na mûconorithagia arîa methagîrwa matarî na kîndû? Nîmwîra atîa? Nîkwa ngûmûgatha nîûndû wa maûndû mama? Naarî! Nie tîmbîka guo!

Jakuvu 2:3

Mûngîva mûndû ûcio wîkîrîte nguo cia goro gîtîîo Kîam mwanya na mûmwîre atîrî, “Îkara ava gîtîrî gîkî Kîamro,” na wîre mûndû ûcio mûthîni atîrî, “Rûngama vaarîa,” kana, “Îkara nthî ava magûrûrî makwa.”

Jakuvu 5:4

Mûtirîvîte mîcara wana îrîkû kûrî arîa maarutire wîra mîgûndarî yenyu. Tathikîrîriani mateta mao! Kîrîro Kîam arîa mamûkethagîra irio nî gîkinyîte matûûrî ma Ngai, Mwathani Mwene vinya wonthe.

Jakuvu 5:6

Mue nîmûtuîrîrîte na mûkaûraga andû arîa athingu na matireganaga namue.