Jakuvu 1:1 - ÎVUKU RÎA ÛVORO MWARO

¹ Nie Jakuvu ndungata ya Ngai na ya Mwathani Jesû Kristû: Nînamûkethia mue muonthe andû a Ngai arîa mûnyagarûkîte nthî yonthe.

Jakuvu 1:1 ပူးပေါင်းရင်းမြစ်များ

1Atha 18:31

Nîwocire mathiga îkûmi na maîrî kûringana na mîvîrîga ya avîcî a Jakovu. Jakovu nîke werîtwe nî Ngai-Mûnene atî nîageetwa Isiraeli.

Ezira 6:17

Nîmaarutire ndegwa îgana rîmwe, ng'ondu magana maîrî, na tûtûrûme magana mana nîûndû wa îgongoona rîa kwamûra hekarû. Nîmaacokire makîruta nthenge îkûmi na igîrî nîûndû wa mevia ma andû a Isiraeli, wa mûvîrîga warutaga nthenge îmwe.

Esita 3:8

Kwoguo Hamani nîwerire mûthamaki atîrî, “Kûrî andû a mûvîrîga mûna manyagarûkîrîte vûrûrirî waku wonthe na methagîrwa makîoneka icunjîrî cionthe cia wathani waku. Andû acio marî na mawatho ngûrani na marîa marûmagîrîrwa nî mavûrûri marîa mengî na matiathîkagîra watho wa mûthamaki, kwoguo gûtirî na vata wa kûmarekereria matûûre vûrûrirî waku.

Ntha 24:4

Nake Musa nîwandîkire maûndû monthe marîa Ngai-Mûnene aamwathîte. Mûthenya ûcio wîngî kîraûko tene Musa nîwaramûkire na agîtuma metha ya kîgongoona nthî ya kîrîma na akînjîra itugî îkûmi na igîrî kûringana na mîvîrîga îrîa îkûmi na îîrî ya andû a Isiraeli.

Ntha 28:21

Mathiga mau ma goro makethîrwa marî îkûmi na maîrî. Na wa îthiga rîkethîrwa rîandîkîtwe rîîtwa rîmwe rîa mîvîrîga îrîa îkûmi na îîrî ya Isiraeli.

Ntha 39:14

Mathiga mau ma goro monthe maarî îkûmi na maîrî. Na wa îthiga rîandîkîtwe rîîtwa ta mûvûûri kûringana na avîcî îkûmi na aîrî a Isiraeli.

Ezek 12:15

“Rîrîa ngaamanyagania ndûrîrîrî ciîngî na mavûrûrirî ma kûraca, nîmakaamenya atî nie nînie Ngai-Mûnene.

Alawi 26:33

Nîngaatûma mûrûe mbaara na nîmûnyaganie mavûrûrirî marîa mengî. Vûrûri wenyu nîûgaatiganîrua, na matûûra menyu matigwe marî momokangu.

Mathaayo 10:3

Filipu na Batholomayo; Toma na Mathaayo ûrîa warî mwîtia mbia cia gooti; Jakovu mûrû wa Alufayo, na Thadayo;

Mathaayo 13:55

Na kinthî ûyû tî mûvîcî wa mûvundi ûrîa wa mbaû? Na kinthî ng'ina ndetagwa Mariamu? Na kinthî aa mûrwang'ina tî Jakuvu, Josefu, Simoni na Judasi?

Mathaayo 19:28

Nake Jesû nîwamerire atîrî, “Nîramwîra nama atî vîndî îrîa Mûrû wa Mûndû ageekarîra gîtî gîake Kîam ûnene kîrîa kîrî riiri kûu nthî îo njerû, mue arîa mûnûmagîrîra nîmûgeekarîra itî cia ûnene na nîmûkaatha mîvîrîga îrîa îkûmi na îîrî ya Isiraeli.

Maariko 3:18

Enderea, Filipu, Batholomayo, Mathaayo, Toma, Jakuvu mûrû wa Alufayo, Thadayo, Simoni Mûzeloti

Luka 22:30

Nîmûkaarîra na mûnyuîre metharî yakwa Ûthamakirî wakwa, na mûcoke mwîkarîre itî cia Ûthamaki na mwathe mîvîrîga îrîa îkûmi na îrî ya Isiraeli.”

Luka 6:15

Mathaayo, Toma, Jakuvu mûrû wa Alufayo, Simoni (ûrîa wetagwa Zeloti),

Johana 12:26

Mûndû wa wonthe ûndungatagîra nwa nginya anûmîrîre nîguo varîa nîrî ndungata yakwa îthagîrwe nîvo îrî wa nayo. Nake Vava agaatîîaga mûndû wa wonthe ûrîa ûndungatagîra.

Johana 7:35

Nao atongoria a Ayahudi nîmeeranire atîrî, “Ke arenda kûthiî kû kûu tue tûtakaamwona? Arenda kûthiî matûûrarî ma Angiriki kûrîa andû etû matûûraga nîguo akathomithie Angiriki?

Ciîko 1:13

Rîrîa maatonyire îtûûrarî rîu nîmaacokire makîthiî kanyombarî ka îgûrû kûrîa meekaraga. Nao maarî Petero, Johana, Jakuvu na Enderea, Filipu, Toma, Batholomayo, Mathaayo, Jakuvu mûrû wa Alufayo, Simoni ûrîa wetagwa Zelote, na Judasi mûrû wa Jakuvu.

Ciîko 12:17

Petero nîwamaveenerie na njara yake akîmeera makire. Nake nîwamataarîrie ûrîa Mwathani aamûrutire njeera na akîmeera atîrî, “Îrani Jakuvu na etîkia arîa engî ûrîa kûrekîkire.” Nîwacokire akiuma kûu na akîthiî kûndû kwîngî.

Ciîko 15:13

Na rîrîa o maarîkirie kwaria, Jakuvu nîwaugire atîrî: “Tanthikîrîriani mue aariû-na-aarî-a-Îthe-wetû!

Ciîko 15:21

O matiagîrîrwe nî gwîka maûndû mama nîûndû Watho wa Musa nîwîthîrîtwe ûkîthomithanua matûûrarî monthe kwa îvinda îraca. Watho ûcio nwa ûthomagwa mavoerorî mûthenya wa wonthe wa thavatû.”

Ciîko 15:23

na makîmatûma, na maarûa îrîa yandîkîtwe atîrî: “Tue atûmwa na athuuri, ariû na aarî a îthe wetû nîtwamûkethia mue ariû na aarî a îthe wetû andû a ndûrîrî arîa mûrî Antiokia, Sîria na Cilicia.

Ciîko 2:5

Kûu Jerusalemu nîgwatûûraga Ayahudi maaumîte mavûrûri monthe ma nthî. Andû acio maarî avoi Ngai.

Ciîko 21:18

Na mûthenya ûcio wîngî Paûlo nîwathiîcanirie natue kwa Jakuvu, na athuuri onthe a kanitha maarî kuo.

Ciîko 23:26

“Nie Kilaudio Lîsia, nînagûkethia we mûnene mûgathe Feliki.

Ciîko 26:7

Kîîranîro kîu nwakîo andû etû a mîvîrîga îrîa îkûmi na îîrî merîgagîrîra kûgîa nakîo vîndî îrîa makûgooca Ngai marî na kîîo ûtukû na mûthenya. Mûthamaki mûgathe, Ayahudi maranthitanga nîûndû nîrî na mwîrîgîrîro ûvororî wîgiî kîîranîro kîu!

Ciîko 8:1

Saûlo nîwetîkîre atî kûûragwa kwa Stefano nîkwagîrîrîte. Mûthenya wa ûcio kanitha nîyambîrîrie kûnyarirwa mûno kûu Jerusalemu. Nao etîkia onthe, tiga atûmwa, nîmaanyagarûkire mavûrûrirî ma Judea na Samaria kuonthe.

Aroma 1:1

Kuuma kûrî nie Paûlo, ndungata ya Jesû Kristû na mûtûmwa ûrîa wîtîtwe na akamûrwa nî Ngai nîguo avunjagie ûvoro mwaro wake.

Agal 1:19

Nie ndiona atûmwa acio engî onthe tiga Jakuvu, ûrîa mûrwang'ina na Jesû.

Agal 2:12

Naareganire na Petero nîûndû nîwarîcanagîra na andû a Ndûrîrî, wana mbere ya andû arîa maatûmîtwe nî Jakuvu makinye kûu Antiokia. Nwatî rîrîa andû acio maakinyire Petero nîwatigire kûrîcanîra na andû a Ndûrîrî na akîthenguta kûrî o. Nîwetigagîra andû arîa maaugaga atî nwanginya andû a Ndûrîrî marue.

Agal 2:9

Nao Jakuvu, Petero na Johana, arîa moonekaga marî atongoria nîmaamenyire waro viû atî Ngai nîwamveete wîra ûyû wa mwanya. Kwoguo nîmaakethirie Baranaba na makîngethia. Ngethi ciao ciarî ta kîonereria gîa atî tuonthe tûrutaga wîra ûmwe. Nîtwetîkanirie atî Baranaba nanie tûrute wîra gatagatîrî ka andû a Ndûrîrî, nao marute wîra gatagatîrî ka Ayahudi.

Gûco 28:64

“Ngai-Mûnene nîakaamûnyagania mavûrûrirî monthe ma nthî. Nîmûgaatungatîra ngai ng'eni irûthîtwe na mîtî na mathiga, irîa mue wana methe menyu mataanagooca.

Gûco 30:3

Ngai-Mûnene Ngai wenyu nîakaamwîguîra ntha na amûcokanîrîrie vamwe rîngî kuuma mavûrûrirî monthe marîa aamûnyaganirie.

Gûco 32:26

Nînîngîamathiririe onthe viû, mariganîre gûkû nthî.

Gûco 4:27

Ngai-Mûnene nîakaamûnyagania mavûrûrirî marîa mengî, nwatî nî andû anini magaatigara kûu mavûrûrirî mau.

Afil 1:1

Kuuma kûrî Paûlo na Timotheo, ndungata cia Jesû Kristû. Kûrî andû a Ngai onthe a Filipi arîa methagîrwa marî kîndû kîmwe na Jesû Kristû, wa vamwe na atongoria a kanitha na arîa mamatethagîrîria.

2Tim 4:21

Geria mûno ûke mbere ya vîndî ya mvevo îkinya.

Tito 1:1

Kuuma kûrî Paûlo ndungata ya Ngai na mûtûmwa wa Jesû Kristû. Nie naathuurirwe na ngîtûmwa ngatethererie andû arîa athuure nî Ngai ûvororî wa gwîtîkia na nîmamenyithie ûvoro wa ma, ûrîa ûthomithanîtue nî ndini yetû.

1Pet 1:1

Nie Petero mûtûmwa wa Jesû Kristû nîrandîkîra arîa mathuurîtwe nî Ngai, arîa matûûraga mathamîrîte na makanyagarûka mavûrûrirî ma Ponto, Galatia, Kapadokia, Asia na Bithînia.

2Pet 1:1

Nie Simoni Petero ndungata na mûtûmwa wa Jesû Kristû, nîramwandîkîra mue andû arîa mavetwe wîtîkio wa goro wata ûrîa tûrî naguo na njîra ya ûthingu wa Ngai wetû na wa Mûvonokia wetû Jesû Kristû.

Juda 1:1

Kuuma kûrî nie Juda, ndungata ya Jesû Kristû, na nwa nie mûrwang'ina na Jakuvu. Kûrî andû arîa metîtwe nî Ngai na arîa matwîre mendetwe nî Ngai Vava na mûkamenyererwa nî Jesû Kristû.

Kûguû 7:4

Nanie nînerirwe atî mwîgana wa andû arîa onthe meekîrirwe rûûri maarî ngiri îgana rîa mîrongo îna na inya (144,000). Nao maarî a kuuma mîvîrîgarî îrîa îkûmi na îîrî ya Isiraeli.