Jakuvu 2:13 - ÎVUKU RÎA ÛVORO MWARO

¹³ Nîûndû Ngai ndakeegua ntha agîcirithia andû arîa mategucanagîra ntha, nwatî mûndû ûrîa wîgucanagîra ntha ndageetigîra îtuîro.

Jakuvu 2:13 ပူးပေါင်းရင်းမြစ်များ

Kîam 42:21

na makîrana atîrî, “Nî ma tûrathînîka nîûndû wa maûndû marîa twekire mûrwaiya. Nîtwonire arî na thîna nyîngî na agîtûthaitha tûmûtethie tûkîrega. Kîu nîkîo gîtûmîte twîthîrwe tûrî na thîna ûyû rîu.”

2Maû 28:11

Rîu nthikîrîriani! Andû acio mwatavire nî aa mûrwanyûkwe na aa mwarwanyûkwe. Tigani macoke, nîûndû Ngai-Mûnene nî ûrakarîtue nî mue.”

Thaburi 18:25

We Ngai-Mûnene ûrî mwîvokeku waku kûrî andû arîa magwîtîkîtie, nîwonanagia wega waku kûrî andû arîa matarî ûcuke.

Thaburi 85:10

Wendo ûtathiraga na wîvokeku nîigaacemania, ûthingu na thayû nîikaamumunyana.

Nthi 21:13

Mûndû ûrîa ûtathikagîrîria mûthîni rîrîa akûmûkaîra, wa nake ndakoona wa kûmûthikîrîria agîkaya.

Nthi 22:16

Mûndû ûrîa ûvinyagîrîria mûthîni nîguo ongerere ûtonga wake kana akava itonga, ke mwene arîkagîrîria na kûthîna.

Isaia 27:11

Mvûa cia mîtî ya kuo nî nyûmû na ikaunîkanga, nao aka nîmathiîcaga kuna ngû cia mîtî îo. Andû aya a Isiraeli nî aritu. Kwoguo Ngai, ûrîa wamaûmbire ndakaameguîra ntha, ke ûrîa mûmaûmbi ndakaamatuga.

Jeremia 9:24

“Nwatî mûndû ûngîenda kwîgatha nîegathe na ûndû ûyû, atî nîambîcî na atî nie Ngai-Mûnene nîmbîkaga maûndû maro, ma kîvooto na maûndû ma ûthingu gûkû nthî. Maûndû mama nîmo mangenagia. Ûguo nîguo nie Ngai-Mûnene nîrauga.”

Ezek 33:11

Meere atî wata ûrîa nie Ngai-Mûnene Ngai ndûûraga mwoyo, ndikenagua nî gîkuû Kîam mûndû mwîvia, nwatî mendaga mûndû mwaganu agarûrûke atige mîthiîre yake na atûûre mwoyo. Mue andû a Isiraeli mûrenda gûkua nîkî? Garûrûkani mûtige maûndû menyu ma waganu.

Mika 7:18

We Ngai, nîkûrî wîngî wîkariî ta we? We wovagîra andû aku mevia arîa maatigirwe marî mwoyo. Marakara maku matitûûraga tene na tene nîûndû nî ûtwonagia wendo ûtathiraga.

Mathaayo 5:7

Kûrathimwa nî arîa megucanagîra ntha, nîûndû nîmakeguîrwa ntha!

Mathaayo 6:15

Nwatî ethîrwa mûtiovagîra andû arîa engî, Îthe wenyu ûrîa ûrî Îgûrû, wanake ndakaamwovera mevia marîa mwîkîte.

Luka 16:25

“Nwatî Iburahimu nîwamwîrire atîrî, ‘Mwana wakwa, taririkana atî kavinda karîa warî mwoyo nîwavetwe maûndû monthe maro, nake Lazaro akavewa maûndû monthe macûku. Nwatî rîu Lazaro arî gîkenorî nawe ûrî mathînarî.

Luka 6:37

“Mûtigatucanîre ciira, na wanamue mûtigaatuîrwa. Mûtigekûûe andû arîa engî na wanamue mûtigeekûûîrwa. Ovanagîrani na wanamue nî mûkooverwa.

Jakuvu 3:17

Nwatî mbere ya maûndû monthe, ûûgî ûrîa uumaga îgûrû nî mûtheru, nî wa thayû, ûvoreri na wendani. Ûûgî ûcio wîcûrîtwe nî ntha na nîûciaraga maciaro ma ciîko mbaro, ndûrî kîmenyano na ndûrî ûvinga.

Jakuvu 5:4

Mûtirîvîte mîcara wana îrîkû kûrî arîa maarutire wîra mîgûndarî yenyu. Tathikîrîriani mateta mao! Kîrîro Kîam arîa mamûkethagîra irio nî gîkinyîte matûûrî ma Ngai, Mwathani Mwene vinya wonthe.

Atir 1:7

Adonibeseki nîwacokire akiuga atîrî, “Nîkwarî na athamaki mîrongo mûgwanja maatinîtue ciara irîa nene cia njara wana cia magûrû. Athamaki acio moocanagia rwîtîki rungu rwa metha yakwa makîrîcaga. Wata ûrîa nekire andû, nwaguo Ngai ambîka.” Adonibeseki nîwacokire akîvirwa Jerusalemu, kûrîa aakuîrîre.

Atir 5:27

Nîwenamîrîre magûrûrî make, nîwagwîre nthî na akîmama, nîwagwîre nthî magûrûrî make na agîkua.