Jakuvu 1:10 - ÎVUKU RÎA ÛVORO MWARO

¹⁰ Nao Akristiano arîa atongu nîmagîrîrwe nî gûkenaga rîrîa Ngai amanyivia, nîûndû itonga nîikaathira wata ûrîa maûa ma kîthaka mathiraga.

Jakuvu 1:10 ပူးပေါင်းရင်းမြစ်များ

Ayubu 14:2

Akûraga ta maûa marîa macokaga kûma, avinyûraga na akaûrîra wa rîmwe ta kîruru.

Thaburi 102:11

Ûtûûro wakwa wîkariî ta kîruru gîa kîvwaî, nîraûma ta nyaki.

Thaburi 103:15

Nwatî, ûtûûro wa mûndû wîkariî ta nyaki, akûraga ta maûa marî mûgûndarî;

Thaburi 37:2

Nîûndû vuva wa îvinda rîtarî îraca, makaaûma ta nyaki; makaavova ta ûrîa mîtî mîthî îvovaga.

Thaburi 39:6

Nama, mûndû wonthe nî ta kîruru. Mawîra monthe marîa marutaga nî ma mana; acaragia ûtonga nwatî ndamenyaga ûrîa ûkaarigia nacio akua.

Isaia 40:6

Kûrî na mûgambo waugire atîrî, “Anîrîra!” Nanie ngîûria atîrî, “Manîrîre ndûî?” “Anîrîra atî: Andû onthe mekariî ta nyaki, ûthaka wao wîkariî ta maûa marî mûgûndarî.

Isaia 40:7

Nyaki nîyûmaga namo maûa makavova, rîrîa rûkûngi rwa Ngai-Mûnene rwavurutana îgûrû rîamo; nama, andû mekariî ta nyaki.

Isaia 57:15

“Ûguo nîguo Ke Ûrîa ûrî îgûrû mûno, Ke Ûrîa wambararîtue mûno, ûrîa ûtûûraga tene na tene na ûrîa wîtagwa Mûtheru arauga. “Nie mbîkaraga kûu îgûrû kûrîa kûtheru, mbîkaraga na andû athînîku na enyivia. Nîngekîra mîoyo arîa maarî enyivia, na gwîkîra vinya arîa enyivia.

Isaia 66:2

Nie mwene nînie naûmbire indo ino cionthe, na kwoguo indo ino cionthe nî ciakwa. Nwatî mûndû ûrîa ûngenagia, nî ûrîa wînyivagia na wîrirîte, ûrîa ûndîîte na ûmbathîkagîra.

Mathaayo 5:3

“Kûrathimwa nî arîa mecî nîmavatarîte ûtethio wa Kîîroho, nîûndû Ûthamaki wa Îgûrû nî wao!

Mathaayo 6:30

Ngai nîke ûmenyagîrîra nyaki ya kîthaka; îrîa îrî vo ûmûnthî na rûciû îgaikua riiko îkavîa. Nîkwa mûtarî na ûma atî Ngai nîakûmûva nguo? Na kaî mue mûrî na wîtîkio mûnini-î!

1Akor 7:31

Nao andû arîa matûmagîra mavinda mao na gwîka maûndû ma gûkû nthî, magîrîrwe nî gwîkara takwa matatûmagîra mavinda mao monthe na gwîka maûndû ma gûkû nthî, nîûndû nthî îno wana mwîkarîre wayo wa rîu îthiîte kûthira.

Afil 3:8

Nîma monaga maûndû monthe marî ma mana nîûndû wa kûgîa na ûndû ûrîa ûrî na umithio mûnene. Ûndû ûcio nî ûvoro wa kûmenya Jesû Kristû Mwathani wakwa. Nîûndû wake nîndiganîrîtie indo cionthe na ngaitua ta macaki ma gûtewa nîguo ngîe na Kristû arî umithio na

1Tim 6:17

Atha andû arîa marî na ûtonga wa nthî îno matigetîîe. Meere matikaige mwîvoko wao kûrî ûtonga wa gûkû nthî ûrîa ûthiraga narua, nwatî maige mwîvoko wao kûrî Ngai ûrîa ûtûvecaga indo cionthe nîguo tûtûûre na gîkeno.

Jakuvu 4:14

Nwatî mûtiîcî ûrîa gûgaatuîka rûyû. Mwoyo wenyu wîkariî ta nundu. Mwavota kûmîona gwa kavinda kanini, nwatî îgacoka îkathiî.

1Pet 1:24

Mandîko matheru maugîte atîrî: “Andû onthe mekariî ta nyaki, na riiri wao wonthe wîkariî ta maûa ma kîthaka. Nyaki nîyûmaga, namo maûa nîmagûcaga,

1Joh 2:17

Nthî na indo cionthe irîa irî kuo, irîa ciîriragîrua nî andû nîirathira. Nwatî mûndû ûrîa wîkaga wendi wa Ngai atûûraga tene na tene.