Jakuvu 2:4 - ÎVUKU RÎA ÛVORO MWARO

⁴ Mue mûrî na mavîtia ma kwonania kîmenyano gatagatîrî kenyu na ma gûtucanîra cira mûrî na meciria macûku.

Jakuvu 2:4 ပူးပေါင်းရင်းမြစ်များ

Ayubu 21:27

Ta nthikîrîriani! Nie nîmbîcî meciria menyu, na ngamenya mîvango yenyu ya kûnjûkangia.

Ayubu 34:19

Ndonanagia kîmenyano kûrî anene, ndarûmbûyanagia na itonga gûkîra athîni, nîûndû onthe maûmbirwe nîke.

Thaburi 109:31

nîûndû nîagitagîra andû arîa athîni, na akamavonokia kuuma kûrî arîa mamatucagîra kûragwa.

Thaburi 58:1

Mue atongoria, nîmûtucagîra andû na waragania? Mue atucanîri ciira, nîmûtucagîra andû na kîvooto?

Thaburi 82:2

“Nî mûthiî na mbere gûtucanîra ciira vatarî kîvooto nginya rî, mûkîonanagie kîmenyano kûrî andû arîa aganu.

Malaki 2:9

Kwoguo nîndûmîte mûnyararwe na mwagithue kîene mbere ya andû onthe a Isiraeli nîûndû mûtiarûmîrîra njîra ciakwa, nwatî mwîthîrîtwe mûkîthomithia watho na njîra ya kîmenyano.”

Luka 18:6

Nake Mwathani nîwathiîre na mbere kuga atîrî, “Nîmwegua ûrîa mûcirithania ûcio ûtaarî mûthingu aaugire?

Johana 7:24

Tigani gûtucanagîra ciira kûringana na ûrîa maûndû monekaga mekariî, nwatî tucanagîrani ciira kûringana na ivooto.”

Jakuvu 3:17

Nwatî mbere ya maûndû monthe, ûûgî ûrîa uumaga îgûrû nî mûtheru, nî wa thayû, ûvoreri na wendani. Ûûgî ûcio wîcûrîtwe nî ntha na nîûciaraga maciaro ma ciîko mbaro, ndûrî kîmenyano na ndûrî ûvinga.

Jakuvu 4:11

Ariû na aarî a îthe wetû, tigagani gûcambania. Mûndû ûrîa ûcambagia mûkristiano ûrîa wîngî kana akamûtuîra, nî acambagia watho na agaûtuîra. Mûndû ûtucagîra watho, ndawathîkagîra nwatî nîatuîkaga mûtucanîri.