Jakuvu 2:23 - ÎVUKU RÎA ÛVORO MWARO

²³ Namo mandîko matheru nîmaavingirue marîa maugîte atîrî, “Iburahimu nîwetîkirie Ngai, na nîûndû wa wîtîkio wake, Ngai nîwamûtwire mûthingu.” Kwoguo Iburahimu nîwetirwe mûrata wa Ngai.

Jakuvu 2:23 ပူးပေါင်းရင်းမြစ်များ

Kîam 15:6

Aburamu nîwetîkirie Ngai-Mûnene. Nîûndû wa ûguo Ngai-Mûnene nîwamwîtîkîre arî mûndû mûthingu.

1Atha 4:5

Azaria mûvîcî wa Nathani aarî mûnene wa anene arîa engî. Nake Zabudu, mûvîcî wa Nathani nîke warî mûthînjîri-Ngai na mûtaari wa mûthamaki.

2Maû 20:7

Ngai wetû, vîndî îrîa andû a Isiraeli maatonyire vûrûrirî ûyû, kinthî ndwengatire andû arîa maatûûraga kuo na ûkîûva njiarwa cia Iburahimu, mûrata waku nîguo ûtuîke wao tene na tene?

Ayubu 16:21

Naarî kethîrwa kûrî na mûndû wa kûnthaithanîrîra kûrî Ngai, ta ûrîa andû aîrî arîa mavîtanîtie meguithanagua.

Ntha 33:11

Ngai-Mûnene aaragia na Musa makîonanaga ta ûrîa mûndû aragia na mûrata wake. Musa acoka kûrîa andû maambîte magema, Joshua mûvîcî wa Nuni ûrîa wamûtethagia aatigagwa kûu îgemarî. Joshua aarî mwanake.

Isaia 41:8

“Nwatî we, Isiraeli ndungata yakwa, we Jakovu ûrîa nie nthurîte, we rûciaro rwa Iburahimu mûrata wakwa.

Maariko 12:10

Nie nî na ma nîmûthomete mandîkorî atî ‘Îthiga rîrîa rîaregirwe nî atumi a nyomba, nîrîo rîtuîkîte rîa vata mûno, gûkîra marîa mengî monthe.

Maariko 15:27

Nîmaacokire makîamba acuunani aîrî vamwe na Jesû, ûmwe mwena wake wa ûrîo na ûcio wîngî mwena wake wa ûmotho. [

Luka 4:21

Nake nîwamerire atîrî, “Mandîko mama mwegua makîthomwa nîmavinga ûmûnthî ûyû.”

Ciîko 1:16

“Ariû na aarî a îthe wetû mue mwîtîkîtie Ngai, Mandîko marîa matheru nwanginya maarî mavingue marîa Roho Mûtheru aaririe na kanyua ka Daudi rîrîa aarathire ûvoro wîgiî Judasi. Judasi nîke watongoretie arîa maanyitire Jesû.

Aroma 11:2

Ngai tîmûregu andû ake arîa ke aathuurire kuuma wa Kîammbîrîria. Mue nîmwîcî ûrîa Mandîko Matheru maugîte gacunjîrî karîa kandîkîtwe ûvoro wîgiî Elija. Elija nîwathaithire Ngai na agîcuka andû a Isiraeli akiuga atîrî,

Aroma 9:17

Nîûndû mandîkorî matheru Ngai erire mûthamaki wa Misiri atîrî, “Nie naagûtuire mûthamaki nîguo ngûtûmîre kwonania vinya wakwa na ngumo yakwa îtambe nthî yonthe.”

Agal 3:22

Nwatî mandîko matheru maugaga atî andû onthe a nthî marî rungu rwa vinya wa mevia. Kwoguo kîveo kîrîa kîranîrîtwe nî ûndû wa gwîtîkia Jesû Kristû nîkîvecanagwa kûrî andû arîa metîkîtie.

Agal 3:6

Ririkanani ûrîa mandîko matheru maugîte ûvoro wîgiî Iburahimu atî; “Ke nîwetîkirie Ngai nake Ngai nîwamûtuire Mûthingu.”

2Tim 3:16

Namo mandîko marîa monthe matheru, Ngai nîke waveere arîa maamandîkire ciugo irîa makwandîka nîguo ituîke cia kûthomithania ûvoro wa ma, kûmenyithia andû mavîtia mao nîguo meke maûndû marîa maro na matûûre na mûtûûrîre mwaro,

Jakuvu 2:24

Kwoguo mue rîu nîmûrona atî andû matucagwa athingu na njîra ya ciîko ciao, nwatî tî na njîra ya wîtîkio wao mûtheri.

1Pet 2:6

Nîûndû mandîkorî matheru Ngai augîte atîrî, “Nîngwiga îthiga rîrîa nthuurîte Zayuni, îthiga rîu nî rîa goro. Mûndû wa wonthe ûmwîtîkagia ndagaaconorithua.”