Jakuvu 1:8 - ÎVUKU RÎA ÛVORO MWARO

⁸ Ke ndagîrîrwe nîgwîciria atî nîakaamûkîra kîndû kuuma kûrî Mwathani.

Jakuvu 1:8 ပူးပေါင်းရင်းမြစ်များ

1Atha 18:21

Nake Elija nîwathiîre kûrî andû acio na akîmaûria atîrî, “Nîmwîthîrwa mûrî na mathangania na nganja nginya rî? Ethîrwa Ngai-Mûnene nî Ngai, mûgooceni; nwatî ethîrwa Baali nîke Ngai, mûgooceni!” Nwatî andû matiamwîra wanarî ûndû.

2Atha 17:33

Kwoguo nîmaagoocaga Ngai-Mûnene, nwatî nwa maagoocaga ngai ciao o ene, kûringana na mîtugo ya mavûrûri marîa maarutîtwe.

2Atha 17:41

Kwoguo andû acio nîmaagoocaga Ngai-Mûnene, nwatî nwa maagoocaga ngai ciao cia mîvuanano, na nginya ûmûnthî njiarwa ciao itwîre ciîkaga wata ûrîa methe mao ma tene meekaga.

Thaburi 119:113

Nînthûrîte andû a ngoro igîrî, nwatî nîmendete watho waku.

Isaia 29:13

Mwathani aaugire atîrî, “Andû aya mamvecaga gîtîîo na mîromo, nwatî ngoro ciao irî kûraca nanie, gîtîîo kîrîa mamvecaga nî Kîam mawatho marîa mathondeketwe nî andû, na makamathoma.

Hosea 10:2

Ngoro ciao ciîcûrîte ûthani, Rîu nwa nginya maverithue nîûndû wa mevia mao. Ngai mûnene nîakoomomora metha cia magongoona, na omomore itugî cia mathiga ciakûvoyagîrwa.

Mathaayo 6:22

“Metho nî ta taa ya mwîrî. Kwoguo ethîrwa metho maku nî maro, mwîrî waku wonthe ûkethagîrwa wîcûrîte ûtheri;

Mathaayo 6:24

“Gûtirî mûndû ûngîvota gûtungatîra aathani aîrî. Nîûndû nwa amene ûmwe na akenda ûcio wîngî; ke nwa athîkîre ûmwe na akaira ûcio wîngî. Mûtingîtungatîra Ngai na mûtungatîre ûtonga.

Jakuvu 1:7

Mûndû ta ûcio ndavotaga gûtua îtua na nî athanganagia maûndûrî monthe marîa ekaga.

Jakuvu 4:8

Ûkani vakuvî na Ngai nake nîagûka vakuvî namue. Mue evia, îtherieni njara cienyu. Mue mvinga ino îtherieni ngoro cienyu!

2Pet 2:14

Matiendaga kûroria kîndû kîngî tiga aka maraa. Vîndî cionthe meriragîria gwîka mevia. Magucagîrîria andû arîa marî ngoro mvûthû mûtegorî. Ngoro ciao ciîthagîrwa imenyeretue ûkoroku. Andû acio nîagwate nî kîrumi Kîam Ngai.

2Pet 3:16

Ûguo nîguo augîte maarûarî ciake cionthe rîrîa rîonthe andîkîte îgûrû rîa ûvoro ûyû. Maûndû mamwe marî maarûarî cia Paûlo nî maûmû mûno mûndû gûtaûkîrwa nîmo. Nao andû arîa methagîrwa matarî athomu na arîa matekindîrîtie wîtîkiorî nîmataaragîria maûndû mau na njîra ya maveeni, wata ûrîa mataaragîria icunjî irîa ciîngî cia Mandîko Matheru. Kwoguo nîmethiragia o ene.