Jakuvu 1:9 - ÎVUKU RÎA ÛVORO MWARO

⁹ Akristiano arîa athîni nîmagîrîrwe nî gûkenaga rîrîa Ngai amanenevia.

Jakuvu 1:9 ပူးပေါင်းရင်းမြစ်များ

Thaburi 62:9

Andû onthe mekariî ta mîvevû tu; andû arîa marî îgweta na arîa matarî îgweta matirî vata. Ûngîmathima ûrito na kîthimi, matirî ûrito; onthe marî vamwe nîavûthû gûkîra mîvevû.

Nthi 17:5

Mûndû ûrîa ûthekagîrîra mûthîni ethagîrwa akîruma Ngai ûrîa waûmbire mûndû ûcio. Mûndû ûrîa ûkenaga rîrîa mûndû wîngî arî thînarî, nwanginya akaaverithua.

Nthi 19:1

Nîkava mûndû ethîrwe arî mûthîni na arî mwîvokeku, gûkîra mûndû waragia maveeni na arî kîrimû.

Isaia 29:19

Andû arîa avooreri nîmakaagîa na gîkeno gîcerû kuuma kûrî Ngai-Mûnene, nao arîa athîni gûkû nthî nîmagaakena nîûndû wa Ûrîa Mûtheru wa Isiraeli.

Luka 1:52

Nî agwîthîtie athamaki makauma itîîrî ciao cia ûthamaki, na akanenevia arîa menyivagia.

Luka 10:20

Mûtigakene nîûndû wa atî ngoma nîiramwathîkîra, nwatî mûkene nîûndû marîîtwa menyu nîmandîke îgûrû.”

Luka 14:11

Nîûndû mûndû wa wonthe wînenevagia nîakaanyivua, na ûrîa wînyivagia nîakaanenevua.”

Luka 9:48

na akîmeera atîrî, “Mûndû wa wonthe ûgwataga mwana ûyû ûgeni nîûndû wa rîîtwa rîakwa, nînie ethagîrwa akîgwata ûgeni. Nake mûndû wa wonthe ûngwataga ûgeni, nî ûrîa wandûmire ethagîrwa akîgwata ûgeni. Mûndû ûrîa mûnini viû gatagatîrî kenyu muonthe, nîke mûnene gûkîra arîa engî onthe.”

Aroma 8:17

Ethîrwa tûrî ciana cia Ngai, tûrî agai a irathimo irîa aigîrîte andû ake. Wana nîtûkagaa vamwe na Kristû kîrîa Ngai amwigîrîte. Nwatî nwanginya tûthînue ta Kristû nîguo tûkaagîa na riiri ta ke.

2Akor 6:10

Wana ethîrwa nîtwîgwithagua kîeva, vîndî cionthe twîthagîrwa tûrî akenu. Twonekaga tûrî athîni, nwatî nîtûtûmaga andû eengî matonge. Twonekaga tûtarî na kîndû, nwatî nîma tûrî na indo cionthe.

Gûco 15:11

Mûkethagîrwa mûrî na athîni vîndî cionthe vûrûrirî wenyu, kwoguo nîramwatha mûmatanavagîre.

Gûco 15:7

“Kûngîthîrwa kûrî mûndû wenyu mûthîni îtûûrarî wanarî rîmwe vûrûrirî ûrîa Ngai-Mûnene Ngai wenyu akûmûva, mûtikathunie njara na mûrege kûmûtethia.

Gûco 15:9

Mûtikarege kûmûkovithia atî nîûndû mwaka wa kûrekanîra mathiirî ûrî vakuvî. Mûtikareke ûndû mûcûku ta ûcio ûtonye meciriarî menyu. Mûngîrega gûkovithia mûndû ûcio, nwa arîrîre Ngai-Mûnene nîûndû wenyu, na mûtuîrwe atî nî mwîvîtie.

Afil 3:14

Kwoguo nîîrutanagîria kûvinyûra ndoretie mbere nîguo nacinda mvewe kîveo kîrîa Ngai ambîtîîre kûu îgûrû na njîra ya Jesû Kristû.

Afil 3:3

Tue nîtue twîthagîrwa tûruîte nama. Tûkumagia Ngai na njîra ya Roho wake na nîtûkenaga ûtûûrorî wetû tûrî ûrûmwe na Kristû na tûtiîvokaga maûndû marîa twîkaga mîîrî yetû.

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.

Kûguû 2:9

Nie nîmbîcî mathîna maku na nîmbicî maûndû macûku marîa andû amwe maragia mamwîgiî. O maugaga nî Ayahudi nwatî tî Ayahudi a ma. O nî gîkundi Kîam andû a Caitani!

1Sam 2:8

Nîarutaga mûthîni rûkûngûrî, na agaûkîrîria arîa athîni makauma mathînarî. Ngai-Mûnene nîatûmaga andû acio matuîke arata a anene, na agatûma mekarîre itî cia ûnene. Ngai-Mûnene nîke mwene itugî irîa itiirîrîrîte nthî îno, nîke wigîrîrîte nthî îgûrû rîacio.