Jakuvu 2:24 - ÎVUKU RÎA ÛVORO MWARO

²⁴ Kwoguo mue rîu nîmûrona atî andû matucagwa athingu na njîra ya ciîko ciao, nwatî tî na njîra ya wîtîkio wao mûtheri.

Jakuvu 2:24 ပူးပေါင်းရင်းမြစ်များ

Thaburi 60:12

Ngai arî mwena wetû nî tûkaavootana; nîke ûkaavoota nthû cietû.

Aroma 3:28

Nîûndû Ngai atucaga mûndû mûthingu nî nîûndû wa gwîtîkia, nwatî tî ûndû wa gwîka ûrîa Watho ugîte.

Jakuvu 2:23

Namo mandîko matheru nîmaavingirue marîa maugîte atîrî, “Iburahimu nîwetîkirie Ngai, na nîûndû wa wîtîkio wake, Ngai nîwamûtwire mûthingu.” Kwoguo Iburahimu nîwetirwe mûrata wa Ngai.

Jakuvu 2:25

Ûguo nwa guo wana Rahavu ûrîa warî mûmaraa atwirwe mûthingu na njîra ya ciîko ciake. Ke nîwanyitire athigani Isiraeli ûgeni na nîwamatethirie maûre mathiî na njîra îngî.