Isaia 9:3 - ÎVUKU RÎA ÛVORO MWARO

³ We Ngai-Mûnene, nîûtûmîte rûrîrî rûongerereke, nîûtûmîte rûgîe na gîkeno kînene. Nîmaracanjamûka marî mbere yaku, marî na gîkeno ta vîndî ya maketha, ta ûrîa andû makenaga rîrîa maragaana indo irîa matavîte.

Isaia 9:3 ပူးပေါင်းရင်းမြစ်များ

Nehemia 9:23

We nîwatûmire njiarwa ciao ciongerereke wata njata cia îgûrû. Nîwamavere vûrûrirî ûrîa werîrîte methe mao ma tene atî magaûtonya mawîgwatîre ûtuîke wao.

Ayubu 12:23

Atûgagîria mavûrûri na akamagwîthia, nîamanenevagia na akamanyagania.

Thaburi 107:38

Nîwarathimire andû ake na makîongerereka mûno, na agîtûma ndîthia yao ya ng'ombe yongerereke.

Thaburi 119:162

Nîngenaga nî kiugo gîaku, ta mûndû wîtavîrîte ûtonga mwîngî.

Thaburi 4:7

Nî ûmvete gîkeno kînene ngororî, gûkîra Kîam arîa marî na ngano na ndivei nyîngî.

Isaia 10:26

Nie, Ngai-Mûnene mwene vinya wonthe, nîngaamariva na kîvoko ta ûrîa narivire andû a Midiani marî îthigarî rîa Orebu. Ngaamaverithia wata ûrîa naverithirie andû a Misiri.

Isaia 12:1

Mûthenya nîûgaakinya rîrîa mûkaaina atîrî, “Nîngagûcokeria ngatho we Ngai-Mûnene, nîûndû warî mûrakaru nîtue, nwatî rîu marakara maku nî mathiru, na nîûtûmîrîrîtie.

Isaia 14:5

Ngai-Mûnene nîacûkangîtie wathani wa arîa aganu, nîaunangîte mûragi wao wa wathani,

Isaia 25:9

Mûthenya ûcio, andû onthe nîmakaauga atîrî, “Taroriani, ûyû nîke Ngai wetû! Nîke twetererete, nîguo atûvonokie. Ûyû nîke Ngai-Mûnene; nîke twetererete; tigani tûkene na tûcanjamûke nîûndû wa gûtûvonokia.”

Isaia 26:15

Nwatî we Ngai-Mûnene nîûtûmîte rûrîrî rwetû rûkûre, nîwaramîtie mîvaka yonthe ya vûrûri wetû, kwoguo we nîûtîîtwe.

Isaia 35:10

Arîa maakûûrirwe nî Ngai-Mûnene nîmagaacoka, magaaûka Zayuni magîkûngûagîra, makethîrwa marî na gîkeno gîa tene na tene. Nîmakethîrwa marî na gîkeno na marî acanjamûku, kîeva na kîrîro nîikaathira viû.

Isaia 35:2

Nîgûkaamera maûa meengî, na kwine gûcanjamûkîte na gîkeno. Werû nîûkaavewa riiri wa Lebanoni, ûthaka wa kîrîma gîa Karimeli na wa Kîamnda gîa Sharoni. Nîmakoona riiri wa Ngai-Mûnene, nîmakoona ûnene wa Ngai wetû.

Isaia 54:1

Ngai-Mûnene arauga atîrî, Ina, we mûndûmûka nthata we ûtaanaciara, ugîrîria na wine na vinya, we ûtaanegua ruuo rwa gûciara. Nîûndû ciana cia mûndûmûka ûrîa ûtigîtwe nî nyîngî, gûkîra cia mûndûmûka ûrîa ûrî na mûrûme!

Isaia 55:12

“Mûkaauma Babuloni mûkenete; na mûthiîcage mûtongoretue nî thayû. Irîma na tûrîma nîikaaina irî mbere yenyu, nayo mîtî yonthe ya kîthaka nîkaamûvûrîra mvî.

Isaia 61:10

Nîngaakenagîra mûno Ngai-Mûnene, ngoro yakwa nîgaacanjamûka nîûndû wa Ngai wakwa, nîûndû nîambîkîrîte nguo cia ûvonokio, nîambîkîrîte nguo ya ûthingu, ta ûrîa mûvikania egemagia na maûa, ta ûrîa mûviki egemagia na mathaga make.

Isaia 61:7

Nîûndû wa ûrîa mwaconorithirue mûkaarîvwa maita maîrî, nîûndû wa kûrega gûtîîwa nîmûgaakenera îgai rîenyu, kwoguo nîmûgaatûûra vûrûrirî wenyu, na ûtonga wenyu wongerereke maita maîrî, na mûtûûre mûkenete tene na tene.

Isaia 65:14

Ndungata ciakwa ikaainaga irî na gîkeno ngororî, nwatî mue mûkaarîraga mûrî na ruuo ngororî, mûkiugagîrîria nîûndû wa ruuo rwa ngoro.

Isaia 65:18

Nwatî tûûragani mûkenete vîndî cionthe, mûgîcanjamûkaga nîûndû wa indo irîa ngûmba. Jerusalemu îrîa ngûmba îkethagîrwa îrî gîkeno, nao andû a kuo mageekaraga makenete.

Isaia 66:10

Kenanîrani na îtûûra rîa Jerusalemu; na mûcanjamûke nîûndû wa rîo, mue arîa onthe mûrîendete! Kenanîrani narîo, mue muonthe mûrîcakayagîra!

Jeremia 31:7

Ngai-Mûnene arauga atîrî, “Inani na gîkeno nîûndû wa andû a Isiraeli, na mugîrîrie nîûndû wa vûrûri ûrîa mûnene, anîrîrani na mûkenerere mûkiugaga atî, ‘Ngai-Mûnene nîavonoketie andû ake, matigari ma andû a Isiraeli.’

Hosea 4:7

Wa ûrîa athînjîri-Ngai mongerekaga, nwaguo onthe mevagia mbere yakwa. Kwoguo nîngatûma riiri wao ûtuîke gîconoko.

Alawi 26:13

Nie nînie Ngai-Mûnene, Ngai wenyu, ûrîa wamûrutire vûrûri wa Misiri nîguo mûtigatuîke ngombo ciao rîngî. Nînaamwovorire mînyororo îrîa mwovetwe nayo na ngîtûma mûthiîcage mûrî na wîyathi.”

Zakaria 10:8

Nîngaameta na nîmagaacokanîrîra vamwe, nîûndû nînîmakûrîte, na nîmakoongerereka na mengîve ta ûrîa meekariî mbererî.

Zakaria 2:11

Îvinda rîu ndûrîrî nyîngî nîigaacokerera Ngai-Mûnene, na nîigaatuîka andû ake, na atûûranie nao. Namue nîmûkaamenya atî nî Ngai-Mûnene mwene vinya wonthe ûndûmîte kûrî mue.

Zakaria 8:23

Vîndî îo, andû îkûmi kuuma mavûrûrirî na mîarîrie yonthe nîmagetonyereria varî Mûyahudi ûmwe na mamwîre atîrî, ‘Tiga tûthiîcanie nawe nîûndû nîtwîguîte atî Ngai arî vamwe namue.’ ”

Luka 11:22

Nwatî mûndû ûcio angîtonyererwa na akîrue vinya nî mûndû wîngî, mûndû ûcio mûmûkîriu vinya nî amûcunaga indo cionthe ciake cia mbaara irîa egitîrîte nacio na agacoka agakuua indo imwe kuuma kûu mûciîrî wa mûndû ûcio aakîria vinya.

Ciîko 8:8

Kwoguo nîkwagîre na gîkeno kîngî îtûûrarî rîu.

Afil 4:4

Îkaragani mûkenete mûrî ûrûmwe na Mwathani vîndî cionthe. Na nîngûmwîra rîngî atî mwîkarage mûkenete.

1Pet 1:8

Mue mûtianona Kristû, nwatî nîmûmwendete. Mue rîu mûtiramwona, nwatî nîmûmwîtîkîtie. Kwoguo nîmûkenaga gîkeno kînene mûno na gîtangîgweteka na ciugo,

Atir 5:3

Tathikîrîriani, mue athamaki! Tathikîrîriani, mue atongoria! Nîngwina, nîngwina, nîngwinîra Ngai-Mûnene wa Isiraeli rwîmbo.

Atir 7:22

Vîndî wa îo andû a Gideoni maavuvaga tûrumbeta, Ngai-Mûnene nîwatûmire andû a Midiani matemangane na mviû ciao. Nîmaathiîre merekerete Zarethani nginya magîkinya Bethishita, na îtûûrarî rîa Abeli-mehola vakuvî na Tabathi.

Atir 8:12

Zeba na Zalimuna nîmaatorokire, nwatî Gideoni nîwamavinyûririe na akînyita athamaki acio a Midiani wa oîrî na nîwatûmire mbûtû ciao cionthe cia mbaara ciîgue guoya.

1Sam 30:16

Nake nîwavirire Daudi kûrîa gîkundi kîu Kîamrî. Nao athigari acio a Amaleki maanyagarûkîte kûu kuonthe, makîrîcaga, makînyunyaga na makinaga, nîûndû indo irîa maatavîte kuuma vûrûrirî wa Afilisiti na wa Juda ciarî nyîngî mûno.