Jakuvu 1:25 - ÎVUKU RÎA ÛVORO MWARO

²⁵ Nwatî andû arîa mathomaga waro watho ûrîa mûkinyanîru na ûrutaga mûndû ûkomborî, nîaûrûmagîrîra na akavingia ûrîa ugîte na tî kûthikîrîria na akîriganîrwa nîguo, andû acio nî arathime maûndûrî monthe marîa mekaga.

Jakuvu 1:25 ပူးပေါင်းရင်းမြစ်များ

Thaburi 106:3

Kûrathimwa nî arîa marûmagîrîra kîvooto, arîa mekaga maûndû ma ûthingu vîndî cionthe.

Thaburi 119:32

Ngaarûmagîrîra ûrîa maathani maku maugîte, nîûndû nîûmvecaga ûtaûku mwîngî.

Thaburi 119:45

Nthiîcaga nîrî na wîyathi, nîûndû nîngeragia kûmenya mataaro maku.

Nthi 14:15

Mûndû kîrimû etîkagia maûndû monthe, nwatî mûndû mûûgî nîaroragia kûrîa athiîte.

Isaia 8:20

Mûgaacokeria andû acio atîrî, “Thikîrîriani ûrîa Ngai-Mûnene aramûthomithia! Mûtikathikîrîrie ago, nîûndû matiaragia ûma.”

Luka 11:28

Nwatî Jesû nîwamûcokerie atîrî, “Kûrathimwa makîria nî andû onthe arîa megucaga kiugo Kîam Ngai na magakîathîkîra!”

Johana 13:17

Rîu nîûndû nîmwamenya maûndû mama, mûkaarathimagwa ethîrwa mûkaamekaga!

Johana 8:36

Kwoguo Mûriû angîmûruta ûkomborî, nîakûmûruta viû.

Ciîko 13:43

Na rîrîa mûcemanio ûrîa warî îvoerorî warîkire, Ayahudi eengî na andû a ndûrîrî eengî agooci Ngai arîa maagarûrîtwe magatonya ndinirî ya Ayahudi nîmaarûmîrîre Paûlo na Baranaba. Nao Paûlo na Baranaba nîmamaarîrie na makîmaûmîrîria matûûre mevokete wega wa Ngai.

Ciîko 2:42

Nao nîmeekarire marî evokeku kûrî kîrîra Kîam atûmwa, na ngwatanîrorî ciao, na kûrî ngwatanîro cia kwenyûrana mûgate na kûvoya marî vamwe.

Ciîko 26:22

Nwatî Ngai nîandethetie. Kwoguo nûngamîte ava ûmûnthî ngîrutaga ûira wakwa kûrî andû onthe, anini na anene. Maûndû marîa nîrauga nîmagwîkîka, nwamo arathi na Musa maaugire atî nîmagekîka namo nî:

Aroma 11:22

Ûndû ûyû ûratwonia ûrîa Ngai arî mûtugi, na ûrîa arî mwaganu. Ke nîwaganagîra andû arîa magwîte na agatuga arîa matûûraga wegarî wake, nwatî ethîrwa tîmwîkara wegarî wake, nîakûmûkavûranga!

Aroma 2:13

Ngai ndatucaga andû athingu nîûndû wa kwîgua watho, nwatî amatucaga athingu nîûndû nîmekaga ûrîa watho uugîte.

Aroma 7:12

Kwoguo, watho guo mwene nî mûtheru na rîathani nî rîtheru, rîrî kîvooto na nî rîaro.

Aroma 8:15

Roho ûrîa Ngai amûveete tî wa gûtûma mûtuîke ngombo na tî wa gûtûma mwîtigîre. Vandû va ûguo Roho ûcio amûtucaga ciana cia Ngai. Roho nîke ûtûvecaga vinya wa gûkaîra Ngai tûkiugaga, “Aba! Vava.”

Aroma 8:2

Nîûndû watho wa Roho ûrîa ûtûmaga tûtûûre tûrî ndaarî ya Jesû Kristû nîmûnjovoru kuuma kûrî watho wa mevia na gîkuû.

1Akor 15:58

Kwoguo, ariû na aarî a îthe wetû mue mendete mûno, îkaragani mûmîrîrîtie na mûtakwenyenya. Vîndî cionthe rutagani wîra wa Mwathani na vinya nîûndû nîmwicî atî wîra wa Mwathani tî wa mana.

2Akor 13:5

Îtuîrieni mue ene na mwîthime mwone kana nîmûtûûraga na wîtîkio wenyu. Nî ma nîmwicî atî mûtûûraga na Jesû Kristû, tiga nwa mwîthîrîtwe mûgwîte kîgeranio.

Agal 2:4

Andû amwe arîa meendaga Tito arue na meetucaga etîkia, nîmeetonyererie gîkundirî gîetû ta athigani. Meendaga gûtuîria ûvoro wîgiî wîyathi ûrîa wonekaga nîûndû wa kwîthîrwa tûrî kîndû kîmwe na Jesû Kristû. Andû acio meendaga tûtuîke ngombo.

Agal 5:1

Tue tûrî na wîyathi rîu nîûndû Kristû nîwatûrutire ûkomborî! Kwoguo îkaragani ta andû marî na wîyathi na mûtigetîkîre gûcoka ûkomborî rîngî.

Agal 6:2

Kuuanagîrani mîrigo mûndû na ûrîa wîngî. Mweka ûguo, mûkethagîrwa mûkîathîkîra watho wa Kristû.

Akol 1:23

Kwoguo nwanginya mûthiî na mbere gwîkara mwîkindîrîtie wîtîkiorî wenyu na mûrî na vinya. Mwîrîgîrîro ûrîa mwagîre naguo rîrîa mwegwire ûvoro mwaro, mûtikanetîkîre wenyenyue. Nie Paûlo nîrî ndungata ya ûvoro mwaro ûrîa wîthîrîtwe ûkîvunjîrua andû a nthî yonthe.

1Tim 2:15

Nwatî Ngai nîakaavonokia aka na njîra ya gûciara ethîrwa nîmakûthiî na mbere gwîtîkia, kwendana, gûtuîka atheru, na kwîthîrwa marî na mîtugo yagîrîrîte.

1Tim 4:16

Îîmenyagîrîre we mwene na ûmenyagîrîre maûndû marîa ûthomithanagia. Thiî na mbere gwîka maûndû mama nîûndû weka ûguo, nîûkwîvonokia we mwene na ûvonokie andû arîa makûthikagîrîria.

Ahib 12:15

Îîmenyerereni mûndû ndagate wega wa Ngai. Gûtikethîrwe kûrî na mûndû ûgûtuîka ta mûtî mûrûrû ûrîa ûkûraga na ûgatûma kûgîe na mathîna meengî nî ûndû wa ûrogi waguo.

Jakuvu 2:12

Kwoguo aragiani na mwîkage maûndû ta andû magaatuîrwa na njîra ya watho ûrîa ûrekagîrîria andû.

1Pet 2:16

Tûûragani ta andû meyathîte, na mûtigetîkagîre wîyathi ûcio wenyu ûtuîke wa gûkunîkagîra naaî. Nwatî tûûragani ta ngombo cia Ngai.

1Joh 2:24

Tigani ûvoro ûrîa mwegwire kuuma Kîammbîrîria wîkare ngororî cienyu. Ethîrwa ûvoro ûcio ûgekaraga ndaarî yenyu vîndî cionthe, mue nîmûgûtûûra mûrî ûrûmwe na Mûriû na Îthe.

Kûguû 14:13

Ngîcoka ngîgua mûgambo kuuma îgûrû ûkiuga, “Andîka atîrî: Kûrathimwa nî arîa kuuma rîu magaakucaga marî wîrarî wa Mwathani!” Nake Roho mûtheru arauga atîrî, “Na ma o nîarathime, nîguo manogoke kuuma kûrî mawîra marito, nîûndû ciîko ciao nîimaumaga vuva.”

Kûguû 22:14

Kûrathimwa nî arîa mathambagia nguo ciao ikathera, nîguo metîkîrue kûrîa matunda kuuma mûtîrî wa mwoyo. Andû acio nîmakaavîtûkîra mîîrîgarî mathiî îtûûrarî.

1Sam 12:14

Ethîrwa mue nîmûgûtîîa Ngai-Mûnene, Ngai wenyu, mûmûtungatagîre, mûmûthikagîrîrie, na mwathîkagîre maathani make, na ethîrwa mûthamaki wenyu akaarûmagîrîra Ngai wenyu-rî, maûndû makethîrwa marî maro.