Jakuvu 1:11 - ÎVUKU RÎA ÛVORO MWARO

¹¹ Riûa nîrîaraga rîrî na ûrugarî mwîngî na rîkavîvia mûmera, maûa maguo magûcaga na ûthaka waguo ûkathira. Na njîra wata îo itonga nîigaakua îrî mawîrarî ma cio.

Jakuvu 1:11 ပူးပေါင်းရင်းမြစ်များ

2Sam 22:46

Andû acio a ndûrîrî nîmaaûrirwe nî vinya na magîûka makinainaga maumîte matûûrarî mao marîa mairigîre.

Thaburi 102:11

Ûtûûro wakwa wîkariî ta kîruru gîa kîvwaî, nîraûma ta nyaki.

Thaburi 102:4

Nthirîtwe nî vinya ta nyaki îrî nyûmû, nthirîte nginya ngumba ya irio.

Thaburi 103:15

Nwatî, ûtûûro wa mûndû wîkariî ta nyaki, akûraga ta maûa marî mûgûndarî;

Thaburi 37:2

Nîûndû vuva wa îvinda rîtarî îraca, makaaûma ta nyaki; makaavova ta ûrîa mîtî mîthî îvovaga.

Thaburi 39:6

Nama, mûndû wonthe nî ta kîruru. Mawîra monthe marîa marutaga nî ma mana; acaragia ûtonga nwatî ndamenyaga ûrîa ûkaarigia nacio akua.

Thaburi 90:6

îrîa îmeraga kîraûko na îkaneneva, na kîvwaî îvovaga na îkaûma.

Mûvunjia 5:15

Wata ûrîa mûndû aaciarirwe atarî na kîndû nwaguo agaacoka kûrîa aaumire atarî kîndû. Gûtirî kîndû wana kîmwe Kîam irîa acarîtie akaathiî nakîo.

Isaia 28:1

Kaî andû a Efiraimu arîa mîrîu marî na thîna-î, ûthaka wa riiri wao ûrathira ta ûrîa yûa rîvovaga, ûthaka wao ûrîa ûvana ta maûa maravova maigîrîrîtwe ciongorî cia atongoria acio marîtwe nî ndivei.

Isaia 28:4

Riiri wao ûrathira ta ûrîa yûa rîvovaga, riiri ûrîa ûrî Kîamndarî kîrîa kîrî ûtonga, ûkethîrwa wîkariî ta ngûû irîa itunîvaga mbere ya îvinda rîa riûa, rîrîa mûndû aciona aitucaga na akairîa wa rîmwe.

Isaia 49:10

Matikavûûta kana manyonda. Riûa kana ûrugarî wa werûrî itikaamavîvia, nîûndû nîmagaatongorerua nî ûrîa ûmendete, na nîakaamavira kûrîa manjî matherûkaga.

Mathaayo 13:6

Nwatî rîrîa riûa rîarire, nîrîavîvirie mîmera îo, nayo îkîûma narua nîûndû îtiarî na mîri mîrikîru.

Mathaayo 20:12

Nîmaaugaga atîrî, ‘Andû aya mandîkirwe vuva wetû marutîte wîra îthaa rîmwe tu, warîrîa tue tûrutîte wîra mûthenya mûgima tûkîvîcaga nî riûa na wacoka watûrîva ûndû ûmwe na o!’

Mathaayo 6:30

Ngai nîke ûmenyagîrîra nyaki ya kîthaka; îrîa îrî vo ûmûnthî na rûciû îgaikua riiko îkavîa. Nîkwa mûtarî na ûma atî Ngai nîakûmûva nguo? Na kaî mue mûrî na wîtîkio mûnini-î!

Maariko 4:6

Na rîrîa riûa rîarire, nîrîavîvirie mîmera îo, nayo îkîûma narua nîûndû îtiarî na mîri mîrikîru.

1Akor 7:31

Nao andû arîa matûmagîra mavinda mao na gwîka maûndû ma gûkû nthî, magîrîrwe nî gwîkara takwa matatûmagîra mavinda mao monthe na gwîka maûndû ma gûkû nthî, nîûndû nthî îno wana mwîkarîre wayo wa rîu îthiîte kûthira.

1Pet 1:4

kwoguo nîtwetagîrîra kûgwata îgai rîrîa Ngai aigîrîte andû ake. Îgai rîrîa amwigîrîte îgûrû kûrîa rîtangîora, rîtangîgia na gîko na rîtangîthira.

1Pet 5:4

Na rîrîa Mûrîthi ûrîa Mûnene agaaûka, nîmûkaavewa nthûmbî îrî na riiri îrîa îtacûkaga.