Jakuvu 1:4 - ÎVUKU RÎA ÛVORO MWARO

⁴ Tigani kûmîrîria kwenyu kûmûtongoragie maûndûrî monthe mûtakûgwa, nîguo mwîthagîrwe mûrî akinyanîru na mûrî agima na mûtarî na kîndû mûturîte.

Jakuvu 1:4 ပူးပေါင်းရင်းမြစ်များ

Ayubu 17:9

Nwatî mûndû ûrîa wîtîkîtie Ngai ndavîngagwa, na mûndû ûrîa wîkaga maûndû maro, ongagîrîrwa wa mûthenya.

Thaburi 37:7

Vorera na weterere Ngai-Mûnene agûtethie; ndûkamakue nî arîa marathiî na mbere na maûndû mao, kana arîa mavangaga mîvango mîcûku na îgakinyanîra.

Thaburi 40:1

Nîneterere Ngai-Mûnene andethie ngirîrîrîtie; nîwanthikîrîrie na akîgua kîrîro gîakwa.

Nthi 4:8

Tua ûûgî kîndû Kîam goro, naguo ûgaatûma ûgîe îgweta; ûkumbatîrie, naguo ûgaatûmaga ûvewe gîtîîo.

Habakuku 2:3

Kîoneki gîkî gîetererete vîndî îrîa mbagîrîru yakîo; nî kîoneki Kîam ma kîonanagia maûndû ma mûthiia. Ethîrwa nîmaronekana magîcererwa, meterere; nama nîmagûkinya na tîmacererwa.

Mathaayo 10:22

Andû onthe nîmakaamûmena nîûndû wakwa. Nwatî mûndû wa wonthe ûkaaûmîrîria nginya mûthiia, nîakaavonokua.

Mathaayo 19:20

Nake mwanake ûcio nîwacokirie atîrî, “Maathani mama monthe nînîmathîkîrîte, nî ûndû ûrîkû wîngî mbagîrîrwe nî gwîka?”

Mathaayo 5:48

Kwoguo, nwa nginya mwîthagîrwe mûrî akinyanîru wata ûrîa Îthe wenyu wa Îgûrû ethagîrwa arî mûkinyanîru!

Maariko 10:21

Nake Jesû aroria mûndû ûcio nîwegwire amwenda na akîmwîra atîrî, “Kûrî na ûndû ûmwe ûtigarîtie gwîka. Thiî wendie indo ciaku cionthe, ûve athîni mbeca icio na ûcoke ûnûmîrîre, nawe nî ûkwîigîra ûtonga mwîngî îgûrû.”

Luka 18:22

Rîrîa Jesû eegwire ûguo nîwerire mûndû ûcio atîrî, “Varî na ûndû ûmwe tu ûtigarîtie. Thiî ûkendie indo cionthe ciaku na ûve athîni mbeca icio, nawe nîûkwîigîra mûthithû îgûrû kwa Ngai, na ûcoke ûnûmîrîre.”

Luka 21:19

Ûmîrîriani na nîmûkaavonokia mîoyo yenyu.

Luka 8:15

Nacio mbeû irîa ciagwîre mûtheturî ûrîa warî mûnoru, nî andû arîa megucaga ndûmîrîri ya Ngai na makamiga marî na ngoro mbaro na mbathîki, na magakirîrîria nginyagia rîrîa makaagîa maciaro.”

Johana 17:23

Nie ngethagîrwa nîrî ndaarî yao, nawe ûkethagîrwa ûrî ndaarî yakwa nîguo matuîke kîndû kîmwe viû. Nao andû a gûkû nthî magaacoka mamenye atî we nîwe wandûmire na atî we nîûmendete wata ûrîa ûmendete.

1Akor 2:6

Kûnarî ûguo kûrî arîa marî na ûgima wa kîîroho, mbaragia maûndû ma ûûgî. Nwatî tî ûûgî ûrîa umîte gûkû nthî kana kûrî anene a gûkû nthî arîa marathira.

Agal 6:9

Kwoguo tûtikanoge nî gwîka waro, nîûndû îvinda rîrîa rîagîrîru rîakinya nîtûgaaketha twarega kûrwa nî vinya.

Akol 4:12

Epafara ûrîa umîte kûu kwenyu nîwamûkethia. Ke nî ndungata ya Jesû Kristû na nîamûvoyagîra mûno vîndî cionthe, atî mwîkarage mûrî agima na mûtarî na nganja wîtîkiorî wenyu na mûkîathîkagîra wendi wa Ngai.

1Ath 5:23

Ngai ûrîa ûtûvecaga thayû aromûtua atheru na njîra cionthe. Ke aromwiga mûrî agima roho, mîoyo na mîîrî yenyu nîguo mûkethîrwa mûtarî na ûcuke rîrîa Mwathani wetû Jesû agaaûka.

2Tim 3:17

nîguo mûndû wonthe ûtungatagîra Ngai ethagîrwa arî mwagîrîru na arî mwîvarîriu gwîka ûndû wa wonthe mwaro.

Ahib 13:21

Ngai mwene thayû aromûva indo cionthe mbaro irîa mûvatarîte nîguo mwîkage wendi wake. Na njîra ya Jesû Kristû arotwîka ûndû ûrîa ûmûkenagia. Nake Kristû arokumagua tene na tene. Ameni!

Jakuvu 1:5

Nwatî ethîrwa nîkûrî na mûndû wana ûmwe wa cienyu ûtarî na ûûgî, nîwagîrîrwe nîgwîtia Ngai ûrîa ûvecaga andû onthe arî na ûtaana na ûtugi.

Jakuvu 3:2

Mavinda meengî tuonthe nîtûvîtagia. Nwatî mûndû ûrîa ûtavîtagia akîaria, nîmûkinyanîru na nîavotaga kûmenyerera mwîrî wake wonthe.

1Pet 5:10

Nwatî mwona mwarîkia kûthînua kwa îvinda rînini, Ngai mûvecani wa mawega monthe ûrîa ûmwîtaga nîguo mûtuîke agai a riiri wa tene na tene mûrî rûmwe na Kristû nîakaamûtua akinyanîru. Ke nîagaatûma mwîkare mûrî ekindîriu, mûrî na vinya na mûrî na mûcingi ûrîa wa ma.

2Pet 1:9

Nwatî mûndû wa wonthe ûtarî na maûndû mau nî mûtumumu, na nîmûriganîre atî nîwathambirue mevia make marîa aarî namo tene.