Isaia 7:4 - ÎVUKU RÎA ÛVORO MWARO

⁴ Mwîre amenyerere, akirîrîrie, ndagetigîre na ndagakue ngoro nîûndû wa marakara meengî ma Rezini, mûthamaki wa Sîria na ma Peka, mûvîcî wa Remalia. Andû acio aîrî mekariî ta ndogo ya ngû ikîvora mwaki.

Isaia 7:4 ပူးပေါင်းရင်းမြစ်များ

2Atha 15:27

Mwakarî wa mîrongo îtano na îîrî (52) Azaria arî mûthamaki wa Juda, Peka, mûvîcî wa Remalia nîwatuîkire mûthamaki wa Isiraeli, na nîwathanire arî Samaria îvinda rîa mîaka mîrongo îîrî (20).

2Maû 20:17

Mûtikaavatara kûrûa mbaararî îno. Thiîni mûkeevarîria na mwetere na nîmûkoona Ngai-Mûnene akîmûvootanîra. Mue andû a Juda na a Jerusalemu mûtigetigîre na mûtikegue guoya. Mûkaathiî mûkatharîkîre andû acio na Ngai-Mûnene nîakethîrwa arî vamwe namue!”

Isaia 10:24

Kwoguo Mwathani, Ngai-Mûnene mwene vinya wonthe arauga atîrî, “Mue andû akwa arîa mûtûûraga Zayuni, mûtigetigîre andû a Asîria wana mamûriva na njokoma kana mûragi ta ûrîa mwekagwa nî andû a Misiri.

Isaia 30:15

Nîûndû Ngai-Mûnene, Ngai Ûrîa Mûtheru wa Isiraeli arauga atîrî, “Mûngînjokerera na mûkirîrîrie, nîmûkaavonoka; mwakirîrîria na mwanîîvoka mûkaagîcaga na vinya.” Nwatî mue nîmwaregire gwîtîkîra.

Isaia 30:7

Nîûndû ûtethio wa Misiri nî wa mana na ndûrî kîguni; kwoguo nîmvete Misiri rîîtwa, ‘Rahabu.’ ”

Isaia 35:4

Îrani arîa marî na guoya ngoro atîrî, “Îyûmîrîrieni, tigani gwîtigîra! Taroriani Ngai wenyu nîagaaûka kûmûrîvîrîria, nîagaaûka kûverithia nthû cienyu, ke mwene nîagaaûka kûmûvonokia.”

Isaia 37:6

Isaia nîwamerire atîrî, “Îrani mwathi wenyu Ngai-Mûnene arauga atî, ‘Ndûgetigîre nîûndû wa ûrîa wegua ndungata cia mûthamaki wa Asîria cianuma.

Isaia 41:14

Ngai-Mûnene arauga atîrî, “We Jakovu, kagunyû gaka, tiga gwîtigîra, mue andû a Isiraeli, nîngaamûtethia, nie nînie mûvonokia wenyu Ûrîa Mûtheru wa Isiraeli.

Isaia 7:1

Rîrîa mûthamaki Ahazi, mûvîcî wa Jothamu aathanaga Juda, Jothamu aarî mûvîcî wa Uzia, Rezini mûthamaki wa Sîria na Peka mûvîcî wa Remalia, mûthamaki wa Isiraeli, nîmaatharîkîre îtûûra rîa Jerusalemu, nwatî matiarîvoota.

Isaia 7:8

Nîûndû îtûûra rînene rîa vûrûri wa Sîria nî Damesiki na mûthamaki wa Damesiki nî Rezini. Kwa îvinda rîa mîaka mîrongo îtandatû na îtano (65) vûrûri wa Isiraeli ûkethîrwa ûcûkangîtue na ûtangîtuîka rûrîrî.

Isaia 7:9

Îtûûra rîrîa rînene rîa Isiraeli nî Samaria, na mûnene wa Samaria nî mûvîcî wa Remalia.” “Ethîrwa tî mwîtîkia, nama mûtigekindîria.”

Isaia 8:4

Nîûndû mbere ya kaana gakaamenya gwîtana ‘Vava’ kana ‘Nyanya,’ ûtonga wonthe wa Damesiki wana indo irîa itavîtwe Samaria nîigaakuwa ivirîrwe mûthamaki wa Asîria.”

Isaia 8:6

“Andû aya nîmarega manjî ma karûnjî ga Shiloa marîa metîkaga kavora na megua guoya nîûndû wa mûthamaki Rezini na mûthamaki Peka, mûvîcî wa Remalia.

Maca 3:26

Nî waro mûndû gwîkara akirîrîrîtie, etererete ûvonokio wa Ngai-Mûnene.

Amosi 4:11

Nînacûkangirie amwe enyu wata ûrîa nacûkangirie Sodomu na Gomora. Arîa mwatigarire mwekariî ta gîcinga Kîam mwaki kîtharîtwe kuuma mwakirî. Kûnarî ûguo mûtianjokerera.

Habakuku 2:3

Kîoneki gîkî gîetererete vîndî îrîa mbagîrîru yakîo; nî kîoneki Kîam ma kîonanagia maûndû ma mûthiia. Ethîrwa nîmaronekana magîcererwa, meterere; nama nîmagûkinya na tîmacererwa.

Zakaria 3:2

Nake mûraika wa Ngai-Mûnene nîwamwîrire atîrî, “Ngai-Mûnene arogûkûûma we Caitani! Ngai-Mûnene ûrîa ûthuurîte îtûûra rîa Jerusalemu arogûkûûma! Anga mûndû ûyû ndekariî ta karûkû gagîakana karutîtwe mwakirî?”

Mathaayo 10:28

Mûtigetigîre andû arîa maûragaga mwîrî, nwatî matingîûraga mwoyo. Vandû va ûguo îtigîreni Ngai ûrîa ûngikia mwîrî wana mwoyo îcuarî na agaicûkangia.

Mathaayo 24:6

Mue nîmûkegua mûrurumo wa mbaara vakuvî na mue, na wa mbaara îrîa îrî kûraca, nwatî mûtikavavûke. Maûndû ta mama nwa nginya mekîke, nwatî ûcio tîguo mûthiia wa nthî.

Gûco 20:3

akameera, ‘Tathikîrîriani mue andû a Isiraeli! Ûmûnthî nîmûkûthiî kûrûa na nthû cienyu. Mûtikathirwe nî vinya ngoro kana mwîtigîre kana mûtetema kana mûmakue nî o.

1Sam 17:32

Nake Daudi nîwerire Saûlo atîrî, “Mwathi wakwa, mûndû wana ûrîkû ndagetigîra Mûfilisiti ûyû! Nie ndungata yaku nîngûthiî kûrûa nake.”