Jakuvu 2:21 - ÎVUKU RÎA ÛVORO MWARO

²¹ Iburahimu îthe wetû wa tene, nîwatwirwe mûthingu nîûndû wa ûrîa eekire vîndî îrîa aarutire mûriû wake Isaka metharî ya kûrutîra kîgongoona.

Jakuvu 2:21 ပူးပေါင်းရင်းမြစ်များ

Thaburi 143:2

Ndûkanjirithie nie, ndungata yaku, nîûndû gûtirî mûndû mûthingu mbere yaku.

Isaia 51:2

Taîcirieni ûvoro wa Iburahimu, îthe wenyu wa tene, na ûvoro wa Sara ûrîa wamûciarire. Iburahimu aarî wenga rîrîa namwîtire, nwatî nînamûrathimire na ngîmûva ciana nyîngî.

Mathaayo 12:37

Ciugo ciaku nîcio igaatûmîrwa gûgûtuîra wî mûndû mwaro kana wî mûndû mûcûku.”

Mathaayo 3:9

Mûtigecirie atî mûtikaaverithua mûkîîraga atî Iburahimu nî îthe wenyu wa tene. Nîramwîra ûguo nîûndû Ngai nwa atûme rûciaro rwa Iburahimu rûciarwe kuuma mathigarî mama.

Luka 1:73

Ke nîwevîtîre îthe wetû Iburahimu akîmwîra,

Luka 16:24

Kwoguo gîtonga kîu nîgîetire Iburahimu na gîkîmwîra atîrî, ‘Vava Iburahimu! Mbîguîra ntha na ûndûmîre Lazaro athiî atovokie mûthiia wa kaara gake ka njara manjîrî nîguo avoravorie rûrîmî rwakwa nîûndû nînîrathînîka mûno mwakirî ûyû!’

Luka 16:30

Nakîo gîtonga kîu nîgîacokerie Iburahimu atîrî, ‘Vava Iburahimu, ûguo tî mwîganu! Angîthîrwa mûndû nwa ariûke na akathiî kûrî o, o nwa meerire mevia mao.’

Johana 8:39

Nao Ayahudi nîmaamwîrire atîrî, “Îthe wetû nî Iburahimu.” Nake Jesû nîwamerire atîrî, “Angîthîrwa na ma mûrî ciana cia Iburahimu, nîmûngîkaga maûndû ta marîa ke eekire.

Johana 8:53

We nîkwa ûrî mûnene gûkîra Iburahimu îthe wetû ûrîa wakuire? Arathi wa nao nîmaakuire. Nîkwa ûreciria we ûrî û?”

Ciîko 7:2

Nake Stefano nîwamûcokerie atîrî, “Ariû a Îthe wetû na aa vava, tanthikîrîriani! Vîndî îrîa Iburahimu, îthe wa methe metû ma tene, ataarî mûthiîu gûtûûra Harani, Ngai mwene riiri nîwamumîrîre arî Mesopotamia,

Aroma 3:20

Nîûndû gûtirî mûndû ûngîtuîka mûthingu mbere ya Ngai nîûndû wa kwathîkîra Watho. Ûrîa watho wîkaga nî kûmenyithia mûndû atî nî evîtie.

Aroma 4:1

Nîtuga atîa ûvoro wîgiî Iburahimu îthe wa rûrîrî rwetû?

Aroma 4:12

Iburahimu nwake îthe wa arîa onthe aruu. Ke tî îthe wao nîûndû atî nî aruu. Nî îthe wao nîûndû matûûrîte metîkîtie Ngai wata ûrîa îthe wetû Iburahimu atûûraga etîkîtie atarî ararua.

Aroma 4:16

Kwoguo kîîranîro gîûkaga na njîra ya gwîtîkia, nîguo gîtuîke kîveo nîûndû wa wega wa Ngai. Kûrî njiarwa cionthe cia Iburahimu kîîranîro gîkî twa Kîam arîa mathîkagîra Watho tu, nwatî nî Kîam wana arîa onthe metîkîtie ta Iburahimu nîûndû nîke îthe wa kîîroho wetû tuonthe.

Ahib 11:17

Nîûndû wa wîtîkio Iburahimu nîwavecanire mûvîcî Isaka atuîke îgongoona vîndî îrîa Ngai aamûgeririe. Iburahimu nîke wavetwe kîîranîro nî Ngai, nwatî ke nîwevarîrîtie kûvecana mwana wake wa mûmwe atuîke îgongoona.

Jakuvu 2:18

Nwatî mûndû ûmwe nwa auge atîrî, “We ûrî na wîtîkio, nwatî nie nîrî na ciîko.” Nie nwa nîmûcokerie atîrî, “Monia ûrîa mûndû angîvota kwîthîrwa arî na wîtîkio vatarî na ciîko, nanie nîngûkwonia wîtîkio wakwa na njîra ya ciîko irîa mbîkaga.”

Jakuvu 2:24

Kwoguo mue rîu nîmûrona atî andû matucagwa athingu na njîra ya ciîko ciao, nwatî tî na njîra ya wîtîkio wao mûtheri.

Josh 24:3

Nînaacokire ngîruta Iburahimu îthe wenyu wa tene mûringo wa rûnjî rwa Farati ngîmûvîtûkîrîria vûrûrirî wa Kanaani na nînaamûvere njiarwa nyîngî. Nînaamûvere Isaka,