Jakuvu 2:12 - ÎVUKU RÎA ÛVORO MWARO

¹² Kwoguo aragiani na mwîkage maûndû ta andû magaatuîrwa na njîra ya watho ûrîa ûrekagîrîria andû.

Jakuvu 2:12 ပူးပေါင်းရင်းမြစ်များ

Luka 4:18

“Roho wa Ngai ûrî vamwe nanie, nîûndû nîamvakîte maguta, nîguo ngavunjîrie andû arîa athîni Ûvoro Mwaro. Nîandûmîte nthiî nganîrîre atî andû arîa moveetwe nî makûrekererua, atumumu nîmagûcoka kwona, na njoke manîrîre atî andû arîa mavinyîrîrîtue nîmagûtethûrwa,

Johana 8:32

Nîmûkaamenya ûma na ûma nîûkaamûruta ûkomborî.”

Agal 6:2

Kuuanagîrani mîrigo mûndû na ûrîa wîngî. Mweka ûguo, mûkethagîrwa mûkîathîkîra watho wa Kristû.

Afil 4:8

Ngîrîkîrîria Ariû na aarî a îthe wetû, îcirieni ûvoro wîgiî maûndû marîa maro na mangîgathîrîrua: maûndû marîa ma ma, matîîku, ma kîvooto, matheru, ma kwendeka na ma ûvoreri.

Akol 3:17

Maûndû monthe marîa mûgekaga kana mûkaugaga, mekageni mûgîcokagîria Ngai Îthe wetû ngatho rîîtwa rîa Mwathani Jesû.

Jakuvu 1:25

Nwatî andû arîa mathomaga waro watho ûrîa mûkinyanîru na ûrutaga mûndû ûkomborî, nîaûrûmagîrîra na akavingia ûrîa ugîte na tî kûthikîrîria na akîriganîrwa nîguo, andû acio nî arathime maûndûrî monthe marîa mekaga.

Jakuvu 2:8

Watho wa Ûthamaki ûrîa wonekaga mandîkorî matheru nî ûyû: “Enda mûndû ûrîa mûriganîtie nake wata ûrîa wîyendete we mwene.” Ethîrwa ûkaathîkagîra watho ûyû, we ûgekaga ûrîa kwagîrîrîte.