Jakuvu 1:15 - ÎVUKU RÎA ÛVORO MWARO

¹⁵ Merirîria mau macûku nîmagîcaga îvu na magaciara mevia, namo mevia mau makûra maciaraga gîkuû.

Jakuvu 1:15 ပူးပေါင်းရင်းမြစ်များ

Kîam 2:17

tiga matunda ma mûtî ûrîa ûmenyithanagia maûndû maro na macûku. Ndûkanarîe matunda ma mûtî ûcio nîûndû vîndî îrîa ûkaamarîa, nwanginya ûgaakua.”

Kîam 3:6

Nake mûndûmûka nîwonire ûrîa mûtî ûcio warî mûthaka na ûrîa matunda maguo maarî maro ma kûrîwa, na atî warî wa kwîrirîrua nîûndû wa kûva mûndû ûgî. Kwoguo nîwatuire matunda ma mûtî ûcio akîrîa. Nîwacokire akîva mûthuuriwe mamwe, wa nake akîrîa.

2Sam 11:4

Daudi nîwatûmire anjaama mathiî makagîre Bathisheba, na mamûrete kûrî ke. Daudi nîwamenyanire nake kîîmwîrî. (Nake Bathisheba aarî wa vîndî arîkia îvinda rîake rîa kwîtheria wata ûrîa eekaga wa mweri). Bathisheba nîwacokire akînûka kwao mûciî.

Ayubu 15:35

Mathugundaga maûndû macûku ngororî magacoka magaciara mevia; ngoro ciao ivangaga maveeni.

Thaburi 7:14

Taroria, andû arîa aganu mavangaga maûndû marîa macûku; mecûrîtwe nî wîki naaî na maragia maveeni.

Thaburi 9:17

Andû onthe arîa aganu nîmakaathiî kwa arîa akuû, andû onthe arîa mariganagîrwa nî Ngai.

Nthi 11:19

Mûndû wa wonthe wendete gûtûûra ekaga maûndû ma ûthingu nîagaatûûra, nwatî mûndû wa wonthe wendete gwîka maûndû marîa macûku nîagaakua.

Isaia 33:11

Mûkaavangaga maûndû matarî na vata; mûgekaga maûndû matarî na umithio. Mîvevû yakwa nîta mwaki ûrîa ûvîvagia; mîvevû yakwa îkaamûcûkangia ta mwaki.

Isaia 59:4

Rîrîa mwathiî îgootirî, gûtirî mûndû ûrûmagîrîra kîvooto. Gûtirî mûndû ûthitanganaga arûmîrîrîte ûma. Mwîvokaga mîario îtarî kîene na mûkaveenania, mûtungaga maveeni na mûgatûma maûndû macûku mekîke.

Mathaayo 26:14

Nake mûrutwa ûmwe wa arîa îkûmi na aîrî wetagwa Judasi Mûsikariota, nîwathiîre kûrî anene a athînjîri-Ngai

Mathaayo 5:28

Nwatî rîu nîramwîra atî: mûndû wa wonthe ûroragia mûndûmûka na akerirîria kûmenyana kîîmwîrî nake, nîarîkîtie kûtharia na mûndûmûka ûcio ngororî yake.

Jakuvu 1:14

Nwatî mûndû nîageragua rîrîa agucîrîrua na aveenererua nî merirîria make ke mwene marîa macûku.

Jakuvu 1:18

Ngai nîke wendire tûgîe kuo na njîra ya kiugo Kîam ma, nîguo tûtuîke a vata gatagatîrî ga ciûmbe ciake cionthe.