Isaia 8:8 - ÎVUKU RÎA ÛVORO MWARO

⁸ Mwîcûro wa rûnjî rûu ûkaanyagania vûrûrirî wa Juda, na manjî mengîve mûno mecûre vûrûri wonthe. Nwatî Ngai arî vamwe natue, mathagu make matambûrûkîte kûndû kuonthe nîguo makunîkîre vûrûri wake.”

Isaia 8:8 ပူးပေါင်းရင်းမြစ်များ

2Atha 17:3

Shalimaneseri mûthamaki wa Asîria nîwarûire na Hoshea. Hoshea nîwenenganîre kûrî Shalimaneseri na nîwamûrîvaga gooti.

2Maû 12:4

Nîwanyitire matûûra monthe marîa maarî mairigîre ma vûrûri wa Juda na makîthiî nginya Jerusalemu.

Isaia 10:6

Natûmire Asîria akaverithie vûrûri ûtaicî Ngai, namwathire akaverithie andû arîa mandakarîtie; akamacune indo na amatave, na amakinyange ta ndaka njîrarî.

Isaia 30:28

Mîvevû yake îkariî ta rûnjî rwîcûrîte rûkauna, manjî ma ruo makinyaga mûndû ngingo; Aûkîte kwinainia ndûrîrî aicûkangie, agaciovania na aivire kûrîa itendaga kûthiî.

Isaia 43:2

Rîrîa mûkûvîtûkîrîra manjîrî ngethagîrwa nîrî vamwe namue; na mûkîvîtûkîrîra nyûnjîrî itikaamûkîria vinya. Rîrîa mûkavîtûkîrîra mwakirî mûtikaavîa, na rûrîrîmbî rûtikaamûvîvia.

Isaia 7:14

Kwoguo Mwathani ke mwene nîakûmûva rûûri: mwîrîtu nîakaagîa îvu, aciare kaana na agatuîrîre rîîtwa, ‘Imanueli.’

Isaia 7:17

“Ngai-Mûnene nîagaakûretere we, andû aku, na andû a nyomba ya aguo yonthe mavinda ma thîna, îrîa îtanoneka rîngî kuuma rîrîa andû a Isiraeli maamûkanire na andû a Juda; thîna ûcio ûkaaumana na mûthamaki wa Asîria.

Isaia 8:10

Îîcûranieni vamwe, nwatî mîvango yenyu ndîkaavinga! Rûthani mîvango, nwatî ndîgaakinyanîra, nîûndû Ngai arî vamwe natue.

Jeremia 47:2

Ngai-Mûnene arauga atîrî: “Taroria manjî nîmarauma mwena wa rûgûrû, namo nîmatuîka ta rûnjî rwîcûrîte rûkauna; nîmagaakunîkîra nthî na indo cionthe irîa irî kuo, makunîkîre îtûûra vamwe na atûûri a rîo. Andû nîmakaaugîrîria; andû onthe a nthî nîmakaarîra marî na ûrûrû mwîngî,

Jeremia 48:40

Ngai-Mûnene arauga atîrî, “Taroria kûrî vûrûri ûgaûka na îvenya ûtharîkîre Moabu, ûgaûka wambîte mathagu ta nderi.

Jeremia 51:42

Îtûûra rîa Babuloni nîrîkunîkanie nî îria, nîrîkunîkanie nî makûmbî ma manjî maunjugûku.

Ezek 17:3

na ûmere nie Ngai-Mûnene mbugîte atî kwarî na nderi nene mûno yarî na mathagu manene. Mathagu maruo maarî na mbûî nyîngî ndaca cia rangi mwanya mwanya. Nderi îo nîyagûrûkire na îkîthiî kîrîmarî Kîam Lebanoni rûkîgwa îgûrû rîa mûtarakwe.

Ezek 26:19

Ngai-Mûnene Ngai augîte atîrî, “Nîngatua îtûûra rîa Turo kûndû kwanangîku ta matûûra marîa matatûûragwa nî andû na nîrîkunîkîre na manjî marîa maumîte îriarî rîrîa rîrikîru.

Danieli 11:10

“Anake a mûthamaki wa Sîria nîmakevarîria mbaara na magomanie vamwe athigari eengî mûno a mbaara. Athigari acio nî makaathiî na matharîkîre kûrîa kîgitîre kwa nthû ciao.

Mika 1:9

Nîûndû nguraro cia andû a Samaria itingîvona, nao andû a Juda nîagwate nî thîna wata ûcio, thîna ûkinyîte ivingorî cia Jerusalemu, kûrîa andû akwa matûûraga.”

Mika 5:5

nake nî akaareta thayû. Rîrîa andû a Asîria makaatharîkîra vûrûri wetû; na momomore nyomba cietû cia kwîgitîra, nîtûgaatûma atongoria etû arîa marî vinya makarûe nao.

Mathaayo 1:23

“Taroriani mwîrîtu nthingi nîakaagîa îvu, na aciare mwana wa kavîcî, ûrîa ûgeetwa Imanueli” (narîo rîîtwa rîîrî rîgîtaûrwa nî kuga “Ngai arî vamwe na tue”).