Jakuvu 2:25 - ÎVUKU RÎA ÛVORO MWARO

²⁵ Ûguo nwa guo wana Rahavu ûrîa warî mûmaraa atwirwe mûthingu na njîra ya ciîko ciake. Ke nîwanyitire athigani Isiraeli ûgeni na nîwamatethirie maûre mathiî na njîra îngî.

Jakuvu 2:25 ပူးပေါင်းရင်းမြစ်များ

Mathaayo 1:5

Salimoni aarî îthe wa Boazu na ng'ina aarî Rahavu. Nake Boazu aarî îthe wa Obedi na ng'ina aarî Ruthu. Obedi aarî îthe wa Jesii,

Mathaayo 21:31

Nî ûrîkû gatagatîrî ka acio aîrî wekire ûrîa îthe eendaga?” Nao nîmaacokirie atîrî, “Nî ûcio wa mbere.” Kwoguo Jesû nîwamerire atîrî, “Nîramwîra nama atî etia a mbeca cia gooti na maraa nîmagaatonya Ûthamakirî wa Ngai mbere yenyu.

Ciîko 17:7

na Jasoni amaigîte gwake nyomba. Nao onthe nîmarauna mawatho ma mûthamaki wa Roma, makiugaga atî nîkûrî na mûthamaki wîngî wîtagwa Jesû.”

Ahib 11:31

Wîtîkio nîguo wagiririe Rahavu mûndûmûka ûrîa warî mûmaraa aûragwe vamwe na andû arîa maaregire kwathîkîra Ngai, nîûndû nîwanyitire athigani a Isiraeli ûgeni.

Jakuvu 2:18

Nwatî mûndû ûmwe nwa auge atîrî, “We ûrî na wîtîkio, nwatî nie nîrî na ciîko.” Nie nwa nîmûcokerie atîrî, “Monia ûrîa mûndû angîvota kwîthîrwa arî na wîtîkio vatarî na ciîko, nanie nîngûkwonia wîtîkio wakwa na njîra ya ciîko irîa mbîkaga.”

Jakuvu 2:22

Nîkwa mûtarona atî wîtîkio wake nîwarutithanirie wîra na ciîko ciake? Wîtîkio wake nîwatwirwe mûkinyanîru na njîra ya ciîko ciake.

Jakuvu 2:24

Kwoguo mue rîu nîmûrona atî andû matucagwa athingu na njîra ya ciîko ciao, nwatî tî na njîra ya wîtîkio wao mûtheri.

Josh 2:1

Joshua mûvîcî wa Nuni nîwacokire agîtûma athigani aîrî kuuma Shitimu na akîmera mathiî makathigane vûrûri wa Kanaani na makîria îtûûra rîa Jeriko. Rîrîa maakinyire îtûûrarî rîa Jeriko, nîmaathiîre na makîrarîrîra kwa mûndû mûka ûmwe mûmaraa wetagwa Rahabu.

Josh 2:15

Rahabu atûûraga nyombarî yatumîtwe rûthingorî rwa îtûûra. Kwoguo nîwanyûrûrûkirie athigani acio na mûkanda maumîrîrîte ndiricarî.

Josh 2:16

Nake Rahabu nîwerire athigani acio atîrî, “Thiîni irîmarî mûkethithe kuo nîguo andû a mûthamaki arîa mamûrûmîrîrîtie matîkamwone. Îkarani kuo îvinda rîa mîthenya îthatû nginya rîrîa magaacoka. Vuva wa ûguo mûkaaumîra mwîthiîre.”

Josh 2:4

Nwatî Rahabu nîwocete arûme acio aîrî na akamathitha. Kwoguo nîwacokirie atîrî, “Nîma kûrî arûme maraaûkire gwakwa nyomba, nwatî nie ndicî maraumîte kû.

Josh 2:6

(Vîndî îo Rahabu aathithîte athigani acio nyombarî yake îgûrû na akamakunîkîra na itina cia kamûtî karîa kaumaga ndigi cia kûthondeka itambaa irîa aaigîte nyomba îgûrû.)

Josh 6:17

Îtûûra wa vamwe na indo cionthe irîa irî kuo nîicûkangue ta irutîrîtwe Ngai-Mûnene matega. Nwatî Rahabu mûndûmûka ûrîa mûmaraa na andû a mûciî wao marekwe matûûre, nîûndû nîke wathithire athigani etû.