Isaia 8:1 - ÎVUKU RÎA ÛVORO MWARO

¹ Ngai-Mûnene nîwambîrire atîrî, “Oca rûvaû rûnene na wandîke îgûrû rîaruo na ndemwa nene ingîthomeka: “Tava na îvenya! Oca narua!”

Isaia 8:1 ပူးပေါင်းရင်းမြစ်များ

Isaia 30:8

Ngai nîwambîrire atîrî, “Rîu thiî wandîke ûvoro ûcio kîvengererî, na ûwandîke îvukuurî, nîguo ûtuîke ûira wa mavinda marîa magaaûka nginya tene na tene.

Isaia 8:16

Nîngûmenyerera maathani mama na nîmathomithie kûrî arutwa akwa.

Isaia 8:3

Nînacokire ngîmenyana na mûka wakwa kîîmwîrî, akîgîa îvu na agîciara kaana ga kavîcî. Nake Ngai-Mûnene nîwambîrire atîrî, “Gete ‘Maheri-shalali-hashibazi.’

Jeremia 30:2

“Nie Ngai-Mûnene, Ngai wa Isiraeli nîrakwîra wandîke maûndû monthe marîa nakwîra îvukuurî.

Jeremia 36:2

“Oca îvuku rîa gîkûnjo na wandîke maûndû monthe marîa nakwîrire megiî Isiraeli, Juda, na mavûrûri monthe, kuuma rîrîa nambîrîrie kwaria nawe, Josia arî mûthamaki nginya ûmûnthî.

Jeremia 36:28

“Oca îvuku rîngî rîa gîkûnjo na wandîke ciugo cionthe irîa wandîkîte îvukuurî rîa mbere rîrîa Jehoiakimu, mûthamaki wa Juda aravîvirie.

Jeremia 36:32

Jeremia nîwacokire agîoca îvuku rîngî rîa gîkûnjo na akîrînengera Baruku ûrîa mwandîki, na akîandîka maûndû monthe marîa Jeremia aamwîraga. Nîwandîkire maûndû monthe marîa mandîkîtwe îvukuurî rîa mbere rîa gîkûnjo rîrîa Jehoiakimu mûthamaki wa Juda aavîvirie na mwaki. Ciugo ciîngî wata irîa ciarî îvukuurî rîa mbere nîciongereerwe.

Kûguû 13:18

Ava varenda ûûgî. Ûrîa ûrî na ûtaûku atuîrie ûrîa namba ya nyamû îo yugîte, nîûndû namba îo nî rîîtwa rîa mûndû. Nayo namba îo nî magana matandatû na mîrongo îtandatû na ithathatû (666).

Kûguû 21:17

Mûraika nîwathimire rûthingo wa naruo. Rûthingo rwaracavîte na îgûrû mita mîrongo îtandatû kûringana na kîthimi kîrîa aatûmagîra.